Euskaldunon Egunkariaren kontrako epaiketa hurbilduz doa
Euskaldunon Egunkariaren inguruan prestatzen ari diren epaiketen harira, bi mezu jaso ditut azken aldi honetan. Batetik, dei egiten zaigu Egunkariako langile izan ginenoi elkartzeko Martin Ugalde Kultur Parkean, otsailaren 9an, goizeko 11etan. Bestetik, deia zabalagoa egiten zaie gizarte eta euskalgintzako lagunei, otsailaren 12an Bilbon elkartzeko.
Otsailaren 20ean bost urte beteko dira Euskaldunon Egunkaria itxi zenetik. Orduan abiatu zen erasoa aurten finkatuko da 12 inputatuen kontrako bi epaiketekin. Bi auzien artean egin diren zigor eskaerak, orotara, 279 urteko espetxe zigorra eta 235 milioi euroko (40.000 milioi pezeta) isunak dira.
Fiskalaren eta defentsako abokatuen helegite guztien kontra (lehen sumarioan auziaren artxiboa eskatu baitzuten bi aldeek eta auzi ekonomikoan Gipuzkoako auzitegietara ekartzeko), epaiketak Madrilgo audientzia nazionalean izango dira, Dignidad y Justicia eta AVT elkarteek horretara bultzatuta eta Audientzia Nazionaleko epaileek horrela erabakita.
Zentzugabekeria hau salatzeko eta euskal komunikabideen eskubideak aldarrikatzeko ekimen desberdinak egingo dira otsailaren 20an hasi eta epaiketak amaitu arte. Guzti honetarako ezibestekoa da ahalik eta jende talde haundiena biltzea gure inguruan, besterik ez bada inputatuen mezua ahal den neurrian zabaltzeko. Langile ohiei, otsailaren 9an elkartzeko deitu digute, azken bost urte hauetan gertatutakoaren inguruko informazioa emateaz gain, aurrera begira aurreikusten diren ekimenen berri emango zaigu.
Bilbon deia, gizarteari eta euskalgintzari
Beste deialdia Bilborako da, otsailaren 12rako, Bilboko Ercilla hotelean, 11:30ean. Gizarte eta euskalgintzako lagunei dei egiten Egunkariaren Alde Elkarteko auzipetuek: Joan Mari Torrealdai, Iñaki Uria, Txema Auzmendi, Martxelo Otamendi, Pello Zubiria, Xabier Oleaga, Xabier Alegria, Joxe Mari Sors, Ainhoa Albisu, Mikel Sorozabal, Begoña Zubeltzu eta Fernando Furundarena.
Neuri iritsi zaidan eskaeran, hala definitzen dute momentua lagun hauek:
Gure ustez une hau larria da hau, oso larria. Izan ere, herri akusazioek Egunkaria ezeze Euskalgintza osoa baitute jopuntuan. Tesia garbia da: den-dena da ETA, euskalgintza ere bai. Berebiziko garrantzia du tesi honek Auzitegi Nazionalean jurisprudentzia sortu dezakeelako baldin eta Egunkaria kondenatzen badute.
Uste dut garrantzitsutza dela auzi honen inguruan ahalik eta jende gehien mobilizatzea.
Erantzunak
Galdera bat, Egunkariaren aurkako epaiketa zentzugabekeria bat dela esateko, nolabait Egunkaria eta ETA-ren arteko loturarik ez dagoela jakingo duzu, ez Luistxo? Eta akusazioaren frogak aztertu ondoren faltsuak direla konturatuko zinen...
Tira, azterketa horri buruz, ondorio horretara nola heldu zaren idaztea interesgarria izango litzateke, ez?
Bestela nola jakin dezakezu zentzugabekeria bat dela?
Honen harira:
-Ni neu delako hori, hiru aukera bururatzen zaizkit:
a) Sinestu egiten duzu diozuna.
b) Zeuk ere ez duzu sinesten, baina kaka sakabanatzea duzu gustuko.
c) Ez dut -babua naiz gero- zure ironia fina harrapatzen.
Dena dela, ados nago zurekin gauza batean: Epaiketa ez da zentzugabekeria bat, zentzu guztia du. Alegia, Estatuak nork agintzen duen eta noraino- frogatzeaz bat, euskal eta soilik euskal usaina duen edozer arazo iturri dela eta izango dela erakusten du.
Bukatzeko, eta nahiz eta galdera Luistxori zuzendu diozun, neuk erantzungo dizut:
Nola jakin dezaket nik zentzugabekeria bat dela epaiketa hau? Ba, estutu garuna, laguna!
/cache/Udako-Ola-2024_1_small_content.jpeg)
garrantzitsua da, zalantzarik gabe eta han egongo gara, egonarekin babesa eskaini nahian. baina gure erantzun ahalmen erreala, zakilixutek eusko legebiltzarreko eserlekuei egozten dien berbera da: ahulkiak gara !