Bandera kontuak: militarren maniobrak Gorbeian

Lehen anahikoa argi ez zutenentzat, orain argi dago zein diren militarren helburu militarrak inoiz Euskal Herrira bestela etortzen badira.

Bai, bolo-bolo dabiltza argazkiok posta elektroniko bidez: La Krus del Gorbea konkistatu berria. Bat eta bi.

Argazkiak.org | Bandera espainola Gorbeian © cc-by-sa: sustatu

Ai Maritxu, hamaika ikusteko jaio zinen. Kanta dezagun denok:

En el monte Gorbea, en lo más alto

hay una cruz de amor,

y haciendo guardia en ella

la hermosa tierra, donde eres tú.

Mari, sube, escúchame,

óyeme ésta canción de amor;

que suele ser, amanecer,

al toque de oración, de oración.

Marichu sube al alto y verás,

a la cruz de Gorbea brillar,

y cuando estés arriba dirás:

Euskadi askatuta.

Eusko Alderdi Jeltzaleak jakinarazi du galdera zuzenduko diotela Espainiako Defentsa ministroari kontu honen inguruan, eta baita Bizkaian F-18 hegazkinekin egindako maniobra batzuen inguruan.

Horrez gain Arratiko bailarako EAJko uri batzarrek mendi ibilaldia antolatu dute Gorbeiako gailurrera uztailaren 4rako.

Informazio gehiago EAJren prentsa-oharrean.

Perejil uhartearekoaren antza hartzen diot nik, Vascongadas bertsioan ;)

Neuri, Perejil barik, ekarri dit gogora Cruz de Gorbea gaseosa apokrifoaren iragarki sorta. Hemen entzungai batzuk:

FJ.Lopez eta bere transbersalak zabal-zabal dira, baina

edozein modutan ere

, http://www.youtube.com/watch?v=_FXrbchrMuw

Zaldieroak ere Perejileko analogiari begiratu dio.

Bestetik, hor dugu Iwo Jima:

>>Cruz de Gorbea gaseosa apokrifoaren iragarki sorta

Et et et et. Iragarkiak izango dira apokrifoak baina Gaseosa Cruz de Gorbea erreala da, "gourmet" eta "connaisseur"-en gozamenerako.

Militarrek Gorbeiarena egitea, pikoloek Aresoko Olentzeroren lapurketa eta Inestrillasek bereak egitea ulertzen dot, ultraespainiarrak dira eta oso argi deukie zein dan euren aberria, euren bandera eta euren hizkuntza.



Patetikoa da, bestela, moderno, unibertsal eta zabal agertu nahi daben horiek, besteon aberria, bandera eta hizkuntzagazko atxikimendua behin eta barriz kritikatuz, eta beste aldetik behin eta barriz militarren jarduerak justifikatuz, Goardia Zibila bezalako erakunde zahar eta ustela defendatuz eta Isabel eta Fernando baino espainiarragoak agertuz.

Gipuzkoako Foru Aldundi Kultura sailak Gorbeiako gurutzearen argazki zahar parea askatu ditu Argazkiak.org gunean. Indalezio Ojangurenen fondokoak dira, eta Ojanguren bera agertzen da irudietan.

Argazkiak.org | Gorbeiako gailurrean. © cc-by-sa: GipuzkoaKultura

bai, bai, eskerrikasko bandera gorbea puntan jarriz, inork zalantzarik bazuen, euren kareta eta trikornioak kendu dituztelako. pica en flandes edota piperpotoa gorbean.



patxi lurrak salatzen dituen gertakizunetan bezala (aresoko olentzeroa, berbarako), garbi uzten du militar talde horrek zer egiten duen, zertarako balio duen eta zeren ordezkaritza diren.



gernikako arbola, legebiltzarra edota gorbeako gurutzean erakutsitako jarrera eta uniformeek argi uzten dute nor den nor eta bakoitza zer egiteko gai den. eskerrikasko, beraz, mozorroak albora lagata, okupazio militarraren agerpenak behin eta berriz herriari eskaintzeagatik.



athleticek gabarra atera beharra gertatu izan balitz, comandancia de marinako ontzi handi bat jarriko zioten aurretik, noski, piperpotoz josia, bidelagun ibaizabalen, barka, nervionen, gora.

Bandera kontuez ari garela, akordatu naiz lurrean ez ezik itsasoan ere izan direla azkenaldian "ikurren guda"rekin zer ikusirik duten gertakariak (akaso baita airean ere).

Lehenik eta behin, saiatuko naiz azaltzen itsasoan zeintzuk diren banderei dagokienean jarraitu beharreko neurri zorrotzak.

Itsasontziak matrikulatuta dauden Estatuaren bandera eraman behar dute txopan. Estatu espainolean derrigorrezkoa da, beti, itsasoan naiz portuan (ezagutzen ditudan herri guztietan da halaxe).

Gero, kortesiazko banderak daude. Normalean, kortesiazko bandera edozein izan daiteke (baita pirata ere). Eta, Estatu espainolean, erkidego autonomoen banderen erabilera zehatz mehatz arautua dago. Itsasontziek, beraz, ikurriña eraman dezakete, beti ere Espainiako bandera behar bezala kokatua badute (txopan) eta estatukoa baino txikiagoa bada.

