Ikusezazu.com webgune berria euskaraz filmak eta telesailak ikusteko

Zer da ikusezazu.com?

Badira hainbat urte sarean filmeak (... telesailak dokumentalak e.a.) ikusteko webguneak sortu zirela ingeleraz, gaztelaniaz eta beste hainbat hizkuntzetan.

Hainbat urteko bilduma lanari esker, 2009. urteko otsailean, sortu berria da ikusezazu.com. Webgune hau da, edonon dagoen euskaltzaleren bideo webgunea. Gaur egun, euskaraz online filme, telesail edo dokumentalak ikusteko dagoen webgune bakarra dela esan dezakegu, beraz alor honetako lehen webgune euskalduna izan daiteke.

Gaur egun 321 bideo inguru daude argitaraturik ikusezazu.com-en, eta aurtengo udan euskarara itzulitako 1000 mila bideo argitaratuak izateko intentzioa du egile-asanbladak.

Ikusezazu elkartearen leloarekin bat, euskera teknologiarekin bilduz, bizi garen aroko gizartearen ahalik eta esparru gehien euskaratzea dute helburu, esparru horietako garrantsitzuenetako bat internet dela ulertuz.

Denbora gutxian euskarazko ikusentzun bilduma ikaragarria bilakatu da, filme klasiko zein modernoak eskainiz, telesailen artean animazio eta euskarara itzulitako teleserie arrakastatsuenak bestalde, dokumentalen artean, beste horrenbeste...

Ikusezazu.com guztiz dohainezko kultur zerbitzua da, webgunean azaltzen diren bideo guztiak online ikusi edo deskargatu daitezke, bestalde erabiltzaileek ikusitako filmeei buruzko iritzi eta iruzkinak argitara ditzateke foroetan. (ikusezazu.com/foroak).

Interneten abantaila handienari ezker, nahi duten guztiek, edonondik, parte hartu dezakete proiektuan, filmak argitaratuz, iruzkinak idatziz e.a. (ikusezazu.com/harremana)

Paraleloki, interneteko ahalik eta arlo gehienetan presentzia izateko nahian, sortu da ikusezazu.com webgunearen aldizkari birtuala, (aintzindari.com sahiesbidearekin). Hemen euskal kulturari buruzko erreportaia/albiste idatziak argitaratzen dira: biografiak, herri kirolak, musika, argazkiak, eztabaidak e.a.

Hala ere, ikusezazu.com, Ikusezazu Elkartearen “ice-berg”aren tontorra besterik ez da. Interneten dauden proiektuez gain, beste hainbat ekintza antolatzen ditu elkarteak. Kultura eta heziketaren alorrean gehien bat.

Udaletxe eta beste elkarteekin elkarlanean, bizi garen aroari izena eman dioten teknologiei buruzko ikastaroak eta erakusketak antolatzen dituzte.

Elkarteko kideen kokapena Bizkaia eta Gipuzkoako hiru bat hirietan sakabanatua dago, hilean behin asanblada irekiak egiten dituzte eta edonor parte hartu dezake.