Politika 2.0 gaztelania hutsez izatearen ardura
Politika 2.0 Interneten mugitzen diren zenbait aditu eta zaleturen ekimena da, internautak eta politikariak (edo herritarrak eta herri-administrazioak) batzeko helburuz sortua edo. Neuri, gaztelania hutsez funtzionatzen duela iruditzen zait, inolako begirunerik gabe euskaldunontzat, baina agian errua geurea da. Lagun batek idatzia Facebooken:
Baina nire gogoeta bestea da, zertan ari gara gu, euskaldunok? (euskara sareko lan tresnatzat dugunok)
Politika 2.0 talde honek antolatu dituen azkenetakoak:
- Emakumea eta politika topaketa, Emakunderekin batera.
- Eusko Legebiltzarreko presidente berriarekin elkarketa bat
Ez dut uste talde horretako inork euskara baztertzeko borondate zehatzik duenik, baina diglosia perfektu batetik antolatutako ekimena denez, euskarak zirrikiturik ere ez du izan, nire aburuz, praktikan, talde horren ekimenetan eta are gehiago, ezta gogoetetan ere, esango nuke.
Baina beti kexa eta kexa ari garenez... lagun batek Facebook-eko eztabaida batean idatzitakoa ekartzeko modukoa ere iruditzen zait:
Nik ere ez dut batere argi ikusten, besteak beste apartheid politikoa be argi eta garbi landu dutelako horkoek. Eta besteak mutu dirautelako. Baina lanean ari dira, gero eta gehiago sarea eta politika lotzeko asmoz.
Gaztelaniaz ari direla? Hori da beraien hautua, eta horrek politikoki ere markatzen ditu.
Baina nire gogoeta bestea da, zertan ari gara gu, euskaldunok? -euskara sareko lan tresnatzat dugunok-
Interneten ez dago euskara ofiziala egingo duen araurik -zorionez- eta euskaradunon ekimenez aterako dira gauzak aurrera.
Kexatzeak gutxirako balio dezake, alternatibarik eskaini ostean. Ulertzen da ezta?
Ulertzen da... baina ofizialtasunaren esparrua gaztelaniak osoki okupatzen duenean, zer egin?
Erantzunak
Gutxien-gutxienekoa: euskaldun izateaz lotsatzen diren erdaldun bizkarroi beltz horiei, guztiei, aspaldi honetannik ordaindu dizkiet soldata ez ezik, beste gauza asko ere bai. Eta euskaldun ikasi xume honek lanorduez kanpo eta bere patrikatik jardun behar du horien aurka, haiek guk ordaindutako (barka matraka baina errealitatea askoz ere luze, nekagarri eta aspergarriagoa da) lanorduetan ari diren bitartean.
Orain, nahi baduzue, mea culpa eta tenplu soziolinguistikoetan sartuko gara. Baina, hasteko, hori: erositakoa ez dugu jaso, ez Legebiltzarrean, ez Polizian, ez hezkuntzan, ez Osakidetzan, ez Euskal Telebista ustelean...
Autokritika? Haiek dute motiboa autokritika egin eta berehala neurri latzak hartzeko bere buruarekin.
Politika 2.0-k ez du baztertzen euskera, baina Euskadi ez da gure esparru bakarra. Taldearen barruan Espainia osoko eta Iberoamerikako jendea ere badago. Nire ustez, logikoena da pertson guztien horien hezkuntza erabiltzea. Gure lehen iniziatiban aurkezpen bat egon zen euskeraz, baina egun hartatik orain arte ez da ia jende euskaldun gehiago etorri taldera. Zergatik ez zarete etortzen zuek? Zatozte, edo sortu zeuen taldeak, eta guztion artean, politika partitzipatiagoa badaukagu helburutzat, lan egin ahal izango dugu elkar.
