Teknologia albisteak
2

Espainiako hezkuntza agintaritzak software askearen alde

Erabiltzailearen aurpegia
Julen - Assa ikastola
2008-04-28 : 11:04

Mr Shuttleworth jaunak, Ubuntu banaketa kudeatzen duen Canonical software enpresaren zuzendari denak, BBCri egindako elkarrizketa batean esandakoaren harira, Espainiako hezkuntza agintaritzak milioi erdi ordenagailuetan instalatuko du Ubunturen azken bertsioa (8.04). Espainako hezkuntza agintzaritzak software askearen alde egingo du: gurean zergatik ez?

Euskal Herrian ere antzerako ekimenak noizko ikusiko ditugu? Software askearekiko duten jarrera aldatu beharko dute lehenik...

Elkarrizketa osoa

Erantzunak

Ander
2008-04-28 : 14:09

Egia bada Zorioneko berria litzateke. Ubuntu probatu dugun guztioi GNU/linux frikiei zuzendutako sistema zaila den mito hori goitik behera erori zitzaugun eta.


Sistemak etxean edo eskolan behar den software guztia dakar, ia dena euskaratua, besteak beste, azken openoffice 2.4 EUSKARAZ.


ubunturi buruzko webguneen kopurua itzela da eta erabiltzaileen laguntza jarrera mundiala, beraz arazoak konpontzeko laguntza izugarria dago.


Edonola zalantza handiak ditut berri hau egia ote den, atzo barrapunton argitaratutako honekin ez baita oso bateragarria.


haritz
2008-04-28 : 16:07

GNU-Linux distribuzio ezberdinen zailtasuna mitoa baino gehiago dela esango nuke.



Mandrake (gero Mandriva), RedHat eta beste batzuk erabili izan ditut hainbat urtetan (frogatu, beste batzuk ere frogatu ditut) eta Ubunturen aldean oso zailak zirela esango nuke. Batez ere programa berriak instalatzeko eta abar. Terminala erabiltzea ezinbestekoa baitzen.



Orain, terminalak batzuentzat ezinbesteko izaten jarraituko du, baina ez da derrigorrezkoa Ubunturen oinarrizko aukerak erabili nahi badira.



Nire utez, sekulakoa izan da Ubuntuk GNU-Linux sitema sozializatzeko izan duen ahalmena eta egin duen ahalegina. Eta egia da jende askori beste distroek eragiten zioten "beldurra" saihesten izugarri lagundu duela.



Informatikan aditua ez den erabiltzaile baten iritzia da hau. Hala ere, egia da distibuzio horiek guztiak frogatu ahala joan naizela dakidana ikasten, eta orain Ubunturi beste edozein sistemari baino etekin gehiago ateratzea barneratze prozesu horren ondorio ere badela.

Erantzun

Twitter ikonoa  Facebook ikonoa  Sartu