Zinemaldia TVE-n: Gomaespuma

Norbaitek aipatzen den saioa ikusi nahi balu, hona hemen irailaren 23ko programarako lotura:

Pasandolo de cine (Euskara ikasteko saila, 14 minutu eta 30 segundutan)

Gomaespumakoek euskararekin egiten dutena ez da ingelesarekin (Gomaespuminglish) edo txinerarekin egin izan dutenaren desberdina. Haien parean jarri gaituzte, barrea eragiteko bada ere.

Hizkuntza eta estereotipoei buruz umorea egitea positiboa den ala ez, beste eztabaida bat da. Nik behintzat, nahiko barre egin dut Cano eta Guillermo Fesser-en kontura.

Arrazoia duzu.



Onartezina da zer egiten duten hizkuntz gutxituekin. Ze fundamentu gutxi. Beitu beste hizkuntz gutxitu batekin egiten dutena:



http://es.youtube.com/watch?v=2fxLI1KfZp8



Lagun, benetan, umore falta hori sendatu behar duzu :-P

> Olinpiar Jokoetan egin bezala, *Gomaespuma* umorista bikoteak saio berezia egiten dihardu egunero Donostiako Zinemaldiaz, Donostiatik, TVEko 2. katean. Badu zer aipatu saioak.

> Umoristak omen dira. Nik graziarik ez diet topatzen, baina La2-eko albistegia gustukoa dudanez, horren zain nagoela hirugarrenez-edo ikusi dut gaur bikote honen saioa. Olinpiar Jokoetan bezala, modu informalean, umorea tartekatuz egiten dute saioa. Grazia zipitzik ez niri. Akaso ni naiz umorerik ez duena. Baina hori baino, bitxia egin zait euskarak saioan duen lekua.

>

> Euskara ikasteko atala dute, *Gomaespurrua* izena paratu diotena (ez dut ulertu zein hitz joko egin nahi duten horrekin, baina tira). Panpin batek (txapelarekin, bizarra egin gabe, baserritar itxurarekin...) ematen ditu lezioak: dozena erdi hitz edo, eta gaztelaniazko esaldi batekin alderatu. Euskararen erabilera eskasa, eta batere positiboa ez. Ez zait gustatzen.

>

> Donostia bertatik egiten dute saioa, eta bada gauza bat gustatzen zaidana: erreportaia eta albisteetan erabiltzen duten musika (ezin erran dezaket guzti-guztia denik, baina bai gehiena), euskal musika dela. Ez gaude, tamalez, batere ohituratuak euskarazko musika aditzera Espainiako telebista publikoan.

>

> Gaur **Itoizen** *lau teilatu* aditu ahal izan dut. Atzo **Oskorriren** kantu bat. Herenegun, berriz, txistu doinuak eta **Kepa Junkera**...

>

> Gehienak orain 20 urte baino gehiagoko kantuak. Tira!



Ba nire ustez zu zara umore gutxi duena. Gomaespuma bikotea oso ona iruditzen zait niri, eta *Gomaespurrua* atala mundiala iruditzen zait!! ingelesarekin ere gauza bera egiten dute, eta ez da hizkuntza gutxituen kontrako konspirazio bat.

Harrigarria iruditzen zaidana da nolako portaera erakusten duten batzuek euskararen inguruan umore programa bat egiten denean. Blindaje eta hermetismo handia erakusten du horrek nire ustez, eta hori bai ez dela ona ez euskararentzat, ezta euskaldunontzat ere.