Begoña Ameztoy eta Hasier Etxeberriaren arteko polemika
Duela egun batzuk hasi zen kontu hau, ETB3ren irekieraren harira. Begoña Ameztoy idazle eta artistari gaizki iruditzen zaio euskarazko hedabide publiko bat irekitzea, eta Hasier Etxeberriak, hedabide horretako pare bat programaren zuzendariak, erantzun egin dio. Ameztoy eta Etxeberriaren arteko eztabaida gazteleraz da, baina Etxeberriaren blogean, euskarazko azpi-polemika bat ere badago, ea Etxeberriaren testua sexista den ala ez (Ameztoyk ere egin dion akusazioa).
Sustatuko albiste zehatzaren erantzunetan ere azaldu zen gaia, baina hona hemen testuak ordenatuago edo.
- Begoña Ameztoyren zutabea Diario Vasco egunkarian.
- Hasier Etxeberriaren erantzun originala, blogean, DVra bidalitakoa.
- Diario Vascok aldaketa bat egiteko eskatu, eta beste bertsio bat argitaratu zen paperean, errorea tarteko: Hasierren programa ez da ez Hartzago ez Hartazgo baizik eta Haratago.
- Begoña Ameztoyk erantzun egin dio gutun bidez.
- Erreplika bidali zuen Hasier Etxeberriak, eta hori bere horretan publikatu zen.
- Begoña Ameztoyren kontra-erreplika ere argitaratu da, atzo igandez.
- Hasier Etxeberriak iragarri du ez duela gehiago erantzungo.
Alua Mundua blogean, Etxeberriaren lehen mezuaren erantzunetan beste kontu batzuk ere aipatu dira, euskaraz. Batek dio bazka ematea dela Ameztoy delako batekin polemikan hastea. Beste batek, Ilargi sinatzen duen batek, sexismoa eta egoa dariola Hasierren testuari. Ilargi honi erantzun egin dio Hasier Etxeberriak (mezuko erantzun katean aurkituko dituzue hauek).
Erantzunak kargatzen...
