"Mamutxen Eremua": poltsikoko telefonoentzako euskarazko lehen jokoa
Animatu enpresak egin du "Mamutxen Eremua" jokoa. J2ME teknologian eginda dago. Jokoan jokalariak Mamutxak aurkitu behar ditu, bidean topatuko dituen pertsonaiek emango dizkioten pistei esker.
Izena duen guztia omen da.
"Mamutxak gure artean dauden izaki mitologikoak dira. Nagusiek diote jadanik ez direla existitzen, baina guk badakigu hor daudela. Zure lagunekin etorri zara kanpaldian mamutxak aurkitzeko xedearekin. Mamutxak badirela frogatzeko, argazki bat egin behar diezu zure mugikorrarekin eta zure gurasoei bidali."
Honela hasten da "Mamutxen Eremua" abentura, lehen jokoa mugikorrentzat, erabat euskeraz, J2ME teknologian garatua. Joko hau Animatu enpresak garatua izan da erabat, Eusko Jaurlaritzako Kultura sailaren laguntzari esker, Euskara teknologia berrietan sustatzeko Plangintzan.
Jokoa abentura bat da non jokalariak Mamutxak aurkitu behar dituen, bidean topatzen dituen pertsonaiek emango dizkioten arrastoei esker. Mamutxa bat aurkitzen duenean argazki bat egin beharko dio.
Gazteei zuzenduta
Jokoa publiko gazteari zuzenduta dago, eta ez du inolako indarkeriarik. Zailtasuna jokalariaren abilezian datza alde batetik, eta bestetik eta garrantzitsuagoa, topatutako pertsonai bakoitzak emandako informazioaren ulerpen eta sintesian. Horregatik iruditzen zaigu joko egokia euskara praktikatzeko, bere ulermen eta erabileran oinarritua dagoelako.
Animatu Bilboko enpresa gazte bat da, Internet, telebista eta poltsikoko telefonoentzako marketing eta asisialdirako aplikazioak ekoizten dituena. Bere azken proiektuen artean daude Kukuxumusurekin batera egindako beste joko bat poltsikoko telefonoentzako (Telefonicako Movistaren e-moción-en eskuragai), txat grafiko bat (www.oihutegia.com ) eta joko multierabiltzaile bat (www.jolastu.com ), euskara hutsean eginda baita ere.
Erantzunak
Kaixo Garikoitz, Pernan Goñi naiz animatukoa.
Mugikorrentzako joko bat ekoiztea esfortzu handia eskatzen du, jende asko lan asko egiten denbora askotan eta bla bla. Guk halako zerbait egin nahi izan genuen , zoritxarrez merkatu gutxi dago euskaldunen artean telefono mugikorrentzako jokoetarako, eta egia esan, laguntzarik jasoko ez bagenu, ez genuke aukerarik izango ekoizteko.
Nahiz eta weba ez egon euskeraz, hainbat edukin euskeraz egin izan dugu, aurreko Korrika Kulturalerako animazio bat flashean www.nontzeberri.com-erako (inolako subentziorik gabe eta batere ordaindu gabe, INORK), eta Mamutxak DVDa edo ipuinentzako ideiak edo Mirentxu Skate animazio laburmetraia (batere subentziorik gabe eta kosto prezioan).
Barkaziorik ez daukagu, weba ez dago euskeraz, oraindik, baina itzuliak ditugu ia gehiena. Kontua da , nahiz eta aitzakia dirudi, ez dugula astirik izan orain arte, eta gainera askotan aldatzen dugu weba, edukin berriak sortuz eta bla.
Guk, izaten ditugun laguntzak aitortzen ditugu.
Zuk ere, zerbait egin baduzu euskaraz, esan dezakezu.
Oso polita da euskararen mundua deitzen den hau, denok harriak botatzen euskarazko gauzak ekoizten dugunen artean.
A! Jokoa jeitsi dezakezu 7505 zenbakira sms bat bidaliz EREMU hitzarekin. Kostea da 3 euro. Bihartik aurrera prest. Ikusteko zein mobiletarako dagoen prest, begiratu dezakezu hemen:
http://www.animatu.com/eremu
Kaixo, Pernan. Mila esker zure erantzunagatik. Eta mila esker ere jokoa eskuratzeko moduari buruzko argibideengatik: uste dut albistea irakurri duen jende gehienak botako zuela faltan informazio hori. Ni, behintzat, irrikan nago jokoa eskuratzeko, benetan. Izan ere, eta bihotz-bihotzez diotsut, izugarri poztu nau albisteak, eta eskertzekoa da, zinez, egin duzuen ahalegina. Euskara bazter guztietara helarazi behar dugu, eta mugikorren munduan bada oraindik zer eginik.
