Cocidito Madrileño: EITB antzerki zaletasuna pizten?
Ezagutzen duzue Cocidito Madrileño? Ba horixe izango da Euskal Herrian gehien ikusiko den antzerki lana. Zergatik? galdera horixe egin gura nuke Sustatun. Irrati-formulan ezagun egin den tartea antzerkian ikus daiteke herriz herri, eta herri gehienetan. Udaletako langileek ez dute dudarik izan Cociditoa kontratatzerako orduan.
Radio Euskadiko mas que palabras saioak egin du ezagun Cocidito, eta irratian arrakasta itzela izan du Javier Vizcainoren irratsaioak.
Glu Glu antzerki taldeak ere, Estatu Españoleko tertuliano, politiko eta abarrekoen iritzi, edo osagaiekin lapikokoa egin eta irribarre batekin janarazten dute antzerkian. Sipnosia hemen
Nolakoa den antzezlana
Irratsaioa denek dakite nolakoa den, baina antzerkia zer? Ba Artezen irakurri dugunez sketch eran dago antolataua eta entzunez ezagutu dugunaren ispilua egingura izan dute. Taula gainean argi gorri bat dago eta piztutakoan adierazten du esanten ari direna literala dela. Hori bai, ez omen da esaten esaldi bakoitza norena den. 3.000 grabazio entzun eta gero egindako lana da.
Gaiak
Euskara, homosexualitatea, ikastolak, eliza, herri kirolak dira Cocidito Madrileñoren zati antzezlan hau gaztelanieraz egiten da bakarrik.
Debagoienean
Oso gutxitan izan da Debagoienean Cocidito Madrileño bezalako antzezlan arrakastatsurik jende kopuruari dagokionez: zazpi emanaldi egingo dituzte hiru herritan, eta aldez aurreko salmentan sarrera gehienak dagoeneko saldu dira. Gurera ere iritsi da lapikoko berezi horren fenomenoa. Baina ez Debagoienean bakarrik. Santurtzin, adibidez, sarrerak agortuta daude eta emanaldia apirilaren 29an da.
Zumaian, Tolosan... jende asko joan dela jakin dut. Sustatuko irakurleren bat egon da ikusten? Zein iritzi duzue? Gurean sarrera guztiak agortu dira. Antzeztokiak beteko dira inoiz ez bezala.
Irratsaioaz informazioa, eta orain baita antzerkiaz ere, Euskal Irrati Telebistaren webgunean
Erantzunak
Alfonso Muxikak kontatu zuen Berrian
Pasarte bat:
Barregura gehiago eragin zidan hango ezagupen ezak Euskadiri buruz. Sekulako nahasmenak euskarari buruz eta gure hizkuntza eta gure gauzei buruz, horiek, bai, nahikoa barregarriak ziren.Baina, beste aldetik, Euskadi eta Euskal Herria ere izan ziren bromatzat hartuak. Erridikulizatzen ziren geure euskal kirolak eta geure kirolariak, Athleticen politika eta jarrera, geure politikariak, eta kazetariak ere bai. Orokorrean, geu euskaldunok boronotzat jotzen gintuzten. Eta umore nahiko arrunta edo zarpailarekin. Txorakeriak esaten zituzten geure ohiturei eta jarrerari buruz.
Ezagutzen dozue Cocidito Madrileño antzezlana? Lehengo egunean ikusi nuen eta ez zidan grazia handirik egin...
Zapatu goiz guztietan, ohetik jeiki barik, Cocidito madrileño irratsaioa entzuten dut. Javier Vizcainoren saioak Cope-k eta Radio Nacional de Españan Euskal Herriari buruz "tertulistoek" botatako arrantzak batzen ditu. Arriaga Antzokian otsailaren 13an antzerkirako bertsioa antzeztuko zutela jakin bezain laster sarrerak erostera abiatu nintzen. Proscenio aldean egoteko besterik ez ziren geratzen eta hala ere erosi nituen bi sarrera.
Eguraldi kaxkarra zegoen kalean eta blai eginda heldu ginen antzokira. Proscenio alde madarikatu horretatik ez genuen gauza handirik ikusten. Alboan nuen bikotearen algarek harrituta utzi ninduten, pasarte berdinak ikusten ari ginen eta nik ez nuen holako barregurerik sentitzen. Zergatik? Ez pentsatu umorearen zentzurik ez dudanik, baina ikuskizun merkea iruditu zitzaidan.
Radio Euskadiren publizitate arloak entzule tipikoaren lepotik dirua ateratzeko helburuz prestatutako antzezlana da, EITBko komunikabideetan (erdarazkoetan gehienbat) etengabe eta debalde egindako autobombo iragarkiei esker antzokiak aldez aurretik betetzea lortu duena.
Helburu horrekin eta presaka prestatu dute antzezlana: aldez aurretik helburua eta gaia, antzezlana gerorako. Horregatik agian atera da bestela Arriagara helduko ez litzatekeen ikuskizun pobrea. Umore nahiko arrunta eta topikoak dira nagusi, Athletic, Arzalluz... Eta euskaldun batentzako (euskaradun, argiago esateko) rekurrenteegiak diren "boronoen" topikoak. Argi gera bedi: cocidito-a ondo dago, baina bere jatorrizko formatoan, irratikoan, noski.
