Teknologia albisteak
4

Begoña Ameztoy eta Hasier Etxeberriaren arteko polemika

Erabiltzailearen aurpegia
Sustatu
2008-10-20 : 10:10

Duela egun batzuk hasi zen kontu hau, ETB3ren irekieraren harira. Begoña Ameztoy idazle eta artistari gaizki iruditzen zaio euskarazko hedabide publiko bat irekitzea, eta Hasier Etxeberriak, hedabide horretako pare bat programaren zuzendariak, erantzun egin dio. Ameztoy eta Etxeberriaren arteko eztabaida gazteleraz da, baina Etxeberriaren blogean, euskarazko azpi-polemika bat ere badago, ea Etxeberriaren testua sexista den ala ez (Ameztoyk ere egin dion akusazioa).

Sustatuko albiste zehatzaren erantzunetan ere azaldu zen gaia, baina hona hemen testuak ordenatuago edo.

Alua Mundua blogean, Etxeberriaren lehen mezuaren erantzunetan beste kontu batzuk ere aipatu dira, euskaraz. Batek dio bazka ematea dela Ameztoy delako batekin polemikan hastea. Beste batek, Ilargi sinatzen duen batek, sexismoa eta egoa dariola Hasierren testuari. Ilargi honi erantzun egin dio Hasier Etxeberriak (mezuko erantzun katean aurkituko dituzue hauek).

Erantzunak

Andres
2008-10-20 : 11:27

Eta zeinek dauka arrazoia?

Akaso Begoña Ameztoy andereñoa gehiegi nahastu da, zer dauka berak ba euskal kate publikoaren aurka?

Baina... berak bakarrik ote du iritzi hori?

Euskal kateeak "foklorismo"-tzat jo izan dituzte askok eta askok, idazle euskaldunak, euskal dantzak, bertsolaritza eta gutxi gehiago batzuen aburuz... egia den edo ez... agian bai, baina agian egon ebharko da horrelako gustuak dituzten horientzako telebista bat ere, ezta? Ez gara denak etengabe Pasalo! eta Gran Hermano ikusten egongo, bestela... gaixoak gu!



Ez dena normala da bai batak eta bai besteak horrelako eztabaida eztakit esan "tonto" bat izatea. Nork esan dio Ameztoy andereñoari Etxeberriaren bidaiak nork ordaintzen dituen? eta nola daki Etxeberria jaunak Begoña Ameztoy idazle maiteak zelako orgasmoak izaten dituen?



ETB3 oso proiektu sendoa da, edo izan beharko litzateke, finean, egia da guztion artean ordaintzen dugun zeozer dela, baina horren gainetik, euskaldunentzako hirugarren telebista kate bat da, digitalaren errebelazioa, telebista berri baten sorrerak dakarrenarekin, edo hobe esan, ekarri beharko lukeenarekin... agian ETBk ere planteatu beharko luke, gu, ikusleak garela epaile izan beharko ginatekeen bakarrak, edo behaintzat epaile nagusiak, eta Ameztoyk egunkari batean zutabe bat idazteagatik, hainbeste komeria?

Etxeberria, Ameztoyk beharrean beste inork idazti izan balu ere jarrera berdina edukiko al zenuke?



Tira... niretzako ere, ETB3k baditu gabezxia batzuk, edo eskasia puntu batzuk, baina, zer egingo diogu??



Portzierto, ETB3ko langileak EITB taldeko beste guztiak dauden egoera berean al daude??? Dinor.... Etxeberriak akaso enpresaren VISA erabiliko duelako, baina EITB taldean, bere egoitza berri ikaragarrian, bere internet gune berriarekin, eta ahoa betetzeko erabiltzen dituzten baliabide guztiekin, ez dezagun ahaztu langileak dauden egoeran daudela, eta galde diezaiogun gure buruari, zergatik Osakidetzan eta Hezkuntzan badauden oposaketak eta IrratiTelebista publikoan azpikontratak diren nagusi...



Hitz egiten hasten bagara, egin dezagun hitz gauza garrantzitsuez, lagunok!



H. Etxeberria
2008-10-20 : 12:16

Gauzak okerreko bidetik joan ez daitezen: Etxeberriak ez du ETBko Visarik sekula ukan eta beharrik ere ez du, bidaiatzen duen apurretan, konbenioaren arabera egiten baitu, dagozkion dieta, garraiobide eta hoteletan. ETBko gainerako langileen baldintza beretan.

Josu
2008-10-21 : 13:48

Oh, oso agustito jarri nau eztabaida honek!

Felipe
2008-10-27 : 14:48

Oso eszeptikoa naiz EITBek euskaltasunari eskaintzen dionaren ingurukoan. Erdarazko kateak San Sebastian eta Vitoria esaten jarraitzen duen bitartean, euskarazkoak Euskal Herriko datu bateratu bakar bat ere ez du ematen. Atzo bertan, autoen argiak piztuta eramanez gero urtean ehun lagun inguru gutxiago hilko zirela esan zuten. Ehun, pentsatu nuen, alajaina, noski datua Espainiakoa zen, betiko legez.



ETB1 ez da kate nazional normal bat, ez daude filmak, eztabaidak, lehiaketak… Kirola eta umeen saioak baino ez daude nagusiki, eta ordu txikietan edo ez egokietan perla batzuk.



Baina, hori horrela ikusita ere, ados nago Hasierrekin, aurrera egiteko ahalegin guztiak bultzatu behar dira. ETB3 sortu da, behar bada ETB1 berregin behar zen, baina kate berria martxan jarri eta gero inoiz baino telebista gehiago ikusi dut euskaraz. Sautrela ordu normaletan ikustea gozamen hutsa da, bidaietako saio bat ere gustura ikusi dut, sukaldari bati buruzko dokumentala oso interesgarria iruditu zait.



Laburbilduz lehen 25 kate espainolez, 30 frantsesez eta bat euskaraz ikusten nituen. Gaur egun bi kate ditugu euskaraz. Guri buruz des-informatzen duten Espainiako medio publikoetan egiten dugun diru-ekarpena bilduz hirugarren bat egitea proposatuko nuke.



Eta Begoña bezalako espainolei zer esan, ba gure ondo-ondoan beraiek amesten duten herria dutela, Espainia alegia, leku zoragarria bizitzeko, utz gaitzatela bakean behingoz…



Animu Hasier!

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago