Nagore de los Rios, Eusko Jaurlaritzako komunikazio digitalerako zuzendaria
Atzo bezperako Rahaf Harfoush-en hitzaldiaren kronika egin nuen, baina komentatzeke utzi nuen ekitaldiko sorpresa, egitarauan agertzen ez zen gonbidatua entzutea hasieran: Nagore de los Rios, Eusko Jaurlaritzako online komunikazioen zuzendari berria.
Nagore de los Riosek egin zuen hitzaldia ez zen oso sakona izan, politikariek herriari entzun behar diotela, Internet bidez partehartzea areagotu behar dela... Baina interesgarria iruditu zitzaidan, pertsonaia berri bat irtetea publikora, Jaurlaritza berriaren ordezkari gisa. Hona, bere izendapenaz duela aste batzuk argitaratutako berria.
Nagore de los Rios izan zen Gobiernodecambioeneuskadi.org webgunearen arduraduna. Gogoratuko duzue, Patxi Lopezek kargua hartu zuenean egindako hankasartzea, webgune bat bat-batean sortu eta aurkeztu, 24 orduen buruan ixteko.
Argazkiak.org | Gobiernodecambioeneuskadi.org © cc-by-sa: sustatu
Suposatzen De los Rios-en ardura kasu honetan webgunearen kontzepzioa izan zela, eta ez hura sareratzeko erabaki politiko arriskatua... Goian itsatsi dut bideo bat, hemendik hartua, webgune harena kontatzen du De los Riosek.
Nere ustez, alde horretatik, konfiantza eman behar zaio eta ikusi ea zer ematen duen bere jardunak etorkizunean. Webgune hark ideia onak zituen:
- partehartzerako tresnak
- eduki libreak
- dokumentazioa partekatzeko gogoa
- eleaniztasunerako gogo bat (nahiz eta honetan akatsak zeuden, eta bat handia, nire iritziz, ingelesezko bertsio batean dirua gastatzen ibiltzea).
Hala ere, beste hainbatetan bezala, online komunikazioan herritarrekin harremana areagotzea helburu duen pertsona bat dugu hor, nonbait euskaraz ez duena egiten. Publikoki ez sarean ez herenegungo ekitaldian ez diogu entzun bederen euskararik Nagore de los Riosi. Honako hau zuzendu behar banu, asko poztuko nintzateke.
Baina edozein modutan, honetan ere, aurrekariak diren bezalakoak dira: Eusko Jaurlaritzako "herritarren partehartzerako zuzendaritzaren" buru Kontxi Bilbao EBkoa zen gobernu aldaketa gertatu arte. Iruditzen zait Atutxa kasuan jasandako kondenagatik konpentsazioa gehiago izan zela meritua, euskaraz jardun nahi dugun herritarron partehartzea bideratzeko pertsona elebakar batek izan dezakeen gaitasuna baino gehiago.
Erantzunak
Francis Pisaniren artikulua. Obamatarrek Etxe Zurian dituzten arazoak. Etxe Zuria 2.0-n amaitu da jaia.
Astuna izango naiz baina nola demontre bultzatuko du partehartzea, parte hartzen duen gobernu ilegitimoaren funtsa hiritarren parte baten partehartze eskubidea bortzaz ukatzea bada? Partehartzeaz esan dezaketen guztia, niretzat eta beste milaka hiritarrontzat, zabor hutsa da. Partehartze politikoa errotik eta biolentziaz ukatzen denean, ez dago horrelakorik konponduko duen blog-ik, eta informazioa propaganda bihurtzen da. Hori bai, gure partehartze politikoa ukatzen duten horiek (independentziatik ukatzen dizkigutenek ere bai) ez diote gure zergekin ordaintzen dugun beraien soldaten zatiari uko egiten.
Honekin guztiarekin ondorio bakarra azpimarratu nahi nuke: partehartze teknologikoaz makillatutako EZ DEMOKRAZIA bat, ez-demokrazia izaten jarraitzen du, eta ez dago defizit demokratiko hori konponduko duen komunikazio estrategiarik.
Internet tresna erangikorra izan daiteke partehartze demokratikoa zabaltzeko, baina horretarako demokrazia behar da. Ferrolko Patxi agitean zegoenean ere hauteskundeak egin egiten ziren
Nik ez dut esaten PSOEren gobernu honek hiritarren partehartze zuzenean sinesten ez duenik, esaten dut gobernuaren jarduera osoa datzala horretan: hiritarren parte baten partehartzea eragoztean. Gobernu hau ez da legitimoa, ez da demokratikoa, hiritarron gehingoak ez dugu nahi, eta handik atera ahal den edozer baztertzailea da. Erakunde ez demokratiko bat ez da demokratikoa bihurtzen "iradokizunen buzoia" jartzeagatik.
hobe lukete gure administrazioek artifizio eta aingeruen sexu kontuak alde batera utzi eta:
· gardentasuna areagotu, informazio baliogarria eskuragarriagoa bilakatuz
· internetaren hedapena/erabilpena sustatu/merkeagotu
· hezkuntza... teknologien erabilpena ezagutarazi
· tramiteak on-line egiteko tresnak garatu...
bestelakok...
obama hau, obama beste, 2.0, inobazioa sarean... azkenen aurretik askok aspaldi esandakoa berriz ere entzuteko: estrategia, eguneroko lanak, diruak... direla benetan eraginkorrak, eta tresnak... tresnak (boh! hoi e nere aitonak esaten zun, ikasketaik be)
"opengovernementua" ... oi zer da, erabaki inportanteetan, partaidetzan "open"-ago izango direla edo?... ez, blog batetan zure kexak azaldu ahal izango dituzula...
XVIII. mendeko bukaeratik hona ez da halakorik izan mundun hi!
ain zein herri modelnoan bizi gean.. nahiz eta konexiorako "banda zabalaren" erabilpenean portugal atzetik ibili... hungria paren edo (datuen bila nabil, eta topatu ez... beno bai, 2002koak... to "informazioaren soziedadea")
ene, ene