Gipuzkoan euskara eta teknologiak bultzatzeko laguntzak
Gipuzkoako Foru Aldundiak euskara eta teknologia berriak sustatzeko deialdi bat atera du Gipuzkoa 2.0 programaren barruan. Guztira 687.833,32 euroko gastua baimentzen da. Proiektu bakoitzarentzat laguntzetan gehienezko kopuruak daude (8.000, 15.000 edo 25.000 euro, atal edo lerroaren arabera). Proiektuak aurkezteko epea irailaren 4a ixten da.
Deialdia hemen dago osorik.
Hauxe da diru laguntza lerroen zerrenda.
- Azterketak, lan monografikoak eta antzekoak editatu edo argitaratzeko.
- Eduki fotografiko edota grafikoa duten digitalizazio eta katalogazio proiektuak.
- Euskararen erabilera edo kultura onurako edukiak hedatzeko bidea errazten duten zerbitzuak edo tresnak garatzeko proiektuak.
- Euskarazko edukiak informazio teknologien bidez hedatzeko proiektuak.
- Euskara eta euskal kulturari dagozkion edukiak informazio teknologien bidez hedatzeko proiektuak.
Lerro hauetako 3.enean, lau azpi.atal daude eta aurkezten den proiektua horietakoren batean sartu beharko da
- Internet bidez hedatutako euskarazko edukiak erantsi edo trukatzeko bidea errazten duten zerbitzuak sortzea.
- API (Application Programming Interface) publiko eta irekiak garatzea, katalogoko edo artxiboko funtsak eskuratu, partekatu eta birnahasteko bidea errazteko.
- Telefono mugikorraren ingurunerako aplikazioak edo jokoak garatzea, aipatutako helburuen araberakoak.
- Sare sozialen erabiltzaile euskaldunek erabiltzeko aplikazioak, garapenak edo tresnak sortzea.
Proiektuaren edukiak eta zerbitzuen nahiz tresnen erabiltzaile-interfazea osorik euskaraz egon behar dira gutxienik. Software aplikazio edo produktuen kasuan, baimen libre baten bitartez ipini behar dira jendearen eskura.
Laugarren alorrean, 3. alorreko kontuekin zerikusia duten azpi-atalak daude, halaber, eta horietakoren batean sailkatu behar da aurkeztutako proiektua:
- Euskaraz soilik diren edukiei ikusgarritasuna emateko lagungarri diren webguneak, aplikazioak edo software tresnak garatzea.
- Aplikazio irekiak (API, widget edo besterik) garatzea, eduki digitalak libreki eskuratu, partekatu eta birnahasteko bideak errazteko.
- Euskara ardatz nagusi duen web ekosistema elkarlotuagoa garatzea errazteko dinamikak eta tresnak antolatzea.
Bostgarren alorrekoan, "kultura erakunde edo elkarte irabazteko asmorik gabekoak" aurkez daitezke, azpi-atal hauetakoren batean aurkezturik proiektua:
- Erakunde eskatzailearen egungo webgunea aldatzea, edukiak eskuragarri izan daitezen bai teknikoki, bai legearen aldetik.
- Aplikazio irekiak (API, widget edo besterik) garatzea, erakunde eskatzailearen eduki digitalen katalogo eta artxiboko funtsak libreki eskuratu, partekatu eta birnahasteko bideak errazteko.
- Kultura eragileen artean web ekosistema elkarlotuagoa garatzea errazteko dinamikak eta tresnak antolatzea.
- Web inguruaren ekintzak, jarduerak edo dinamikak antolatzea: Euskaldun web komunitateari ikusgarritasuna eta bizitasuna emateko jarduerak.
Erantzunak
Baietz erantzun dio hemen GipuzkoaKulturak Asierri, baina 3. alorrari dagokionez, irakurtzen dugunez, pertsona juridikoak aurkez daitezke, "egoitza sozial eta fiskala Gipuzkoako Lurralde Historikoan kokaturik baldin badute."
Eta guk uste dugu pertsona juridikoak direla enpresak, elkarteak, fundazioak...
Desberdintasuna gehiago dirudi software eta aplikazio informatikoen alorrera dedikatua dagoela 3. alorra, eta 4. eta 5.a webeko eduki proiektuetara gehiago zuzentzen direla.
Gaur zuzenketa txiki bat argitaratu da Gipuzkoako aldizkari ofizialean.
Ulergarriagoak egiteko, taulan ageri ziren tituluak aldatu egin dira.
Gaizki ulertu ez badut, 3., 4. eta 5. deialdiak oso antzekoak dira, baina kasu bakoitzean hartzaile ezberdina izanik: pertsonak, enpresak eta elkarteak, hurrenez hurren. Hala da?