Teknofiloen albistegia
3

Mugarria Sustatuko estatistiketan: Firefox eta euskara nagusi

Erabiltzailearen aurpegia
Sustatu
2008-07-08 : 10:07

Zazpi urte beteko ditu aurten Sustatuk, eta gure erabilpen estatistiketan, lehenbiziko aldiz, orain gailendu da bai Firefox-en erabilpena (software librea) eta baita euskara nabigatzaileen konfigurazioetan.

Hemen daude grafikoak:

  • Internet Explorer eta Firefox erkaketa 2006ko ekainetik hona.


Argazkiak.org | Firefox nagusi Sustatuko estatistiketan © cc-by-sa: sustatu

  • Nabigatzaileko hizkuntza hobetsia, euskara eta gaztelania, 2006ko ekainetik hona.


Argazkiak.org | Euskara lehenetsita Sustaturen estatistiketan © cc-by-sa: sustatu

Bigarren grafikoaren garrantzia azpimarratzekoa da: euskaldun askok gaztelaniazko konfigurazioarekin nabigatzen dute, eta honela ikusten dute Sustaturen portada, erdarazko abisu itsusi batekin. Abisu horren bidez egin du kanpaina Sustatuk azken urteotan, konfigurazioa euskaratzeko, eta azkenean ikusten ditugu emaitzak. Hala ere, gure kanpaina astuna baino gehiago, argi ikusten da Firefox gailentzeak dakarrela euskararen indartzea. Bi grafikoak bat datoz, eta korrelazioa argi dago: software librearen eskutik dator euskararen presentzia nabariagoa izatea sarean.

Izan ere, ez bakarrik Sustatuk, munduko Interneteko zerbitzarien estatistika zerbitzu guztiek (Googletik hasita) neurtzen dute beren bisitarien hizkuntza, eta horren arabera neurtu dezakete zein den euskararen pisua. Euskaldun gehienek gaztelaniaz nabigatzen badute, pentsa, garena baino pisu txikiagoa dutela uste dute Googlek-eta!

Joera horri buelta emateko unea da. Sustatun, bederen, euskarazko konfigurazioak nagusi dira. Oso datu pozgarria da. Argi dago ez dugula %100eko maila erdietsiko, euskaldun guztiek, gure irakurle guztiek, euskaraz konfiguratuko balute ere, ausazko bilaketengatik edo auskalo zergatik, erdaldun asko iristen baita Sustatura, eta orriren batean topo egin ondoren, ezer ulertu barik beste norabait joango dira: bisitari horien hizkuntza konfigurazioan eragiterik ez dugu, baina euskaldunetan bai, eta matraka ematen segituko dugu.

Aurrera, beraz. Firefox 3-ren lantzamendua arrakastatsua izan da geurean, horrekin bat etorri delako estatistiketako puntu inportante hau, orain ikusten dugun bezala. Oraindik atzean zabiltzatenok, arren, egin kasu, eta egin klik euskarari:

  1. Instalatu Firefox 3 euskaraz.
  2. Firefox instalatuta baduzu, konprobatu hizkuntza konfigurazioa euskaraz duzula.
  3. Edozein motiborengatik, Internet Explorer erabili behar baduzu, horren konfigurazioa ere euskaratu dezakezu instrukzio hauei jarraiki.

Eskerrik asko guztioi.

Erantzunak

metraltrainer
2008-07-08 : 11:23

Nahikoa mugarri da Sustatuk artikuluetan irudiak jartzea ere! Ordua zen!

eneko
2008-07-08 : 15:43

Zorionak Sustaturi egindako lanagatik. agian argazkiak albisteetan izatea mugarria izango da baina niretzat mugarria argazkiak.org ezagutzea izan da. Zoritxarrez orain arte beti erdarazko (gehienetan gaztelerazko) orriak erabili behar genituelako argazkiak zintzilikatu eta gero "erakusteko". Ziur sustatun honen berri aspaldi eman zenutela baina nik enekien martxan zegoenik. Ea euskaldunen artean zabaltzerik dugun (euskaltube bezala) eta noski baita konfigurazioa eta firefox ere! zorionak berriz e.

haritz
2008-07-08 : 16:03

Tira, alde batetik, zorionak nabigatzailea euskaraz konfiguratuta dutenei eta baita Firefox darabiltenei ere. Oraindik fifty-fifty moduko bat bada ere, joera da hemen garrantzitsua nire ustez, alegia, Firefoxek eta euskarazko konfigurazioak izan duten garapen positiboa.


Bestetik, zorionak Sustaturi ere, konfigurazioaren garrantziaz ohartarazten egin duen lanagatik, eta bide beretik tiraka aritu diren beste askori ere.


Eta, azkenik, ongi etorri Argazkiak.org webguneari. Enekok uste duenaren kontra, ez baitut uste webgune berria iragarria izan denik, ofizialki bederen, ez Elebilan eta ez Sustatuko bilatzailean ere ez baitut erreferentziarik topatu, webgunearen sorrera "inminentea"ren berri jakin banekien ere. Antza, beta-tester batzuk badira, baina lehenengo argazkia ekainaren 20 sareratu zen (edo behintzat ez dut zaharragorik topatu, azkenengo orrialderaino jo dut eta). Labetik atera berria.


Zeharkako aurkezpentzat hartuko dut, beraz, hemen egin zaion erreferentzia. ;)


Ongi etorri!


Erantzun

Twitter ikonoa  Facebook ikonoa  Sartu