Sustaturen azken 6 hilabeteetako estatistikak

Datu orokorrak

Datu orokorrak

Laburpen txiki modura, hauek dira azken hilabeteeko zenbaki orokorrak:

• Bisitariak: 185.661
• Ikusitako orrialde kopurua: 335.036
• Iazko lehenengo 6 hilabeteekin konparatuta: bisitak %8 jaitsi dira. Erantzunak, berriz, %32 igo dira (iaz 489 erantzun, eta aurten 649 erantzun).
• Azken 6 hilabeteotan 525 albiste argitaratu dira, iazko epe berdinaren antzera (565).
• Bisita gehien urtarrilaren 22an izan genituen: 1877 bisitari eta 4217 orrialde, besteak beste, albiste hauek lagun.

Sustatura heltzeko bideak:

• Bisiten %49 Googletik dator
• zuzenean %30 inguru
• Yahoo %5
• Bloglines %3
• Aurki %2
• Zabaldu %1

Sustatura iristeko, bilatzaileetan gehien bilatutako hitzak ondorengoak izan dira: Sustatu, Joomla euskaraz, Nerea Alias, unibertsitatea.net, Jokin Zaitegi saria, EGA azterketak, Jamaika, musikazblai.

Gehien ikusi diren albisteak

Hauexek dira denbora tarte honetan Sustatun gehien irakurri diren 10 albisteak:

• EGAko atariko probak on-line (2674)
• Utikan Euskadi Sariak (1367)
• ETAk su-eten iraunkorra hautsiko du gaur (1354)
• Hautagaitza guztiak Interneten daude (1279)
• Josu Juaristik Gaur8 izeneko argitalpen berria iragarri du (984)
• Euskara-gaztelera itzulpenak egiteko plugina (967)
• Bizilagun, Aquí no hay quien hable (902)
• ANVren zein zerrenda libratzen dira inpugnazioetatik? (896)
• Euskal Herri osoa erresoluzio handian Google Maps-en (867)

Atalei dagokienez, Argazkien atala 2619 aldiz ikusi da, eta Jamaika 1300 aldiz.

Nabigazio hizkuntza

Nabigatzailea euskaraz konfiguratuta daukaten erabiltzaileen kopurua asko hazi da iaztik (%44), baina oraindik ere 3 bisitaritik 2k erdaraz daukate konfiguratuta nabigatzailea. Badakizu, informazio gehiago Nabigatzailea euskaraz orrialdean.

Erabilitako nabigatzaileak eta plataformak:

Erabiltzaileek darabilten nabigatzaileari dagokionez, Explorer da oraindik nagusi, baina Mozillak tartea jaten jarraitzen du:

• Explorer %55 (iaz %65)
• Firefox-Mozilla %40 (iaz %31).

Beste nabigatzaileen lekua oso txikia da eta ez da hazi denbora-tarte honetan (Safari %2.5, Konqueror %0.5, Opera %0.2).

Erabilitako plataformei dagokienez, Windows nagusi (%86), eta ondoren, Mac (%8) eta Linux (%6).

Oharra: Artikulu honetako datuak Analytics sistemarekin lortu ditugu. Sustaturen estatistika publikoak Statcounterren aurkituko dituzu.