Gaizki idatzitako hitzek ere balio dute bilatzaileen rankinetarako
Googlen lehenengo postutan egon nahi duten webguneek kontuan hartzen dituzte gaizki idatzita egiten diren bilaketak ere. Horren adibidea da "buelos baratos"-en kasua. Googlen "buelos baratos" jartzen badugu, ikusiko dugu AdWordsak erabiltzen dituzten bidai konpainiek gaizki idatzitako hitz horiek ere erosita dituztela.
Erabiltzaile gehienek ondo idazten dituzte hitzak; baina asko dira bilaketak erroreren batekin-edo egiten dituztenak. Eta, noski, errazagoa da lehenengo postua lortzea oteles baratos -en (834 emaitza), hoteles baratos -en baino (373.000 emaitza).
Webgune honetan diote Googlen egiten diren bilaketetatik %10ek akatsak dituztela. Gainera, erreminta bat ere sortu dute hitz bakoitza zein akatsekin idatzi izan den ikusteko.
Googlek berak ere ondo daki hori. Hori dela-eta, erregistratuta ditu Gogle.com, Google.com, Ggoogle.com, Gooogle.com eta Gogole.com.
Sustatu eta officen presioa
Egunero milaka pertsonek bilatzen dute bilatzaileetan ea zein prezio duen Microsoft Officek. Batzuk ez dakite idazten eta "presio de office" bilatzen dute. Eta badakizue Yahooko bilatzailean "presio de office" idatziz gero nora iristen diren? Zuzenean Sustatura. Ikusi.
Otsailean lau sarrera egon dira Sustatun bilatzailean "presio de office" jarrita.
Erantzunak
Bueno, askotan bilaketak jasotzen dituzten estatistikek zuzentzaileren papera jokatzen dute. Ni neu behin baino gehiagotan konturatu naiz nire bitakoretan egindako akatsetaz baten bat, adibidez, "Autralia" hitzaren bila abiatu delako.
Horri ezker ere ikasi dut "zin zen zidan" kateak zoeozer esan nahi duel... hebraeraz!
Ahaztu gabe beste aldaera kurioso bat: gaztelerazko Word-en zuzenketa automatikoak sorraraziko engendroak: Otsate "Tózate" bilakaten da. Horretaz konturatzen ez direnak izan badirela demostratzeko, bila ezazue Google bilatzailean "Donosita San Sebastian" eta ikusi, ikusi...
Beste adibide bat: Euskaraz erabiltzen baduzu google, ba "faroa" berba sartu eta ematen ditu eman beharrekoak. Baina pentsa zein ondo dabilen google ze badaki zein hizkuntzatan egin gomendioak eta zeinetan ez. Ez dakit ehuneko ehunean ondo dabilenm, baina proba bat egin dut:
Ez ba, nik gura nuen Joxe Arantzabalen Faroa" aurkitzea.