Egon zen euskaldunon artean Politika 2.0 delakoaren inguruan talde bat eratzeko saiakera, baina parte hartzea txikiegia zen eta taldea ito egin zen. Eta betikoa, euskaldunok elebidunak garenez (gaztelaniaz, frantzesez, ingelesez ere hitz egiten dugunez), kuoruma dagoen lekuetan parte hartu behar izan genuen. Beste hainbat et hainbat esparrutan gertatzen den bezala...
Arazoa, talde batek hizkuntza batetan lan egiten duenean dinamika hori aldatzea ezinezkoa dela da. Politika 2.0 taldean (izen euskalduna), barrutik dena gaztelaniaz egiten bada, hitzaldiren bat edo beste euskaraz ematea ondo dago, baina izan zitekeenaren islada triste bat besterik ez da. Errua gurea dela? Bai izango da, baina leku guztietan eta esparru guztietan korrontearen aurka igeri egiteak asko nekatzen du. Asko.
Portzierto, politika 2.0 gaiari buruzko testu batzuk (euskaraz):
- Politika 2.0, Joseba Kamio
- Politika 2.0 beste dimentsio bat politikarako, Josi Sierra (Politika 2.0 taldeko partaidea)
- Politika 2.0?, Haritz Rodriguez (Politika 2.0 taldeko partaidea)
- Politika 2.0, Marko Txopitea (Politika 2.0 taldeko partaidea)
Izan dira gai honen inguruko ekarpen gehiago euskaraz.
Iaz Gasteizko Legebiltzarrean izandako jardunaldietan Iñaki Muruak euskaraz egin zuen bere aurkezpena (bakarra izan zen).
Bere blogean maiz landu du gai hau:
Politika 2.0 ala Política 2.0?
Mutilmedia blogean ere:
Blogak 2.0 zuzenean
Katixa Agirrek "Argia"n:
Patxi 2.0
Gorka Juliok, zeharka:
Mugimendu Sozial Banatu(ar)en Aldeko Manifestua
Mikel Iturriak, "Irutxuloko Hitza"n:
Kontuak argi eta garbi, faborez
Iratxe Esnaolak, zeharka, "Gara"n:
Euskara 2.0, zer da hori?
Eta nik neuk ere, besteak beste, "Berria" egunkariko Teknokrazia blogean.
Gaian sartu garenez, hona aste honetan ikusi dudan zinta eder bat, JRMorak egina
Euskara itzulia, gainera ;)
Aupa,
Luistxoren kezka ulertzekoa da, baina ulertzekoa izango da ere talde hau sortu genuenean gehiengo zabal baten partaidetza bilatzen zela, eta zoritxarrez Bilbo inguruan lehenago sortutako taldeek gaztelera erabiltzen genuen gure harremanetarako.
Egia da ere taldeko euskaldunok gure artean bai zuzeneko idatzietan eta bai batzarretan euskara erabiltzen dugula beti bezala, baina taldean gehien erabiltzen duguna gaztelania da elkar ulertzeko.
Batzuk sortzen diren informazio guztiak irakurtzeko arazoak ditugu, eta hauek itzultzeko denbora jende gehiagorekin bakarrik lortu ahalko genuke, edo kanpoko diru laguntzarekin baina honela gure menpekotasun eza galduko genuke.
Zerbait itzultzen da, adibidez Euskal Herriko Unibertsitatean mintegi batzuk antolatu dira "Berrasmatu dezakegu demokrazia parte-hartzearen bidetik?"
Mintegiaren helburua: "Mintegiko partaideei gaitasuna eman estrategiak definitu, kudeaketa planak garatu eta Politika 2.0 proiektuak abiarazi eta ezartzeko, hauen bitartez erakunde publikoen gardentasuna hobetuz, hiritarren parte-hartzea bultzatuz eta ondorioz hartutako erabakien efizientzia areagotuz."
Euskaldun gehiago egonda ere ez dut uste egoera aldatuko denik, baina bueno elebidunak garela erakusteko behintzat zerbait aldatu behar dugu lehen urrats bezala.