Nire ustez EITB-k egindako publizitateari esker lortu dute arrakasta lan honekin. Ondo pentsatua dago eta "politikoki zuzena" eta egokia da familia erdaldun jeltzale tipikoarentzat. Badirudi satira orain asmatu dutela honekin, baita pixkat ausartagoa den Vaya Semanitarekin ere. Hemen gure herrian TMEO aldizkariak urte mordoa daramatza satira eginez: zintzoa, gogorra, heavy-a sarritan... Baina undergroundetik ez da sekula atera eta seguru nago Cocidito horren ikusle gehienek ezagutu ere ez dutela egingo.
Nire aburuz antzezlan moduan nahiko pobrea izan da. Ondorengo testu hau nire bitakoran publikatutako testua duzue:
Ezagutzen dozue Cocidito Madrileño antzezlana? Lehengo egunean ikusi nuen eta ez zidan grazia handirik egin...
Zapatu goiz guztietan, ohetik jeiki barik, Cocidito madrileño irratsaioa entzuten dut. Javier Vizcainoren saioak Cope-k eta Radio Nacional de Españan Euskal Herriari buruz "tertulistoek" botatako arrantzak batzen ditu. Arriaga Antzokian otsailaren 13an antzerkirako bertsioa antzeztuko zutela jakin bezain laster sarrerak erostera abiatu nintzen. Proscenio aldean egoteko besterik ez ziren geratzen eta hala ere erosi nituen bi sarrera.
Eguraldi kaxkarra zegoen kalean eta blai eginda heldu ginen antzokira. Proscenio alde madarikatu horretatik ez genuen gauza handirik ikusten. Alboan nuen bikotearen algarek harrituta utzi ninduten, pasarte berdinak ikusten ari ginen eta nik ez nuen holako barregurerik sentitzen. Zergatik? Ez pentsatu umorearen zentzurik ez dudanik, baina ikuskizun merkea iruditu zitzaidan.
Radio Euskadiren publizitate arloak entzule tipikoaren lepotik dirua ateratzeko helburuz prestatutako antzezlana da, EITBko komunikabideetan (erdarazkoetan gehienbat) etengabe eta debalde egindako autobombo iragarkiei esker antzokiak aldez aurretik betetzea lortu duena.
Helburu horrekin eta presaka prestatu dute antzezlana: aldez aurretik helburua eta gaia, antzezlana gerorako. Horregatik agian atera da bestela Arriagara helduko ez litzatekeen ikuskizun pobrea. Umore nahiko arrunta eta topikoak dira nagusi, Athletic, Arzalluz... Eta euskaldun batentzako (euskaradun, argiago esateko) rekurrenteegiak diren "boronoen" topikoak. Argi gera bedi: cocidito-a ondo dago, baina bere jatorrizko formatoan, irratikoan, noski.
Nire ustez EITB-k egindako publizitateari esker lortu dute arrakasta lan honekin. Ondo pentsatua dago eta "politikoki zuzena" eta egokia da familia erdaldun jeltzale tipikoarentzat. Badirudi satira orain asmatu dutela honekin, baita pixkat ausartagoa den Vaya Semanitarekin ere. Hemen gure herrian TMEO aldizkariak urte mordoa daramatza satira eginez: zintzoa, gogorra, heavy-a sarritan... Baina undergroundetik ez da sekula atera eta seguru nago Cocidito horren ikusle gehienek ezagutu ere ez dutela egingo.
Goienkariak elkarrizketa egin dio gaurko zenbakian
Tertulia-kideen fenomenoa diru kontua da
Gurean antzeztuko duten lana Javier Vizcaino kazetari astrabuduarrak sortutako irratsaio baten moldaketa da. Vizcainok ez zuen inondik inora espero saioak halako arrakasta izatea.
Bai, Carlos Iturgaitzek eta Arnaldo Otegik izan zuten ika-mika batetik hartu nuen ideia, eta, bestalde, Pepe Blancoren abesti batetik; guk irratsaioan ematen duguna Manolo Escobarren moldaketa bat da.
Inork asmatu ezineko lana da. Egunero-egunero bederatzi ordu ematen ditut irratsaioak entzuten. Orain Susana Martinek laguntzen dit; hasieran, Dani Alvarezek, eta Daniri, bereziki, eskerrak eman behar dizkiot, izan ere, hark izan zuen lehenengo hartu-emana Glu Glu taldearekin, antzezlana aurrera eramateko. 3.800 bat esandako batu ditugu.
Irrati-kate bakoitzak badu gutxienez bat gure saioan bi edo hiru aldiz ateratzen duguna astero. Esandakoak zeinek esan dituen ez dugu esaten, baina Copeko goizak girotzen zituena, El Tercer Grado-ko aurkezlea eta nik Pucelako kontakatilua deitzen diodana asko agertzen dira.
Inondik inora ez nukeen esango halako arrakasta izango zuenik nire irratsaioak. Hasieran, hainbat konturen gainean atentzioa emateko asmatu nuen, eta jendeak ez zuen ondo ikusi: esaten zuten alde guztietatik egurra ematen zutela eta ea gure kateak ere egurra eman behar zuen. Asko kritikatu gintuzten. Baina gero
Oso barregarria da. Eskatu zidaten moldaketa neuk egitea, baina ezin nuen, Galderrek eta Eloi Beatok egindako zirriborroa irakurri nuenean, barrez lehertu nintzen, eta pentsatu nuen: Hau barregarria baldin bada, antzeztuta hobea izan behar du!.
Fenomeno horren zati txiki bat da ideologia, eta handi bat, dirua. Batzuek 600 euro irabazten dituzte ordubeteko jardunarengatik. Astakeria mordoa esan behar dituzte hor segitzeko eta dirutza hori kobratzen jarraitzeko. Euren rola eurek ere sinetsi dute, azkenean.