Debekatua taberna honetako entxufetik bateria elikatzea
Kontatu behar dizuegun istorio hau... ez dugu guk asmatu, benetakoa da (Hemendik At, Buleko Gaztetxea). Abuztuak 16, arratsaldean Bilboko Plaza Berrian sartu eta kartelak nonnahi: Udalak jarritako WiFigunea dela.
Bi tonika eskatu ditut katxi edalontzi batean izotzez oparo... egarri nintzen. 4 euro.
Laster etorri da tabernako etxekoandrea esanaz portatilarekin leku gehitxo kentzen diodala barrari (!!).
"Beno -nik orduan- ba itxoin piskat, argindarrik gabe nengoen eta bateria kargatzen denean aterako naiz kanpora, terrazako mahaietara".
Handik bost minutura etxeko aitajauna etorri zait, bekaiztuta. "Aizu, hau ezin liteke gero..." Eta nik orduan katxia eskuan hartuta: "Ezin liteke, ezta lau euroko kontsumizioarekin ere?". "Ez ba, nik ez diot inori argindarrik ordaintzen, ta zuri ere ez". "A ez, orduan kalera bialtzen nauzu? Ba jakizu bateria-elikatze honek gastatzen dizun argindarra huskeria dela". "Zure etxean akaso..." bota dit sukaldean ezkutatuta.
Dagoeneko edana daukat tonika. Garratza zinez oraingoan.
Banoa, "hauxe modu ederra duzuena hemen bezeroak erakartzeko"... Eta hantxe bertan, arkupeko bordilloan eserita... "Inma, pinchos, raciones y bocaditos" izen luzeko taberna txikian jazotakoa salatzeari ekin diot sare sozialetan.
Nire jaietako look informala eta batez ere Euskadiko selekzioaren aldeko kamiseta izan ote da egoera surreal honen erruduna?
Kontsumitzaile gisa ba al dago hemen zer salaturik?
Ditxosozko entxufea (kentzen ez duen artean hor segiko du tentazioak) bezeroari ukatzeko lege guztiak bere alde al ditu taskero sinpatiko honek?
Jurisprudentziarik ba ote arlo korapilotsu honetan?
Zer pentsatuko dute Bilboko Turismo Bulegoak eta Udal WiFietakoek, jakiten dutenean Plaza Barrian.. pintxo, txikito eta serbilleta zikinen artean Numantzia teknofobo (eta auskalo beste zeren fobo) berri bat lehertu zaiela?
Eta azkenik, 4 euroak bueltan eskatu behar ote nizkion ostalari txirene honi?
Erantzunak
Beno, "I wasn't polite enought with a thug, you mean?".
Arrazoi duzu akaso, baina egia esan baimenik gabe taberna mordo batean elikatu izan dut ordenagailuaren bateria...
Gasteizko Artium.eko kafetegian, Zumaia, Donostia, Bilbo, Murgia eta beste hainbat eta hainbat WiFidun ostalaritza lokaletan. Baimenik eskatu gabe baina ezkutatu gabe ere (kable txuri salatari samarra dauka nere transformadoreak).
Sekula inork ez dit halakorik montatu. Naturaltasun osoz ikusten naute nere edaria hartzen, nabigatzen eta entxufea okupatzen.
Nire lagun batek dio argindar kontsumoan akaso 0,10ko lapurreta egitera nindoala Bilboko taberna horretan, atzeman eta guztiz desartikulatu nindutenean.
Komuneko xaboia, lehorgailu elekrikoa, papera... kuntsumitzeko ere baimena eskatu beharko ote diogu taskeroari? (Baai, badakit jadanik batzu barran edukitzen dutela rolloa bandaloek edo umeek kumunzuloa ataskatzen dena gasta ez dezaten). Polite.tasunez ed gabe... beti baimena eskatzen, katzen, katzen, katzen.
Ba errespetu osoz, nik ere uste dut lehenik eta behin baimena eskatzea zela egokiena. Tabernariaren erantzuna izan daiteke agian lekuz kanpokoa, baina beste lekuetan inork ezer ez esana ez zait justifikazio iruditzen.
