Teknologia albisteak
8

Nola esaten da "click" euskaraz

Erabiltzailearen aurpegia
ander goñi - Internet & Euskadi blogetik
2005-09-27 : 16:09

Microsoftek bere lekuko hizkuntzen programa aurkeztu du gaur, eta prentsa ohar ofiziala honela titulatu dute: How do you say “click” in Basque?

Internet&euskadiren blogean irakurri dut nola Microsoft-ek eman duen ezagutzera bere lekuko hizkuntzen programa (LLP). Programa honen berri emateko plazaratutako oharrean honako galdera hau egiten du "How do you say “click” in Basque?".

Erantzunak

Unai
2005-09-27 : 21:24

Eta zer moduz funtzionatuko du?



Ez naiz instalatzera ausartzen...

itziar
2005-09-27 : 21:28

Ba nik Windows XP euskaraz jarri nuen orain hilabete inguru, eta oraingoz ez dit arazorik eman. Office euskaratu gabe daukat, etxekoentzat erabilterrazagoa baita gazteleraz.

Anima zaitez programak euskaraz jartzera!

3ARRANO
2005-09-27 : 22:51

> Eta zer moduz funtzionatuko du?



Niri ez dit inoiz arazorik eman, eta irten zenetik daukat instalaturik.

Zoritxarrez den dena ez dago euskaraz, ez ziotelako horretarako aukerarik emango Microsoftekoek.



Office 2000rako ez al dago euskararatzeko paketerik?

Mikel
2005-09-27 : 23:18

Guk gure ikastolako Windows XP eta Office 2003 euskaraz jarri genituen iaz eta ez digute inongo arazorik eman. Halere, hasieran, agertzen ziren komandoak arrotzak egiten zitzaizkigun eta ohitu arte hanka-sartze bat baino gehiago egin genuen. Nolanahi ere, irakasleek eta ikasleek erakutsitako jarrera baikorrak asko lagundu zigun eta orain ez dakit gaztelerako bertsioarekin asmatuko ote genukeen.

Beraz, beldurra galdu eta anima zaitezte zuen ordenagailuak euskaraz mintzatzen jartzera.
Ea horrela egia bihurtzen dugun gure ikastolako ikasleek asmatutako leloa: EUSKARA, BESTELA EZ GARA !!!

Luistxo
2005-09-28 : 09:38

Besteak bezain ondo (edo gaizki) funtzionatzen du, baina Microsoft erabiltzeak dakarren kontzientzia txarra arintzen laguntzen du euskarazko interfazeak.


Sistema eragilearekin batera, beste gauza batzuk ere euskaratzen zaizkizu, Windows Media edo Internet Explorer, adibidez. Azkenengo hori, jakina, aldamenean Firefox izanda, erabili behar izateko motiborik ez dago.


Eneko Agirre
2005-09-28 : 14:48



Mila esker! oso erraz instalatu dut dena. (Bill Gates-i ere eskerrak eman beharko, behingoz?)



Ingurukoei zabaldu behar berria, deskarga asko lortu behar dira, etorkizunean ere euskara kontuan hartu dezaten.



Pena da Google oraindik soka honetan ez sartzea (interfazea bai, baina euskara ez da azaltzen bilatu daitezkeen hizkuntzen barruan, eta google-bar bezalako tresnetan).



Alltheweb bilatzaileak euskara kontuan hartzen zuen, baina ez dakigu zergatik duela 2 urte edo utzi zioten euskara ezagutzeari. (erabiltzaile gutxi beharbada?)





Eneko
2005-09-28 : 14:54

Bospasei hilabetez windows XP erabili dut euskaraz, eta oso pozik sentitu naiz euskaraz ordenagailuan aritzen.



Orain MacOS-era pasa naiz, eta berriro erdarara :-(

2019-12-14 : 08:37

Guk "klikatu" esaten dugu, eta jarraibidea emateko, gehienetan, "egin klik..."
Bestalde, Mikelek jarrera aipatu du. Guk "jarrera positiboa" esaten dugu, edo negatiboa; aldekoa ala kontrakoa. Izan ere, pertsonak gara baikorrak, ezkorrak, eta abar. Oso interesgarriak komentario guztiak.

Erantzun

Twitter ikonoa  Facebook ikonoa  Sartu