Twitter: gizonezkoek gizonezkoen atzetik eta gutxik twitteatzen
Harvard Business School famatuan genero ikerketa egin da modazko Twitterren inguruan. Maiatzean 300.000 erabiltzaileen portaera aztertu dute eta pare bat ondorio nagusi atera dituzte: gizonezkoek gehienbat gizonezkoen atzetik dabiltzala eta gutxik, %10, twitteatzen dutela. Emakumezkoak (%55) gizonezkoak (%45) baino gehiago dira Twitterren.
Emakumezkoak gizonezkoak baino gehiago dira Twitterren, emakumezkoak %55 dira eta aldiz, gizonezkoak %45, baina beste sare sozialetan ez bezala, Twitter sarean probabilitate bikoitza du gizonezko batek beste gizonezko bat jarraitzeko, emakume baten atzetik joatekoa baino.
Neurri batean "spammer" kontu gehienak emakume perfila izatearekin lotzen dute gertaera hau.
Ikerketaren beste ondorio bat: erabiltzaile arruntak ia ez du mezurik bidaltzen edo "twitteatzen". Twitterren izena emanda duten guztien mezu kopuruen bataz bestekoa bat baino ez da, eta erabiltzaileen erdiak 74 egun ematen dituzte zerbait eguneratu aurretik.
Posta-zerrendetan gertatzen den bezala gehienak lurkerrak dira: erabiltzaileen %10ak mezuen edo "tweet"-en %90 bidaltzen du.
Bill Heil eta Mikolaj Piskorski-k egindako ikerketari buruzko informazio gehiago Harvard-eko blogean .
Erantzunak
(ikus duela bi urteko artikulu hau) Twitter guztien gainetik bukatu du. Gakoa garbi dago non dagoen; erabilerraztasunean. Lehenik erabiltzaileak pilatzea da helburua. Gero API irekiak uzten dira. Horrela erabiltzaileek erabilera berriak asmatzen dituzten bitartean, garatzaileek balio erantsia ematen dioten aplikazio osagarriak sortzen dituzte. Eta voila! Urte gutxi batzuren ondoren apikazio hori hasieran aurreikusita ez zituen funtzioak betetzera heltzen da, hasierako ezaugarri tekniko batzuk gainera nahiko zaharkituta geratzen direlarik (140 karaktereko mezuak izatearena, adibidez). Horrela jatorrian sare sozialaren funtzioa ez zuen aplikazio batek, orain erreferente nagusiena bilakatu da.
Bitxia ezta?
Duela bi urte pasata, 2007ko martxoan hainbat gauza komentatzen ziren Twitter-i buruz Sustatun bertan Twitter, mikroblog, elkarrizketa edo komunitate modakoa izeneko artikuluan.
Dudarik gabe aurrera jo, arazoak gainditu eta arrakasta handia lortu du twitterrek.
Etorkizunari begira zer? Handitzen joango dela dirudi. Hemen eskema bat:
Argazkiak.org | Twitter etorkizuna © cc-by-sa: eneko
Bestalde, Jamais Cascio idazle eta ikertzaile futuristak, Twitter bezalako teknologiek aldaketa soziala bultzatzeko duten indarra azpimarratzen du.
Baina, era berean astakeriak bultzatzeko, genozidioa esate baterako, izan dezakeen gaitasunaz eta horren arriskuaren gain ohartarazten gaitu The Dark Side of Twittering a Revolution artikuluan.
Osagarri modura, hona hemen beste ikerketa baten ondorioak:
Bakoitzak ikusiko du zertarako erabili nahi duen horrelako tresna bat. Informazio baliagarria lortzeko (nik balio hori erantsitako URLari erlazionatuta ikusten dut) tresna eraginkorra ote den, nire zalantzak ditut. Eta aurrekoan esan nuen bezala, komunikazio tresna bezala ere, gabeziak dituela iruditzen zait.
Bitxia da Twitterekin gertatzen dena. Banan-banako konparaketetan, teknikoki ezaugarri hobeagoak dituzten aplikazioak egonda ere (