Bestelako eskolak izan ditugu gaurkoan
Euria ari zuen goizean. Ikasleek autobusa hartu dute, goizero bezala. Linea gitxiago zituen Bizkaibusek, eta horregatik Loiukoan etorri dira. Trenez hurbildu dira Txorierritakoak. Txorierri institutoan bestelako ikasgaiak landu ditugu.
Lehen ordua neukan nik. Internet eta gu deitu diogu hitzaldiari. Eta gu hori zehazten aritu gara. Egoitz Askasibar ESAIT elkarteko kideak, gimnasia orduari zegokiona hartu du, kirolaz aritzeko. Kirol selekzio nazionalak eta gu, esango genuke. Gaztetxeetako ikusentzunezko materialak izango dira geroago. Euskal Herriak Bere Eskolako kideek, Euskal curriculuma izango dute hizpide. Derioko kaleetatik, kalejira manifestazio bat burutu eta bertso saioa, kultur giroan eguna bukatzeko: Etxahun Lekue eta Eneko Abasolo, "Abarkas".
Internet eta gu
Ordenadorea piztu, eta izaera eta nortasuna ukatzen zaigula ohartu gara. Ikastetxeetan gaztelaniazko nabigatzaileak (Internet Explorer) eskaintzen zaizkio ikasleari, bulegoko arduradunari, irakasleari. Aukeran dauden programa libre eta euskaldunetaz mintzatu gara gero. Librezale.org ezagutu, eta mozilla firefox zelan jeitsi ikasi dugu. Etxean eta liburutegian egitea adostu dugu, gure euskal intsumisio ekintza txikiak egitearren. Libre eta euskaraz. Hurrengoan bai.
Bilatzailea ikusi dugu ostean. google.es Ez omen dute besterik ezagutzen. Google.com euskalduna bilakatu dugu. Euskarazko preferentziak jarri dizkiogu bilatzaileari. Eta Espainia eta google España barik, Euskara ageri dira jada ordenadore guztietako bilatzaileetan. Abenduak 6, apur bat euskaldunago izan gurean.
Eta nabigatzen hasi gara, bilaketak egiten, euskaraz dauden guneak bisitatu eta ezagutarazten. Internet eta gu hori zehazten joan gara. Euskaldunak gara, euskal herritarrak mundu globalean. Indymedia, blogak, herri proiektu ezberdinak bisitatu ditugu... eta oharkabean, albisteak publikatu ostean, bigarren ikasgaiari ekin diote ikasle intsumisoek.
Ez da giro kalean. Euria ari du, gogoz. Kirolean aritu barik, kirolaz ari dira orain. Eta ni hemen, abenduaren 6an Internet euskalduna xaxatu gurean, idazten, lanean...
Irakurtzeko denbora hartu, eta erantzun gutxi topatu ditut sarean. Lanean ari direnei, erakusteko esan gura nieke. Jai hartu dutenek, Interneten ere ez dute askorik egingo. Ikusiko dugu.
Erantzunak
Eta noiz hasiko gara jai erlijiosoei ere muzin egiten? Hasiko al gara?
Zein jai egun hautatuko ditugu gure egutegi propiorako?
> Euria ari zuen goizean. Ikasleek autobusa hartu dute, goizero bezala. Linea gitxiago zituen Bizkaibusek, eta horregatik Loiukoan etorri dira. Trenez hurbildu dira Txorierritakoak. Txorierri institutoan bestelako ikasgaiak landu ditugu.
> Mondragon Unibertsitateko HUHEZI fakultatean lanegun arrunta izaten ari da gaurkoa. Langile guztiak lanera eta ikasle guztiak klasera etorri gara. Aurrerabidean lan handia egiteko dago baina litekeena da HUHEZI izatea euskara eta Euskal Herriarekin konpromiso handiena duen euskal Fakultatea.
>
> Eutsiko ote dio Bolognari?
Bere garaian Udalbiltzak martxoaren 8a eta abenduaren 3a proposatu zituen urriaren 12a eta abenduaren 6a ordezkatzeko. Beste proposamen bat: ekainaren 24a, ez San Juan delako, baizik eta solstizioa delako.
Aste Santua izan barik, hobe udaberriko astea izatea. Gabonak baino, neguko oportxuak: gabon gauaren inguruan (Olentzaro eguna), urtebarri, ... Errege egunik ez, ezta Santiao ere. Gehiago findu beharko genuke zerrenda, baina hasteko bada zerbait.
Egutegi guztiak, erromanoa eta beste guztiak ere bai, helburu erlijioso batekin jaio ziren; eta ez ahaztu Jesukristoren ondoregngo 2005. urtean bizi garela.
Kentzea gure kulturatik arrastro erlijioso guztiak uste baino zailagoa izango da, lagunak.
Katedralak ere, funtzio erlijiosoa dute. Bota egin behar dira horregatik?
2 komentario, bata zalacaini ta bestea honen aurrekoari:
1) Gai guztiak ez dira erlijiosoak. Kristo mundura etorri aurretik (gabonetan, adibidez) neguko solztizioa berdin-berdin ospatzen zen. Jai horri (eta beste askori, San Juanak, besteak beste) kutsu erlijiosoa gerora jarri zioten.
2) Jai erlijiosoak ezabatzearen alde baina Olentzero mantentzearen alde dagoenari: Olentzero, erlijio kristaua barik, ez litzateke ezer izango. Izan ere, gogoratu dezagun nor izan omen zen Olentzero: Kixmiren (Kristoren) etorreraren albistea zabaltzeaz arduratu zen azken jentila, jentilen kobazuloan lurperaturik (Kixmi/Kristoren etorrera dela-eta) geratu ez zen bakarra.
Mondragon Unibertsitateko HUHEZI fakultatean lanegun arrunta izaten ari da gaurkoa. Langile guztiak lanera eta ikasle guztiak klasera etorri gara. Aurrerabidean lan handia egiteko dago baina litekeena da HUHEZI izatea euskara eta Euskal Herriarekin konpromiso handiena duen euskal Fakultatea.
Eutsiko ote dio Bolognari?