Teknofiloen albistegia
4

Espainiako Internautak Gonzalez-Sinde ministra berriaren aurka

Erabiltzailearen aurpegia
Sustatu
2009-04-08 : 12:04

Sekulako zalaparta sortu da Interneten Espainiako kultura ministra berria dela-eta. Angeles Gonzalez-Sinde izango da datozen hilabeteetan ministerio horretako arduraduna, hainbat aldiz Internauten, Interneten eta P2P sarearen aurka azaldu den emakumea.

Zapatero Espainiako presidenteak atzo aurkeztu zuen bere Gobernu berria eta, horien artean, kultura ministro berria, Angeles Gonzalez-Sinde, orain arte Espainiako Arte eta Zinema Akademiako presidente izan dena.

Akademiako presidente izan den bitartean sutsuki borrokatu da P2P sareen aurka eta Interneten aurka. Bere ustez, P2P sareak erabiltzea pirateoa da, Canon digitala ez da nahikoa, banda zabalera txikitzea proposatu du eta Frantziako eredua egokia deritzaio P2P sareak debekatzeko.

Bere izendapenak, nola ez, hautsak harrotu ditu Espainiako Internauten artean. Gaur bere izena dabil blogari nagusien ahotan.

Enrique Dansen arabera amesgaiztoa da egoera berria eta Internetek izan dezakeen albisterik txarrena da Gonzalez-Sinderen izendapena, emakume radikal eta atzerakoia. Internauten Elkartearentzat ere albiste txarra da eta probokazio hutsa, eta Alt1040 blogaren arabera, egoera berria beldurgarria da eta Gonzalez-Sinde erabat deskonektatuta bizi da. Microsiervos blog ezagunean ere gaurko albiste nagusienetakoa da: Sarea Gonzalez-Sinde ministra berriaren aurka.

Blogarien artean ez ezik, sare sozial nagusietan ere zeresana eman du gaiak. Facebook-en Gonzalez-Sinde pirate erabiltzailea sortu da, egun betean 3.200 lagun baino gehiago dituena (eta etengabe hazten). Twitterren ere SindePirate erabiltzailea sortu da eta Sinderen izena bolo-bolo dabil Twitterzale guztien artean.

Erantzunak

Ibon
2009-04-08 : 14:56

Eta hori guztia gutxi balitz bezala "Manifiesto por la lengua común" babestu zuen. Meneame-n eta El Pais-en


Josu M.
2009-04-09 : 19:02

Motea jarri ei diote dagoeneko: Sindescargas.

Luistxo Fernandez
2009-04-09 : 20:01

Norbaitek bere zinema apreziatzea erabaki du, hemen ikusi dudanagatik...



Argazkiak.org | Zure Hitz Bat © cc-by-sa: olagarro


Izan ere, zinema zuzendaria da Angeles Gonzalez Sinde, eta Una palabra tuya da bere azken filma.


Sustatu
2009-04-10 : 16:55

Ibonek gorago aipaturiko El Pais-eko adierazpen horretatik abiatuz egin zuen atzo zutabea Anjel Lertxundik Berrian.


Erantzun

Twitter ikonoa  Facebook ikonoa  Sartu

Publizitatea

Azken erantzunak

Erabiltzailearen aurpegia
Ba, orain joan naiz justizia.eus eta euskadi.eu... (Benito Fiz)
Webgune publikoek lehen hit..., 2017-06-23
Kolonizazioaren lehenengo maila, hurrekoena, ga... (rmlozoya)
Hizkuntzakeriaren jokoa (II), 2017-06-09
Erabiltzailearen aurpegia
Ustez, konpondu dute arazoa. Esteka honetan aur... (Elhuyar )
Hiztegien erabilerari buruz..., 2017-05-18
Erabiltzailearen aurpegia
Testuan honakoa aipatzen nuen: "Beldur pixka ba... (Benat Agirre)
Arkhitektôon Biltzarra for ..., 2017-05-25
Erabiltzailearen aurpegia
Dirudienez, arazoren bat dago, bai. Jakinarazi ... (Elhuyar )
Hiztegien erabilerari buruz..., 2017-05-18

»» Jardun osoa