Espainieratik euskarara automatikoki itzultzeko asmoa 2006rako

Sustatun atera genuen lehen ere, urtarrilean, baina 2006rako izango dela aurreratu dute orain. Berriako artikuluan irakurri dugu gaur goizean. Hauek handik ateratako puntuak:

• Gaztelanieratik euskara itzuliko du webgune bidez.
• Itzulpenaren fidagarritasuna: Internostrumen kasuan %95: 100 hitzeko 5 zuzendu behar. Euskararen kasuan%80.
• Kode irekian: Deskargatzeko aukera izango da; ahal duenak hori hartu eta produktua bere beharretara egokitzeko aukera izango du, baina ez saltzekoa dio Iñaki Arantzabalek. Lehen kode irekiko itzulpen automatikorako sistema izango da.
• Iñaki Alegria (Ixa): Itzulpen automatikoa bi aldiz lantzeko ahalegina egin da. Orain, esan daiteke 10 urteko krisiaren ostean, beste saiakera bat dela.
• Sistema nahiko arrunta izanagatik, 5.000 berba itzultzen ditu segundoko, formatua errespetatuz.
• Ingelesa txertatzeko aukera ere aztertzen ari dira. Eusko Jaurlaritzak huts egin eta gero, Espainiatik 600.000 euro lortu dituzte, eta ingelesa txertatuta gehiago lortzeko bidea egon daitekeela diote.
• Bi helburu: Itzulpengintzarako laguntza tresna izango da, batetik; espainieraz dagoen informaziora hurbiltzeko aukera, bestetik.
• Epea: 2006rako erabiltzeko moduan izango da.
• Ikerketaren egileak: Alacanteko Unibertitateko Transducens taldea Euskal Herriko Unibertsitateko Ixa taldea, Vigoko Linguistika Informatikoko Mintegia eta Kataluniako Unibertsitateko TALP ikerketa zentroa.
• Ikerketa produktu bihurtzeko: Elhuyar, Bartzelonako Thera, Galiziako Imaxin eta Eleka.
• Sistemaren arrakasta eremua mugatzean datzala diote. Hau da, enpresa eremurako sistema egokituta, itzulpena zehatzagoa izan daiteke. Eremu bakoitzerako hizkuntza baliabideak aztertu eta zehaztea izango da Elekaren helburua.