Teknologia albisteak

Txorierrin Berbalaguna martxan

Txerra Rodriguez - Tximintx euskara elkartea

2005-09-14 : 10:09

Euskaldunak eta euskalduntzen ari direnak harremanetan jartzeko proiektua jaio da Derion. Proiektu honen atzean Tximintx euskara elkartea, Derioko udala, Txorierriko udal euskategia eta Txorierriko AEK daude.

Zerbitzu honen funtsa hauxe da: euskalduntzen ari den pertsona bat eta euskalduna den pertsona bat harremanetan jarri astean bi orduz euskara erabiltzeko modu natural batean. Pertsonak harremanean jartzeko kontuan hartzen dira bakoitzaren zaletasunak, adina, ordutegi posibleak, Behin datu horiek gurutzatuta, bikoteak edo hirukoteak eratzen dira eta dinamizatzaile batek euren gaineko kontrola eta segimendua egiten du, bikoteetan sor daitezkeen arazoak konpontze aldera edo bikoteei laguntza emate aldera.
Berbalagun proiektuan parte hartzeko izena eman behar da. Horretarako, irailaren 30 arteko epea dago. Matrikula honako lekuetan egin ahal da:

- Tximintx euskara elkartean: Derioko KZgunean egunero 17:00tatik 19:00tara edo 635753595 telefonoan. Baita tximintx@euskalerria.org edo derioberba@euskalerria.org helbideetan ere.
- Derioko udal euskategian: Herriko plaza 94 4540062 telefonoa.
- Txorierriko AEK: Gorbeia 5, Derio. 944543967 telefonoa.

Gogoratu berbalgunean parte hartzea doanekoa dela. Gainera, euskaldunei ikasturtean zehar oparitxoak emango zaizkie.

Tximintx euskara elkartea.

Erantzunak

Erramun Gerrikagoitia

2005-09-14 : 17:11

Proiektu honen atzean Tximintx euskara elkartea, Derioko udala, Txorierriko udal euskategia eta Txorierriko AEK daude.

>

Berbalaguna izatea ona da berba egiteko elkarrekin eta ikasteko berba egiten, berba egin ohi den modura edo antzera. Nik uste, Txoriherrin ere, berba egiten dela esanez "Proiektu honen atzean dagoz (edo daude) Tximintx euskara elkartea, Derioko udala, Txorierriko udal euskategia eta Txorierriko AEK,..." eta nahi duzun bezainbeste luzaturik. Izkiriatzen dutenak ere euskaraz behar lukete ikasi gehiago apur bat herria (edo Herria) ganik eta berbalagunak ganik. Hori dateke, antza, objektuvoa; ea ikasten dugun. Ahalegina egin ezkero lortuko dugu zeozer on, seguru egon.