Ubuntu Tribe, euskara eta marketin birala
Ubuntu Tribe izeneko ekimenak film baten berehalako estreinaldia irudikatu du azken asteotan, webgune baten eta Youtuben eskegitako bideo baten bitartez. Beren web orrialdean gaur jakinarazi dutenez, txapelketa bat baliatu dute software askea, euskara eta euskal kultura sarean sustatu eta marketin birala deritzaionaren inguruan eztabaida bultzatzeko.
Trailerra, iragan apirilaren 26an sareratutakoa, 15.000 aldiz ikusi da Youtuben hiru aste eskasetan, eta webgune ofizialak milaka bisitari izan ditu tarte horretan. 69 herrialdetako bisitariak, hain zuzen. Gainera, munduko blogen ranking-eko azkeneko postuetan egotetik ziztu bizian pasa da lehenengo 100.000 blogen artean egotera (Technoratiren arabera).
Txapelketak Hazruido izena du eta Bilboko Alianzo enpresak antolatzen du, besteren artean. Bi modalitate nagusi ditu. Lehenengoan, Google bilatzailean habitaquo hitza (espreski sortua) bilatzerakoan agertzen den lehenengo webgunea izatea da helburua. Orain gutxira arte habitaquo hitza ez zen inon ageri, eta egun milioika sarrera aurki daitezke. Txapelketa hasi eta berehala, hitzik bilatuenetakoa bilakatu zen Interneten.
Bigarren modalitatean parte hartzaileek ekoizpen bat sustatu behar dute marketin biralaren bitartez. Jakina, erakusleiho nagusia webgunea da. Teknika komertzial honekin, orokorrean, kanpaina oso eraginkorrak sortzen dituzte eta ahoz aho zabaldu ohi dira, Espainiako Legebiltzarreko butaka baten ustezko lapurreta edo Amo a Laura abestia dira adibide ezagunenetako batzuk.
Leihoa eta pinguinoa
Ubuntu Tribe kanpainak zenbait elementu erabili ditu bere proposamena sinesgarri egin ahal izateko. Trailerraren bitartez, Microsoft eta Ubuntu sistema eragile librearen arteko harremana parodiatuko duen filme bat iragarri du. Leloa: Leihoa pinguinoarekin maitemindu zenekoa. Ubuntu sistema eragilea GNU-Linuxen oinarrituta daudenen artean gehien gizarteratu dena da.
Filmea ziber komedia erromantikoa izatekoa omen zen, egileek jakinarazi zutenez, eta euskaraz zen banatzekoa, gaztelerazko eta ingelesezko azpitituloekin. Banaketa sare nagusia internet izango zatekeen, eta bertan edonoren eskura egingo zatekeen pelikula.
Trailerrra 15.000 alditan ikusi da Youtuben, euskaraz, gaztelaniaz nahiz ingelesez. Webgunean, gainera, kanpaina grafikoa (zine aretoetako antza duen kartel ofiziala ehunka bider izan da ikusia) eta banaketaren, egileen eta argumentuaren xehetasunak aurki daitezke. Gainera, bisitarien parte hartzea ahalbidetu duten tresnak ere jarri dituzte, eta nahiko arrakastatsuak izan dira.
Ekimena beste tokietan izan da aipagai eta ehunka webgunetatik egin zaio erreferentzia Ubuntu Triberen guneari. Blogen munduko zerrendan 3.000.000 postuan egotetik 56.000era igaro da, hiru astetan. Technoratiren arabera.
Txapelketa bukatzeko egun gutxi geratzen direnean (datorren igandean amaitzen da), Ubuntu Tribek bere sekretua aideratu du gunean. Bertan esaten dutenez, hasiera batetik kanpainaren helburua software askea sustatzea izan da, bereziki euskarazkoa. Bigarren helburua, gaineratu dutenez, zenbait kanpainaren zilegitasunaren inguruko eztabaida bultzatzea izan da, eta merketin biralaren mugak ezartzen saiatzea. Bestalde, ekimen herrikoiak bultzatzeko marketinaren erabilera aldarrikatzen duen Zaratasoilikez manifestua argitaratu dute.
