EKT graduondoak webgunea sortu du

2009ko urtarrilean abiatu zen Euskal Kulturgintzaren Transmisioa graduondoaren bigarren aldia Huhezi fakultatean, Eskoriatzan. Bigarren aldi horren berrikuntzarik handienetako bat webgunea izango da, Mondragon Unibertsiatearen webgunean bertan txertatuta. Bloga ere izango du, webgunean bertan.

Zertarako webgunea eta bloga

Batzorde Pedagogikoak garbi du zertarako erabiliko diren bata zein bestea:

1. Webgunean ikastaroari buruzko informazioa eta materiala jarri nahi ditu (bideoak, audioak, dokumentu idatziak, aurkezpenak…), ikasleek erabil ditzaten. Nabigazioa errazte aldera, ikastaroaren webguneak MU eta Huheziren webguneen eskema bera izango du.
2. Blogean elkarrizketa sortu nahi du, ikasle, hizlari eta antolatzaileen artean. Ikasle ohiek ere aukera izango dute, nahi izanez gero, bertan parte hartzeko.

Zelan eragin blogean

Ikasleek bi modu izango dituzte blogean parte hartzeko: artikuluak idatzita eta besteen artikuluei erantzunda.

1. Ikasle batek nahi duenean artikulu edo iritzi bat argitaratu, lehendabizi idatzi egingo du artikulua. Gero, gauzak errazte aldera, webmasterrari bidaliko dio, horrek blogean argitara dezan, beti ere bidaltzailearen izenean.
2. Erantzun nahi izanez gero inoren artikuluari, ikasleak —edo edozein irakurlek— artikuluan bertan izango du aukera erantzuteko.

Blogean argitaratu den lehen artikuluak —Ikasleak errespetua merezi du— garbi adierazten du zer tonu lortu nahi duten antolatzaileek —bizia eta irekia—, artikuluak badu-eta autokritikatik dezente.