Wolfram Alpha, datu zientifiko eta estatistikoen bilatzaile moduko bat

Erabilera adibideekin ilustratzen ahalegin handia egin dute, bideo honetan edo etsenpluen galeria hauetan; zerrendatuta, bisualki. Eragiketa matematikoekin, DNA sekuentziekin edo datu estatistikoekin lortutako taulak ikusgarriak dira, baina iruditu zaigu eragiketa horiek egiten ikasteko dexenteko lana hartu behar dela. Edo zuri interesatzen zaizun alorreko eragiketak nola eskatu ikasi bestela. Datu estatistikoak eta zientifikoak arakatzeko modu bat dirudi, gehienbat, Wolfram Alpha hau.

Horra Basque sartuta zer lortu dugun.

Argazkiak.org | Wolfram Alpha bilatzaile berria © cc-by-sa: sustatu

Wolfram Alpha ekimen pertsonala da neurri handi batean, nahiz eta sortzaileak taldetxo bat (100 lagun) elkartu dituen inguruan. Stephen Wolfram da pertsona hori, eta bere aurreko sorkuntza, Mathematica lengoaia informatikoa, dago bilatzaile berriaren oinarrian.

Tresnari buruzko analisi interesgarri (eta optimista) bat gaztelaniaz Victor R. Ruiz Barrapuntoko editorearen blogean.