Josu Jon Imazek politika utziko du
Zenbait komunikabidetara bidalitako gutun baten bidez jakinarazi du Josu Jon Imaz EBBko presidenteak, ez dela postu horretara berriz aurkeztuko. Gutun horren gaztelaniazko testu osoa El Pais-en aurkitu dugu eta hara doa lotura hori. Etorkizunaren aldeko erronka da idatziaren izenburua eta euskaraz hemen (EAJ) edo hemen (Berria, .pdf) irakur daiteke.
Berriz bere jardun profesionalera itzuliko dela dio gutunean Imazek, eta uler daiteke politika aktiboa utziko duela horrekin.
Josu Jon Imaz kimikaria da eta eszedentziako lanpostua Inasmet zentro teknologikoan du.
Erantzunak
Gertuago ere Josu Jon Imazen gutunaren PDF bertsioa irakurgai dago.
Nik neuk GARAko edizio elektronikoan irakurri berri dut, bi orritan idatzitakoa.
Ponentziaren azken taxuketak, aspaldiko kritika hotsak, eta behin eta berriro begipuntuan egoteak... ez zuen asko lasaituko Imaz. Egia da abertzaletasunaren mundutik inoizko kritika handienak jaso dituela EAJ PNV alderdiak. Espainolismoak berriz, inor goratu badu azken mende eta erdian, hori Josu Jon izan da. Egoera horrek ez du asko laguntzen, ziurrenik.
Nik ere, Imanolen antzera Urkullu aurkeztu eta garaituko dela pentsatzen dut. Joseba Egibarren jokaldia hori izango da. Ponentzian irabazi, presidentziara aurkeztu ez, eta politika egiten jarraitu, galdu barik zeozelan esatearren. Etapa bat baino, bira irabazi gurako luke Andoaingo txirrindulariak.
Ikusiko dugu.
Ze tristea den, tesia euskaraz egin duen batek bera agurra gaztelera hutsean bidaltzea, bere prentsa arduardunari, Amatiñori alegia, lotza eman beharko lioke Imazek euskadunoi egin digun azken itxuzikeria. Baina zer espero genezakeen "prozesuari" hanbeste lagundu duen politikari batengan.
Bere ordezkoa Urkuilu balitz, PNVarenak egin du.
EAJ-ren webean euskaraz dago argitaratuta Josu Jon Imaz, Eusko Alderdi Jeltzaleko Euzkadi Buru Batzarraren lehendakariaren idatzia. Etorkizunaren aldeko erronka da Imazen idatzia.
Nere komentarioa gaizki ulertu duzulakoan nago, Bordaberria. Berria-ra euskaraz bidali du iritzi artikulua Imazek. Beraz, agurra ez du gaztelera hutsez egin. Euskarazko artikulua gaztelerazkoa baino beranduago bidali duela baina, sustatu.com bizi ibili delako, albistearen berri euskaraz jakin nuela besterik ez nuen nabarmendu nahi, sustaturi meritua aitortze aldera.
gazteleraz idatzitako gutuna euskaratzen pare bat ordu eman ote dituzte ?
nolanahi den, politika uzteko dotorezia erakutsi du Josu Jonek. badira hainbat politikari, itxuraz, beste lanbiderik ez dutenak. eta funtzionari politikoak baino, aldi baterako kontratudunak nahiago ditut, orokorrean.
Gaur Diario Vascok izenburua jarri du portadan, atzoko ponentzia politikoaren onarpenaren ondoren, errazagoa zuela Imazek EBBko presidente izatea.
Gaurko 15.00ak aldera, zera idatzi du Imanol Muruak bere blogean: Ponentzia honen inguruko akordioa lortu ondoren askoz errazago ikusten dut, adibidez, adostasuna Iñigo Urkullu baten inguruan lortzea, Josu Jon Imazen inguruan lortzea baino.