Kortesiazko banderak itsasontziaren (kasu honetan beleroaren) ababorreko obenkean (mastatik karel ondora doan kableetako bat) jartzen dira, eta halaxe egin behar da ikurriñarekin.

Beste herrialde bat bisitatzen denean, kortesiazkoa bezala uler daiteke baina zenbait uretan derrigorrezkoa da bisitatzen den Estatu horretako zapia aideratzea. Kasu honetan, istriborreko obenkean egin ohi da.

Gipuzkoako itsasontzi batek Lapurdira joan nahi badu, beraz, atzean bandera espainola eraman beharko zukeen (besteak baino handixeagoa), ezkerrean ikurriña eraman dezake (nahi badu) eta eskuinekoan, printzipioz, frantsesa. Lapurdiko gipuzkoara datorrenean, berdin, txuri-gorri-urdina gorri-horiagatik aldatuz, eta alderantziz.

Noala harira. Hondarribian, esaterako, azken aldian (Jaurlaritza berria osatu aurretik ere) Guardia Zibila portuko irteeran maiz egoten dela entzun dut, itsasoratzen diren barkuak behatu eta legedia betetzen ote duten kontrolatzeko. Ez baduzu betetzen, geldi zaitzakete, baita isuna jarri ere.

Aste honetan, gainera, erakunde armatu horretako txalupa azkar bat iritsi omen da Kontxako badiara, "zodiac" batek lagunduta. Eta handia zain zegoen bitartean, txikia inguruetan ainguratutako itsasontziak miatzen aritu omen zen.

Ez dakit banderen gudan ari ote ziren ala ez.

Lotura honetan Estatu espainoleko legedia irakur daiteke (Armadaren itsasontziei ere egiten die erreferentzia).

Eta beste honetan argibide gehiago.

Hori bai, ez dei nazionalista gero!

Hona pasarte mamitsu batzuk:

"El izado de la bandera del país anfitrión se hará en la driza de señales disponible más exterior de la banda a tierra y en tanto esté izada la bandera nacional. El tamaño será siempre inferior a la bandera nacional".

"Con independencia de que el izado de la bandera nacional del país como cortesía —como su propio nombre indica— no es exigible a ninguna unidad de la Armada, el izado del torrotito en puerto o fondeadero extranjero ya es en sí mismo una muestra de cortesía".

"Las banderas y enseñas reconocidas en los Estatutos de las Comunidades Autónomas podrán izarse en puertos nacionales y aguas interiores, pero siempre al mismo tiempo que el Pabellón nacional y con el tamaño que se determina en el artículo segundo".

Mendizalea naz eta Gorbeia aldea gustoko dot baina aspaldian ez naz egon eta bandera españolaren kontuarekin, azken egunotan joateko gogoz eta ezinez nagoenez, jakin nahi neuke ia inposiziozko bandera hori ondiokan Gorbeian jarrita dauen ala kapazak izan garen hartu eta kentzeko begi bistatik. Badira egun dexente militarrek jarri euiela eta suposatu gure neuke handik kendute dauela iadanik. Iñork baldin badaki....

Hemen gorago iragarritakoa, EAJk deitutako Gorbeia mendira ibilaldia, atzo egin zuten. Iñigo Urkullu EBBko presidenteak hitz egin zuen bertan eta besteak beste esan zuen: "Komunikabideren batek erraz dauka gaurkoan titularra emateko lana "EAJk mendirako bidea hartu du". Prentsa oharra osorik hemen.

Ikurrina mordoa eraman zuten mendizaleek, eta hemen ikus daiteke argazki sorta bat. Lainoa izan zuten eta agian ez zen horregatik Espainiako militarrek lortutakoa bezalako efekturik lortu, baina bandera benetan handi bat ere igo zuten jeltzaleek.

Argazkiak.org-en ere azaldu dira Gorbeiako ikurriñak.

Argazkiak.org | Mendizaleak Gorbeian. © cc-by-sa: xa2

Hona Iñigo Urkullu manifestua irakurtzen:

Argazkiak.org | Iñigo Urkullu. © cc-by-sa: xa2

PNVk egindako desagrabioa ikusita argi geratu da eguraldi maparen kontrola galdu dutela. Espainolek eguzkiarekin, jeltzaleek lainotuta.

EAJk badaki eguzkipean zein laino artean ibiltzen. Sasoi ilunagoetan ibilikoak eta orain baino gorriagoak ikusittakoak eta jasotakoak bagara.

Abuztuaren 15an Orreagaren bataila gogoratuz Bizkaiko nafarrak gure bandera jarriko dugu Nafar erreinuaren mendi gailur nagusietan (Gorbeia barne) 1512rarteko euskal estatu bakarra gogoratuz.



Nafar erreinua zati nagusia ikusteko ETBko eguraldi mapa ikusterik ez dago, gracias Surio.

Zabaldun agertu da Noticias de Alavan ateratako albistea hau: Mandos militares decidieron en una comida colocar la bandera espanola en la cima del Gorbea .

Albistearen arabera, militar eta espioi espainolen arteko bazkari batean sortu omen zen Gorbeiako gurutzean ikur espainol erraldoia ipintzeko ideia:

"Para que se jodan" eta "ahora es cuando hay que demostrarles que estamos aqui. A Patxi Lopez le encantara". esan omen zuten bazkari horretan ...