Gero arte, Ugutz
@Mak, bai kexatu dena Luistxo izan da, ez Haritz. Hala ere, fijatzen bazara, nire kexua kontra-argudioaren azalpenarekin apaindu dut, errua ez ote den euskaldunona.
Interesgarriak ekarpenak eta Ugutzek dioen udako ikastaroarena. Sanjuan bezperako horretara igual hurbiltzen naiz... kolatzerik badago edo.
**Luistxo**, kezka ez da berria, taldearen ekimenetan hartzen dugun batzuen kasuan behintzat. Besteak beste, joan den irailean burututakoaren ondoren idatzi nuen horretaz, **Haritz**ek azaldu duen bezalaxe. Wikian ere sumatu dezakezu zein den nire jarrera.
Areago oraindik; **Ugutz**ek aipatu duen ikastaroaren baitan burutuko den mahai-inguruetako batean zuk plazaratu duzunarekin lotura zuzena izango du nire jardunak.
M@k ezagutzen dugu zure jarrera nolakoa den euskarari buruz. Traba bat bezala ikusi izan duzu beti lanpostu bat eskuratzeko garaian adibidez. Gainera, ez da oso politika 2.0 izaten ari zure jarrera azken aldian. Hitz hauek zureak dira (ezker abertzaleari buruz): "...pero espero con toda mi alma que jamás en la vida estos canallas tengan representación..." (via: http://dos-punto-cero.blogspot.com/2009/06/solo-nos-faltaba-un-pucherazo.html). Postulado horietan ez dago, ez bakarrik politika 2.0ren inguruan eztabaidatzerik, ezin da ezertaz hitz egin.
Egia da talde hori eratzeko euskaldunok ez dugula indar handirik egin, baina gerturatu direnak ere oztopo errealekin topatu dira.
A, orduan arazo bakarra ez da euskera, baizik eta arazoa politikoa da: zuretzat,Mikel, euskera da "ezker abertzalerena", nahiz eta beste ezkerti abertzaleei buruz nik ez dut ezer esan. Taldea ez da ni, edo ni ez naiz taldea. Ez nazazue jarri aitzakitzat. Wikian edozein hiztuntzako materialak jarri daitezke, listan, ordez, Espainiatik kanpoko pertsonak daudenez, gastelania erabiltzen dugu.
Euskara ez da "ezker abertzalerena" bakarrik, agian egia hori bereganatu beharko zenukete lehen. Eta nire hitzek, beste esparruetan, ez dute zerikusirik Politika 2.0-n parte hartzearekin.
Ezin baduzu ezberdin pentsatzen duten pertsonekin egon edo lan egin, arazoa zeurena da, ez besteena.
M@k, el Buscaimposibles utzi egiten du politika 2.0:
"Si no voy a ganar nada, al menos ser realista y dejar de sonar estupideces y de hacer el panoli." dio bere blogeko artikuluan.
Eta Paul Rios nahiko eszeptiko edo errealista ageri da Borrachera y resaca 2.0 artikuluan.
Nik honez gero nahiko garbi daukat euskaldunok ez dugula nahikoa egiten (eta ni lehenengoa). Euskarak kezkarik sortzen ez dion pertsona bati ezin diogu gehiegirik eskatu.
Legebiltzarrean izandako bilera horretako bideo bat ikusi dut non aurkezpenak egiten dituzten, eta euskararen arrastorik ez dagoen. Horrela lasai biziko da Quiroga andrea, eta euskararik behar ez duen iritzia indartuko zaio, etortzen zaizkion herritar guztiek gaztelera hutsean egiten badiote.
Toki guztietan euskaltalibana izatea oso neketsua da eta azkenean erretzen gara, markatuta ("hori euskaltalibana da"). Baina beste biderik ez dugu nire ustez, inor mindu gabe, baina euskara azaleratu behar dugu.