Iñaki Ugarteburu Gastañares euskaltzalea hil da
Iñaki Ugarteburu Gastañares EHUko irakaslea ostiralean hil zen gaixotasunaren ondorioz, eta gaur astelehena martxoak 23, bere hileta egingo da Algortako Sarria tanatorioan arratsaldeko 7.30etan.
Osagilea eta filologoa ikasketaz, euskalgintzan lan asko egindakoa, batez ere unibertsitate mailako euskarazko irakasuntza bultzatzen: EHUn eta EIRE Unibertsitateko Euskal Irakasleen Elkartean. EHUn Euskara Institutuan egin zuen lan, besteak beste.
Bereziki osasunaren munduan euskara txertatzen lan egindakoa zen. Horra Euskal osasuna, gaiari buruz berak mantentzen zuen webgunea. Osasuna Euskalduntzeko Erakundearen partaide ere bazen.
Ricardo Gomezek gogoratu du gaur bere blogean eta hor bertan dago EIRE elkarteak argitara eman duen hil-oharra.
Erantzunak
Maitagarria, beste ezeren gainetik. Oso pertsona jakintsua izateaz gain (edo izan arren askotan), konfiantza piztu du bere ingurukoongan eta lider naturala izan da askotan. Izugarri ikasi dut bere izate berezitik.
Bere adiskide eta senitartekoek kontsolamendu zaila izango dute. Beraientzat besarkada bero bat.
ItzuL posta-zerrendan ere gogoratu dute Iñaki Ugarteburu.
Mezu horietatik iritsi gara Senez aldizkarian idatzi zuen artikulu interesgarri honetara eta Inguma datubasean ageri den bere lan akademikoen bildumara.
Iñaki Ugarteburu: Beti arte, laguna. Euskaltzalea, jakintsua, umoretsua, irakasle ona, pertsona hobea, sekulako hutsunea utzi diguk, Iñaki. Hagoen lekuan hagoela ez hadi gutaz ahaztu, guk ez haugu ahaztuko eta. Irakasle lez onena, aztertzaile lez ere bai, oraindik ezin diat onartu joan haizela eta faltan botako haut. "Iñaki gutxi baina onak" akordatzen?
Iñaki
/cache/Udako-Ola-2024_1_small_content.jpeg)
Sustatun behin baino gehiagotan idatzi zuen Iñaki Ugarteburuk. Jardunaldi eta holakoen abisu bat baino gehiago, baina baita ohar zorrotzago eta poetikoak ere bai. Eta euskararen inguruko kezkak. Adibidez:
Heriotzari barre egin zion bereziki mezu honetan:
Aita Santuaren heriotza eta Espainiako Barne ministroak Madrilgo 2004ko martxoaren 11ko atentatuaren ostean esandako sinesgarritasun gutxiko adierazpenak nahastu zituen ironiarekin.
Agur, lagun!