Fernando Muniozguren hil da
Fernando Muniozguren Urkiola (1950-XII-7, Eibar) gaur goizaldean hil da, azken hilabeteotan gaixo egon eta gero. Euskeraren alde egindako lan mardulak bere lanbidearen arlorik nagusiena bete du; horrez gain, beste hainbeste esparru jorratu ditu, batez ere pentsalari eta komunikatzaile moduan.
Ohiko kolaboratzailea izan da Argia astekarian, Egunkaria eta Berria egunkarietan eta Herri Irratiko eta Euskadi Irratiko iritsi irratsaioetan eta beste hainbat komunikabidetan.
Euskararen normalizazioaren inguruan hainbat proposamen berri egin zituen eta beste bide batzuk zabaldu.
Erantzunak
Ahaztu ezingo dogun beste lagundu zoskun Fernandok. Goibekokale aldizkaririk nekez egongo litzake lehenengo pausuak hain ondo erakutsiko ez balozkuz.
Elgetan herri aldizkari bat etaratzia ezinezkua zala entzun giñuan hainbaten ahotik, baiña Fernandok bultza egin zotzan proiektuari: azalpenak emon, eta kitto! aldizkariko eskarmentuaren barri emon, genkazen ideia txoropituak burutik kendu eta proiektu euskaltzalia findu. Maisu ona izan giñuan, bai. Eskerrik asko, Fernando.
Egia esan, ez zekiat zer esan. Badakik, horrelako egoeratan nahikoa motza nauk. Heriotzak kateatu egiten zidak mihia. Zarauzko Monte Albertia etxean zegoen Iraleko barnetegian ezagutu genian elkar. Ni hitzaldi bat ematera joan ninuan eta hik egin hidan harrera. Urte asko joan dituk; tartean harremanetan jarraitzeko hamaikatxo aukera euskalgintzaren eta herrigintzaren bidezidorretan. Aralarren proiektua aurrera atera nahia atzenaurrena. Adeitsu beti. Ideia asko pil-pilean
Zer esagon diat ba, eongo gatxik!
Neri be majo lagundu eta erakutsi zostan. Zorrotza eta kritikua zan bere lanian eta umore edarreko laguna bebai.
Hainbeste urteko lanaren ostian zeukan ilusiño eta gaztiak xaxatzeko goguaz zer esan. Ez dittut holako asko ezagutu.
Makina bat momentu edar pasatu genduan bere onduan.
Zorionez horrek danok gurekin geratzen dira.
Gure aldetik, Debabarreneko Euskarazko Telebista martxan jartzia izango da egin geinkixon omenaldirik onena. Beste hamaika gauzatan moduan makinatxo bat ahalegin egin zeban horretarako bidia zabaltzen.
Beti lagun.
Aurrera bolie!!
Datorren zapatuan hilak 15 Fernando Muniozgureni omenaldia egingo zaio, Eibarko Txaltxazelaiko kioskoan, arratsaldeko 19.00etan.
Ez hileta eta ez elizkizun, ekitaldi "alaia" eskatu zuen, berba horrekin, Fernandok, idatziz lagatako borondatean. Eta beste baldintza bat, Eta Kitto elkarteajk antolatua izan zedila ekitaldi hori.
Euskerian alde milaka lan egindakua; bultzatzaile, sustatzaile, ziztatzaile... Badihardugu Euskara Elkartiaren sorreran be zeresan zuzena izandakua. Danon partez, besarkada bero bat lagun eta senide guztieri.