Erantsi dutenez, proiektua ez da jaio soilik txapelketan parte hartzeko. Hemendik aurrera ikusentzunezko sorkuntza artistikoa sustatzeko gunea bilakatuko da Ubuntu Tribe. Bestalde, Full Circle Magazine aldizkaria euskaratzeko ardura ere hartu dute.
Txapelketa bukatzeko egun gutxi geratzen direnean, Ubuntu Tribek bere sekretua aideratu du bere gunean. Bertan esaten dutenez, hasiera batetik kanpainaren helburua software askea sustatzea izan da, bereziki euskarazkoa. Bigarren helburua, gaineratu dutenez, zenbait kanpainaren zilegitasunaren inguruko eztabaida bultzatzea izan da, eta merketing biralaren mugak ezartzen saiatzea. bestalde, ekimen herrikoiak bultzatzeko marketinaren erabilera aldarrikatzen duen Zaratasoilikez manifestua argitaratu dute.
Erantsi dutenez, proiektua ez da jaio soilik txapelketan parte hartzeko. Hemendik aurrera ikusentzunezko sorkuntza artistikoa sustatzeko gunea bilakatuko da Ubuntu Tribe. Bestalde, Full Circle Magazine aldizkaria euskaratzeko ardura ere hartu dute.
Datorren igandean amaituko da txapelketa eta sariak datorren astean emango dituzte, Startup 2.0 lehiaketakoekin batera.
Erantzunak
Kaixo Jabi:
Arrazoi izan dezakezu azken erabaki horrekin, mezu kateatuen kontuarekin, hanka sartu dugula esaten duzunean. Agian hasiean jasotako zorion mezuek bultzatuta edo, harrotuta agian, pentsatu genuen aurrez aukeratutako bidaltzaile zenbaiti helarazita oihartzun handiagoa izan genezakeela.
Baina asmoak eta intentzioak hasierako berberak izan dira. Agian geure ezjakintasunak murgildu gaitu azken arazo honetan. Ez genuen uste spam-tzat hartuko zenutenik. Geuk ere ez genuen spam-tzat eta. Spamtzat gehiago dugu makina batek bidalitako mezua, edo era indiskriminatuan bidaltzen dena. Hori ez da gure kasua. Muga zein den eztabaidagarria izan daitekeela uste dugu.
Blogean geure berri emateko mezua utziz gero spamtzat hartzen du askok, mezua email bitartez blogariari bidaltzea komenigarria dela. Baina hori eginda ere, spamtzat hartuko du norbaitek. Zer da orduan spama?
Ez genuen uste izan inork gaizki hartuko zuenik... alderantziz, beste askori dibertigarria iruditu zaion kanpaina baten azken txanpa izan nahi zuen. Gertukoenen artean, halako mezu "iradokigarri" bat bidali laguntzen jarrai zezaten.
Baina hanka sartu dugu, bistan da. Ez genuke nahi hankasartze hori dela lehenago egindako lan guztia zikintzea. Eta berez, hanka sartu dugula onartuta ere, ez dugu uste hala izango denik. Kanpaina honek oihartzuna lortu badu ez da gaur bidalitako mezu horren bitartez izango. Ez dugu uste azken mezu hau erabakigarria izango denik txapelketan, eta hori ez da ere helburu garrantzitsuena.
Lagun arteko mezu konplize bat izan nahi zuen. Azken hilabete honetan pertsonalki proiektuaren berri eman ez diegun lagun, ezagun edo ustez gaiarekin interesatuta egon zitezkeenei helarazteko modu bat.
Baina mugak gainditu ditugu antza denez.
Aupa Jabi. Zure aholkuari jarraiki, bigarren mezu bat bidali dugu. Beranduegi izan daitekeela badakigu, baina akatsa konpontzen saiatu gara behintzat.
Kaixo berriz:
Lehenago Ubuntu Tribek bidali dizuen mezuaren ondorioz, jaso duten zenbait lagunek ohartarazi digu ez duela gogoko izan mezua helarazteko metodoa. Izan ere, besteak beste, bidali dugun epostan helbide guztiak agerian daude. Gure errua da, gaizki egindako lana.
Lehenik eta behin mezu kateatua bidaltzeari uztea eskatu nahi genizueke. Eta barkamenak eskatu, eskua joan zaigulako, ez dugulako ondo neurtu.
