Mintzapraktika egitasmoei buruzko jardunaldiak egingo dituzte, azaroaren 10ean

Euskararen erabileran eragin, euskaldun berriak euskaraz egiteko gune nahiz lagunak bilatu, eta euskaldunon sarea handitu zein ehuntzeko mintzapraktika egitasmoak aztertzea dute helburu jardunaldiok. Zenbait izen izan arren, helburu eta metodologia bertsuak dituztenez, egitasmo guzti horien ordezkari eta parte-hartzaileak elkartuko dira Durangon.

Matrikulak 55 euro balio du. Topagunea Euskara Elkarteen Federazioko, AEK-ko nahiz IKAko kideentzako prezioa 50 eurokoa da. Bazkaria Durangoko Plateruenean Kafe Antzokian izango da eta 13 euro balio du. Informazio gehiago, Topagunearen web orrian. Izena emateko eta gainerako argibideetarako, 94.475.16.18 telefonora eta bizkaia@topagunea.com helbidera jo dezakezue.

EGITARAUA

09:00 Material banaketa

09:30 Irekiera ekitaldia

10:00 "Euskaldun berria: Hiztuna eta euskal komunitatea"

Iñaki Arruti, Lasarte-Oriako udal euskara teknikaria.

10:45 Atsedenaldia

11:15 Euskaldun berrien erabilera programak esku-liburuaren aurkezpena

Oskar Zapata, Topaguneko Mintzapraktika Saileko arduraduna.

11:30 "Mintzalaguna: Donostiako egitasmoaren hastapenak eta bilakaera"

Aitziber Gurutzeaga, Donostiako Bagera Euskara Elkarteko teknikaria.

11:45 "Mintzalaguna programan sakontzen"

• 11:45 "Programa abian jartzen": Ana Flamarique, Iruñeko Mintzakide egitasmoko teknikaria.
• 12:00 "Programa gauzatzen": Edorta Lopez, Muskizko Ostabe egitasmoko teknikaria.
• 12:15 "Programa kudeatzen": Idoia Ilarramendi, Hernaniko Dobera Euskara Elkarteko teknikaria.
• 12:30 Galdera txanda

12:45 "Mintzapraktikarako programak beharrezkoak al dira euskalduntze prozesua arrakastaz bukatu ahal izateko?" (Mahai-ingurua)

• HABE.
• Asier Amondo, AEK-ko Zuzendaritzako kidea.
• Iker Martinez de Lagos, Topagunea Euskara Elkarteen Federazioko zuzendariondokoa.

Moderatzailea: Sagrario Aleman, IKAko irakaslea.

13:30 Eztabaida irekia

14:00 Bazkaria: Plateruena Kafe Antzokian

15:30 "Erabilera programen bestelako aplikazioak"

• "Gabriel Aresti euskaltegiaren jarduera-tailerrak": Xabier Monasterio, Bilboko Zenbat Gara Euskara Elkarteko kidea.
• "Erabilera birtuala": Aitor Etxebarria, Santurtziko Udal Euskaltegiko irakaslea.
• "Kuadrilletan euskararen erabilera suspertzeko egitasmoa": Diego Egizabal, Kuadrillategi egitasmoko koordinatzailea.
• "Gurasoei zuzendutako programa bereziak": Benito Fiz, Mahatserriko (Bilbo) Asapala Euskara Elkarteko kidea.
• "EHUko esperientzia": Arrate Atxa, EHUko kidea.

16:45 "Voluntaris per la Llengua: Hizkuntza bikoteak, hizkuntza bat ikastea baino askoz gehiago"

Dolors Solà i Noguera, Centre de Normalització Lingüística d´Osonako zuzendaria.

17:30 Galdera txanda

18:00 Amaiera ekitaldia