Pasa abisua
Aita Santua hil berri dugu eta azken egunetan zenbait mezu jaso ditut SMS edo e-mail bidez. Mezuen ondoren "Pasa abisua!" zioen. Sustatura ere pasatu nahi izan dut mezu haietako pare bat.
Pasa abisua!
KONTZENTRAZIOA
Gaur gaueko 12etan kontzentrazioa katedralaren aurrean. Han bilduta, jainkoari eskatu nahi diogu Aita Santua berpizteko, ea behingoz telebistan ezer dexenterik ikusteko aukera dugun. Pasa abisua!
--------
ACEBESEN AZKEN ADIERAZPENAK
Aita Santua hil ondoren, bi hipotesi ditugu esku artean.
Lehen hipotesiak argi eta garbi pentsarazten digu ETA izan dela, eta hipotesi horrekin ari gara sendo lanean.
Bigarren hipotesia ez dago batere garbi; izan ere, baliteke parkinsonak eta hil denaren adin handiak zerikusiren bat izatea heriotzan. Baina berriz ere garbi eta ozen adierazi nahi diegu herritar guztiei ez jaramonik egiteko komunikabide batzuen nahasteei. ETA da hipotesi nagusia eta esku artean dugun ia bakarra.
Pasa abisua!
-----------
Gogora etorri zait Bartzelonako Forumeko hitzaldi batean esana
"... This lack of plurality of information means society is looking for answers in alternative media that generate credibility".
Eta ondoren:
"The alternative media, such as Internet blogs, SMS, community stations or small newspapers are the ones which are gaining audience. Nowadays these are the media which are opening up debate and people seek them out because they find them credible".
> "The alternative media, such as Internet blogs,
> SMS, community stations or small newspapers are
> the ones which are gaining audience. Nowadays
> these are the media which are opening up debate
> and people seek them out because they find them
> credible".
Guztiz ados nago honekin, baina ¿zein punturarte hitzegin dezakegu askatasunez? Botereak honelako informazio zabalketak hamaika aldiz ixilarazi ditu, eta adibide mordoa dago:
- Irakeko gerraren jarraipena egiten zegoen kazetari batek, bertan zegoela aprobetxatuz, bere abenturak kontatzen zituen bere weblogean. Bere soldata ordaintzen zuen telebista kateak, galarazi egin zion. Zergatik? Konpetentziagatik ala Iraken gertatzen zenari buruz ematen zuen ikuspuntua hedabideak zabaldu nahi zuen kontrakoa zelako?
- Madrilgo atentatuen ostean SMSak erabiliz antolatu ziren manifestazioen ondoren, jendeak sekulako tresna eraginkorra dela uste du. Ados nago, baina ez guztiz. Poliziak, interesatzen zaionean, gune bateko telefono estaldura blokeatu egiten du, eta inork ezin du ez deiak jaso, ez deiak egin, ezta SMSak trukatu ere. Ez dezagun ahaztu, teknologia hori eskaintzen dutenak enpresak direla, eta boterea daukatenek eskatzen dietena egiteko prest daudela.
- Interneteko zerbitzariekin berdina gertatzen da, eta Espainiar estatuan LSSICE legea onartu zenetik, webgune bat baino gehiago ixteko mehatxuarekin bizi dira. Frantziar estatuan ere antzeko lege bat onartu nahi dute (jada egin ez badute), Europa mailan ezarri nahi den Direktiba baten erruz.
- Horren adibideak barra barra daude: Telefonikako proxiak inongo agindu ofizialik jaso gabe bere bezeroek Batasunaren webgunea ikustea galarazi zienean, eta abar.
Beraz, ados nago teknologia berriei esker adierazpen askatasuna handiagoa dela eta hedabide "arruntek" (aldizkariak, telebistak, irratiak) igortzen duten informazioa kontrolatzea zailagoa dela, baina eragozpenak jartzeko eta bortxakeriak egiteko aukerak ere asko dira.
Zenbat eta hedabideak boterea daukatenek gehiago kontrolatu, orduan eta zentzura handiagoa. Bera irrati libreek egiten duten moduan eta fanzinek egiten duten moduan, autokudeaketaren bidea gehiago sakonduz, azkeagoak izango gara egia esateko inoren presioei ikararik eduki gabe. Indymediak egiten duen bezala: autogestioa, independentzia, talde legala, eta berriemaile mordoa. Zein foru aldundik, gobernuk edo multinazionalek ixilarazi dezake?
Laburbilduz, teknologia berriak gauza miragarriak lortzeko balio dezakete, baina baita aurrekoak ere (inprimategiaren garrantzia denok ezagutzen dugu, telebista hezkuntza-tresna izugarria izan liteke). Alde positiboak bultzatzea lortu ahal izateko, lan egin beharra dago eta gizartearen eboluzioa eragin.