CS Tailerra: kronika bat
Aurreko asteko ekitaldiak gustu ona utzi digu eta laburpen bat egitea pentsatu dugu Sustatun. Aurkezpenen aukeraketekin hizlariek ez zuten hutsik egin.
Argazkiak.org | Maite Goñi © cc-by-sa: sustatu
Hiru hitzaldi
- Telebista pertsonal/taldekoak, edo hurrengo hamarkadako TB mugikor eta distribuituak. (Gorka Julio Teketen; Elurnet, Arraytxiki).
- Mikroblogintza sozialaren erronka: Twitter, Tuenti eta Facebooke eragina (Maite Goñi, Ordiziako Jakintza ikastola, IKTeroak, Euskaljakintza).
- Sustatu.com: blog, hedabide, edo ze demontre (Luistxo Fernandez, CodeSyntax)
Argazkiak.org | CS Tailerra © cc-by-sa: sustatu
Neo Telebista
Gorka Julioren hitzaldiaren laburpena egin du Iban Arantzabalek, interneteko telebistaren hainbat adibide errepasatuz:
- Bideoblogak: udaberrigaldua da adibide bat, Josi Sierraren ekimen bat.
- Vidcast-ak (bideoa*rss) Miro moduko tresnarekin sartu gaitezke bertara. Lostin.blip.tv da adibideetako bat.
- Tubemogul . Estatistikak ematen dizkigu, bideoaren zenbat ikusle dauden. Jarraitu dezakegu eta neurtu.
- Streamin-a livestream.com erabilita erakutsi digu. Kamara bat eta mikrofono sinple batekin, edo webcamarekin. Jendeak parte hartzeko aukera ematen du. Livestreamekoa gure webgunetan ere erabili daiteke kodigoa itsatsita, eta hori erabili zuen Sustatuk hitzaldia zuzenean emateko.
- Bigarren fase bat litzateke zuzeneko streaming-a, baina edozein lekutatik, mugimenduan, kablerik gabe... qik moduko tresna batekin zuzenean emititu dezakegu gura duzuen lekutik. Eskuko telefono batekin nahikoa da. Hemen ere sortu daiteke kanala. Hiru segundutan aretoan gaudenon flipatu aurpegiak ikusteko aukera ere erakutsi zuen Teketenek; nahikoa, badabilela ikusteko. Gorkaren zuzeneko emanaldia istripuz bukatu zen, ordenagailuan ura erori zitzaionean. Zuzenekoaren arazoak.
Argazkiak.org | Gorka Julio "Teketen" © cc-by-sa: sustatu
Brainstorming: zer egin Sustaturekin?
Luistxoren hitzaldiaren ondoren brainstorming irekia izan zen. Nahasia, baina hala da izatez brainstorming bat.
- Anonimotasunaren onurak eta kalteak, identitatearen beharra, erregistroaren aukera... eztabaidatsua izan daiteke.
- Twitter eta Facebooken eragina. Bertan integratu behar da Sustatu. Maitek eta Teketenek pista batzuk eman zituzten.
- Interneteko telebista edo bideogintzaren erronkak.
Brainstrominak lagunarteko solasaldian jarraitu zuen, kafearekin batera... Diplomazia kontuak eta abar, Patxitraperoren eskutik Sustatu eguneko superkronikan. Leire Narbaizak ere idatzi ditu parrafo batzuk
Sustatu beraren etorkizunaz gogoeta egiteko antolatu zen baina jardunaldia oso interesgarria gertatu zen beste esparru batzuetan lan egiten dugunontzat ere bai. Sustatu niretzat informatu eta komunikatzeko espazio bat da, baina baita tendentzia eta bide erakusten dizkigun erreferentea ere.
Alde horretatik, jasotako lezioen artean aipatuko nuke konfirmtzen dela joera tresnen eta euskarrien konfluentziaruntz doala, eta teknologiarekin oso erne egon beharra dagoela edukietan inbertitzen den indarrari tresna desberdinen berriz difusio zabalena eskaintzeko. Eta modu horretan ulertu (eta baliatu) behar ditugula twitter, facebook, e.a.
Joera berrien ezaugarri batek kezka txiki bat eragiten dit hala ere. Jardunaldian behin eta berriz aipatu zen hitza da, baina balio bezala, eta ez arrisku bezala. "Aldiberekotasuna" da. Twitter-en balio handienetakoa da hori, baina kezka eragiten dit joera horrek ez ote duen "eten digital" berri bat ekarriko. "Online" bizi (eta batez ere lan) direnak eta konexioa egunean behin eta denbora laburrez eskura dutenak. Kontraesana dut honekin, zalantza baitaukat, twitter offline bizi direnentzat trenetik kanpo geratzeko arriskua edo trenaren azken bagoira igotzeko aukera ote den.