Eta ez da egindako kontsumoaren kontua, baina besterenean geure etxean bageunde bezala edo okerrago jokatzeko ohiturak hartzen ari gara erraz. Zure kasua agian ez da beste munduko "pekatu" bat baina ulertzen didazu, eskua eman eta besoa hartu...
Ba hori, politeness, bien aldetik.
Nire 15,4 hazbeteko "eramangarri" tipikoaren transformadoreak gehienez 19,5 volt x 3,34 Amp = 65,13 VA ematen ditu. Beraz, Kw/orduaren prezioa 0,11 eurokoa izanik, ordubetez kargatzen edukiz gero ez litzateke inolaz ere zentimo batera helduko. Noski, netbook txikien kasuan kontsumo hori erdira jaisten da (12v x 3 amp ASUS eeePC batentzat 36 VA). Betiere transformadoreak ematen duen gehienezko potentziaz ari naiz, bateria kargatzen ari dela.
Ondorioa: tabernaria, zakarra izateaz gain, ez da batere inteligentea.
Ados @Jabi, tabernari hori ergel konpletoa da edo aitzakitan zebilen, ez ninduen han nahi.. nik azken hau sinisten dut. Eta @Mizpira, :) ulertu umorea mesedez, bestela mundu honetan bizitzea are infernuago litzateke... Txorakeria honekin diskutitzea dibertigarri suerta daiteke.
Esan dut bai akaso baimena eskatzea egokia dela, baina hara: Taberna ostalaritza leku publikoa da. Sinetsidazu, entxufeak "har nazazu" erreguka ikusi ditut Talasoterapia, Hotel, Jatetxe eta abarreko harrera aretoetan. WiFia doanekoa da zorionez leku gehienotan. Baina portatilen argindarrerako ez dute oraindik betiereko bateriarik asmatu.
Nik ostalariak pozik ikusten ditut WiFiari esker bezeria irabazten. Entxufe-baimena eskatuz neronek geratu behar ote iñuxente barregarri? Ze ostalarien %99.999ak bai baitzekiat esango didatela: "Noski ba, hire ordenagailua argindarrik gabe jardungo duk ala? Entxufazak, horretarakoxe zaudek horman bi zulottoak".
Eta absurduarei jira berria emanaz, entxufean kontadorea jartzen imaginatzen diat Plaza Barriko pincho, cazuelita eta bocadito saltzailea... "Tori, zure kontsumizioaren tiketa: 4 eta propina, 0,01 argindar faktura, BEZ kanpo.
Unean bertan erreklamazio orria eskatzerik bururatu ez zitzaidanez,azkenean Bilboko Kontsumo eta Turismo bulegoetan salaketa bana jartzea erabaki dut. Ea zer erantzuten didaten, jakinmina daukat. Ez dakit ostalaritza lokalak omen duen "zerbitzu publiko" izaeraren eta tabernariek bezeroen aurrean duten "onarpen eskubide"aren, kontzeptu bion artean zeinek irabaziko duen.
Tabernari horrek, inuxente, ezjakin eta mesfidanti galanta izateaz gain, ez daki negozioa egiten. Komuneko papera ere kobratu nahiko zizun? Eta komunean eskuak garbitzean erabiltako ura? Nik uste dut eguneratze txiki bat behar duela bezeroen profilari dagokionez, bere negozioarentzat ona zer den jakin nahi badu: bezero portatildunak pozik badaude, sarri joango dira taberna horretara eta diru mordoxka utziko dute bertan (eta gainera,euren lagun ugariei kontatuko diete sare sozialen bidez), munduko leku askotan egiten duten bezala. Bestela, galde diezaiotela Starbucksen jabeari.
Ai ene, ze tristea den batzuetan Euskal Herria!
Atzo Euskadi+Innova buletina iritsi zitzaidan eta albiste hau irakur zitekeen bertan:
Parisko Udalak deitutako aditu batzuek wifiaren erabilera mugatzea gomendatzen dute
http://www.euskadinnova.net/home.aspx?tabid=479&idNoticia=5527
Uste det AEB-ko unibertsitateetan WiFia kentzen ari direla. Kable bidezko konexioetara bueltatuko al gera?