Prentsak hiltzen zaituenean
Txato Agirre, besteak beste Eustat-en buru ohia eta Eusko Jaurlaritzan Kultura sailburuorde izana, Panticosan mendi istripuz hil zen herenegun (g.b.). Albisteak nahasmena eragin du Euskal Herriko Correo (Vocento) eta Espainiako Cinco Dias (Prisa) egunkarietan gutxienez: hildakoa, Jose Maria Aguirre Banco Guipuzcoanoko presidente ohiarekin nahastu dute egunkariok eta azken honen argazkia argitaratu dute, hildakorena bailitzan.
Curriculum nahasketa bitxia egin zuten gainera, Agirre (Eskisabel) Kutxako lehendakariorde izan zela eta. Zehazki, hauxe zioen "Muere Jose María Aguirre, ex presidente del Banco Guipuzcoano y asesor del Gobierno de Ibarretxe".
Aurrerago "era un persona muy conocida en todo Euskadi" zioen, Aguirre Gonzalezen argazkiaren alboan. Hori gutxi ez eta, ondoren, Aguirre Gonzalezen ibilbide profesionala jorratzen zuen: "Ingeniero de caminos, en su larga trayectoria fue presidente del Banco Guipuzcoana (sic) durante 21 años, vicepresidente de la CEOE y presidente de Acerinox".
Goizak aurrera egin ahala, El Diario Vascoren ildora lerratu zen Correo eta Aguirre Gonzalezen argazkia ezabatu du bere web orritik. Ordurako, Gara edo Berrian ikusi ziteken Agirre Eskisabelen argazkirik.
Eguerdiko 12ak zirenean, Europa Pressen eskutik, Agirreren nondik norakoen ohar zuzena zekarren Prisa taldeko Cinco Dias egunkariaren web orriak. Baina han ere, Aguirre Gonzalezen argazkia paratu zuten. Arratsaldean desagertu zena, bestalde.
Aguirre Gonzalezen lagun eta senitartekoren batek susto itzela izango zuten, euren tartekoaren hil berria irakurrita. Artxiboko argazki, udakeri eta presaren ajeak, dudarik gabe.
Erantzunak
Hasteko doluminak Txato Agirreren sendiari.
Gero, badoa kaletik Agirre Glez. eta galdetzen diote: "Aizu, baina zer egiten duzu zuk hemen...? Hilda zaude! Diarion eta PAISen hala esaten dute!!!". Ondoren nori sinetsiko diote gehiago, Agirre Glez.i edo egunkarioi? Ai San Tomas, Tomas, Tomas...
Biziak hiltzea hainbestean... baina hildakoak berriro hiltzea... makurra da hori gero. Nola piztu birrilda bazaude?
Oroitzen dut Diario edo antzeko batean agertu zela: "Sumendi baten gas isuri pozointsuek 15.000 hildako hil dituzte Afrikan".
Anekdota-edo borobiltzeko, esan, Gaceta de los Negocios egunkari espainiarrak paperean argitaratu zuela Agirreren heriotzaren berri. Eta argazki batekin: baina argazkikoa ez zen ez Panticosan hildako Txato Agirre, ez Guipuzcoanoko buru ohi Jose Maria Aguirre Gonzalez hori. Nor ote zen? Auskalo.
Internetetik desagertu dira albiste okerrak, ez daude ezta Googleren katxean ere. Ale bat aurkitu dugu, ordea, Vocento taldearen Qué doakoaren webgunean pantaila-irudi hau atera dugu, Joseba Barandiaranek goian aipaturiko izenburu nahasiarekin:
Argazkiak.org | Bi Jose Maria Agirre nagastu ditu Vocentok © cc-by-sa: sustatu
Albisteak batzaile batean, Newstin delakoan aurkitu dugu erreferentzia nola izan zen Correo hanka sartzen lehena:
Argazkiak.org | Bi Agirre nahastu ditu Vocentok © cc-by-sa: sustatu
Jose Maria Txato Agirreren heriotzaren berri, Berrian.
Haren argazki bat, hemen.
Jose Maria Agirre Gonzalez, Banco Guipuzcoanokoa, beste albiste honetan ikusiko duzue. Martxoan bankuaren presidentzia utziko zuela iragartzen duen albistea da.