Eszisioa gauzatu da EAn eta Alkarbide sortu da
Eusko Alkartasunako Gipuzkoako kritikoek (eta beste herrialdeetako batzuek) Alkarbide mugimendua sortuko dute, eta hainbat Alkartetxe euren eskuetan geratuko dira, hemendik aurrera Alkargune izenaz. Kargu publiko gehienak eramango ditu Iñaki Galdosek zuzendutako sektore kritikoak. Sustaturen eguneraketa, asteartea 09.45: Oraintxe argitaratu du sektore kritikoak bere iragarpen eta dokumentua (gaztelaniaz) erabiltzen ari diren Lurraldea.org webgunean.
Sektore ofizileko zinegotzi gutxi daude Gipuzkoan: Debako guztiak (Alkatea barne), Donostiako bat, eta Zumarraga eta Arrasatekoak. Azken honetako Pello Urizar dago deitua EA zuzentzera.
Bizkaiko udaletan, sektore kritikoarekin bat datoz Bermeo, Gernika eta Santurtziko karguak. Bermeokoek espainiar trantsizio garaiko talde independentea berreskuratuko dute. Gernika eta Santurtzin zer gertatuko den inkognita bat da, momentuz.
Gipuzkoako Batzar Nagusietan eta Foru Aldundian EAk dituen kargu guztiek egiten dute bat sektore kritikoarekin.
Erantzunak kargatzen...