Mezu hori gertukoen artean, ezagun eta lagunen artean, modu dibertigarrian banatzeko pentsatua zegoen. Orain arte Ubuntu Tribe proiektuaren berri izan ez dutenen artean. Ez zuen bestelako helbururik. Baina hanka sartu dugu, behar zena baino jende gehiagori bidaliz. Prentsaren eta beste batzuen helbideek irrist egin digute kanpainaren abiaduraren ondorioz.
Gure hankasartzea, akatsa, onartu nahi dugu mezu honekin eta barkamenak eskatu mezua jaso duzuen guztiei. Eta eskerrak eman hain azkar ohartarazi gaituztenei. Ubuntu Tribe proiektuaren berri eman nahi baduzue bidalitako mezuan dagoen testua mezu batean kopiatzea eskertuko genizueke. Mesedez, ez berrerabili lehenengo mezua.Hartara beste jasotzaile guztiei eragin ez diezaien. Eta dagoeneko inori bidali badiozue, bidali mezu hau ere, arren.
Barka eragozpenak
Aupa ubuntutribe:
Konturatu zarete errakuntzaz, barkamena eskatu eta katea gelditzen saiatu zarete. Ondo dago.
Hori bai, spamaz duzun definizioa niretzako ezezaguna zen (makina batek egiten duena dela spama) eta ez dut inon aurkitu. Spamaren atzean oso argi daukat pertsonak daudela, ez makinak. Bat nator ordea spama era indiskriminatuan egiten dena dela eta jasotzaile kopuruak ere garrantzia du, baita helbideok harrapatzeko eta prozesatzeko jartzen diren bitartekoak, bidalketa kolektibo handi bat spama den esateko.
Zuen bidalketa ez nuke spamtzat hartuko zentzu horretan, kuantitatiboki murritza delako, baina bai hazi eta ezinbestez spama erakartzera kondenatuta dauden mezu kate horietako bat, bere tipologiagatik (birbidaltzea eskatzen du, helbideak agerian dira).
Besterik gabe, estimatzen da zuzenketa.
- D. Spam adibide argiagoa dirudi konpondu.net-etik jaso dudana azken asteotan, nik eskatu barik... Jende gehiagok hartu du?
Gaur bertan jaso dut mezu katea jarraitzera animatzen nauen spam mezu bat. Jarduera biak batean biltzen ditu marketing biraleko lehiaketa batera aurkezten den Ubuntu Tribe proiektu honek.
Atsekabetu eta haserretu nau printzipioz medioa ezagutzen duten eta konpartitzen dudan ikuspuntua duten (software librea) batzuek horrelako 1.0 teknika zatarrak erabiltzeak.
Hasteko informazio pixkat, ez dakienarentzat: spama zer den eta mezu kateak zer diren.
Nire postontzira eta, agerian "To:" eremuan agerian ikusten diren beste ehunka lagunenera bidalitako mezuak honela dio euskarazko bertsioan (erdarazkoa kendu dut):
"Kaixo:
Email hau zure beste hamar lagunei bidaltzen ez badiezu, ez da ezer gertatuko.
Ez zaizu zerua gainera eroriko, ez zaitu zure neska/mutilak utziko.
Honakoa euskara eta software askea sustatzeko marketing kanpaina baten "pasazazu" bertsioa da.
Kanpaina honek txapelketa batean parte hartzen du eta webguneak dituen sarrerak neurtuko ditu epaimahaiak igande honetan.
E-posta hau bidali badizute, zure lagunen lagunen bat txapelketa horretan parte hartzen ari delako da.
Beraz, eman iezaiozu bistazo bat webguneari. Bloga baduzu, lotura egiguzu, aipatu tabernan, edo pasazazu email hau zure kontaktuen artean.
Gustatu bazaizu, euskara eta software librearen aldeko kanpaina batek txapelketa garrantzitsu bat irabazten lagundu dezakezu. Pasazazu, ba!
Ubuntu Basque Tribe
www.ubuntutribe.com
Pertsonalki urteak daramatzat mezu kateen aurkako (alferreko?) gurutzada pertsonal batean sartuta eta netiketa falta larri honekin puntu asko galdu ditu proiektu honek, zer egingo diogu, bada.