Zorionak eta mila esker, beraz. Behin hori esanda, itzul nadin orain nire lehengo mezura: ezer baino lehen, barkamena eskatu behar dizut, beroaldian idatzi baitut iruzkina eta, beraz, seguruenik ez dut tonurik egokiena erabili. Baina kontua da sarritan iruditzen zaidala EJren dirulaguntzak oso gauza puntualetara bideratzen direla, jarraitasunik ez duten proiektuetara. Eta, albistea irakurrita, jakinminez jo dut Animatu.com helbidera (jakinminez diot, ez nuelako enpresa ezagutzen, baina susmo ona hartu diot); izugarrizko desengainua hartu dut, baina, euskararen hutsunea nabaritu dudanean...
> Barkaziorik ez daukagu, weba ez dago euskeraz [...] Kontua da , nahiz eta aitzakia dirudi, ez dugula astirik izan orain arte
Ba bai: aitzakia dirudi. Ingelesezko bertsioa egiteko, izan ere, izan duzue bai astirik. Maizegi ikusten ditugu halakoak, eta zoritxarrez zuei egokitu zaizue askok -ziurrenik zuek baino gehiago- merezi duten kritika jasotzea...
> Oso polita da euskararen mundua deitzen den hau, denok harriak botatzen euskarazko gauzak ekoizten dugunen artean.
Horretan bat nator zurekin. Arrazoi duzu, eta sentitzen dut (benetan diot), oraingo honetan ni izan bainaiz harri-jaurtitzailea, jokabide horrexek -nik izan dudanak- behin baino gehiagotan sumindu nauen arren.
Ondo izan, eta gaizki esanak barkatu
Eskerrik asko, Garikoitz, zure erantzunagatik. Eta eskerrik asko zure animoagatik.
Arrazoi duzu, guk ere ikusten dugu askotan hainbat subentzio doazela "kea saltzen dutenengana", eta amorrua ematen du, gehienbat ikustean duzunean pijo galantak pasiatzen harro harro subentzionaturik eta zu zaudenean izorratuta ordenatari lotuta ordu estra piloa sartzen lau sos etarateko.
Arrazoi duzu baita ere gure webaren bertsioei buruz. Enpresa garenez, dirua irabazteko sortu genuen Animatu, ez gara Erakunde bat. Ingelesez ipini genuen hainbat "negozio" genituelako ingeles jendearekin: Baina laster euskaratu behar dugu, lan asko aurreratuta daukagu, eta guk itzulia, subentziorik gabe, gu, euskaldun berri autofinantziatuak (ez dizkigu inork klaseak ordaindu, ez gara funtzionarioak) garen bi xelebreok. Seguraski izango ditu akats piloa eta orduan ere beste bronka bat jasoko dugu ez dugulako Euskaltzaindiaren azken arauen araberako ez-dakit-nongo-hatxea errespetatu.
Beno, besterik gabe, benetan asko poztu nauela zure erantzunak, bihotz bihotzez. Uste nuen "desagertu" behar zinala, baina erantzun duzu, eta horrek onuratzen dizu. Eztabaida egon behar du. Hitzeginez ulertzen gara.
Ondo izan zu ere bai!
Pernan
Orain ez dut mezua aurkitzen eta ez dut gogoratzen Animatuko zein posta helbidetik bidali zidaten, baina kontua da Euskarazko Joko horren publizitatea jaso dudala.
Asko pozten nau Sustatun irakurritako albiste honek, benetan. Euskarak birizik dirauela erakusten du eta etorkizuna irabazteko gure eskuetan dagoena egiten dugula. Albiste bikaina da beraz zalatzarik gabe.
Baina spam edo zabor-posta jaso dudala salatu nahi dut foro honetan. Konpania horrek LSSI eta LOPD legeak arautzen dutena dakiten ala ez galdetzen diot neure buruari.
Zuek ere eskatu ez duzuen publizitatezko mezu hori jaso duzue? Nondik atera du Animatu-k nire posta elektronikoko helbidea nik eman ez badiot? Nola jakin dute Animatukoek ni euskalduna naizela eta nire posta elektronikoko helbidea zein den? Posta-zerrenda edo fororen baten bitartez? Hau argitu beharra dagoela uste dut eta Animatukoek horren gogorik izango ez dutela susmatzen dut. Erantzun galderoi mesedez, euskal Internet-a beste esparru batzuetan bezala zabortegi batetan bihurtzeko arriskuan gaude eta!
Beno, eta Pernan-ek erantzun orduko zuen lana baliotsua eta ikusgarria dela gogoratuz, iradokizun honi erantzun nahi diot:
> Oso polita da euskararen mundua deitzen den hau,
> denok harriak botatzen euskarazko gauzak ekoizten
> dugunen artean.
Inork nik esandakoak euskaldunon artean harriak botatzea dela erabaki orduko, nire asmoa oso ezberdina dela argitu nahi dut. Kapitalismoaren ekintza itsusi bat zalatu nahi izan dut, eta Sustatuko irakurleei galdera bat luzatu (baita Animatu-koei ere). Kapitalismo hori euskalduna edo/eta euskaraz izanari ez diot aditu, spam-aren gaian horrek zerikusirik ez du eta.
Hauek dira beraz, nire galderak:
- Zuek ere eskatu ez duzuen publizitatezko mezu hori jaso duzue?
- Nola jakin dute Animatu-koek ni euskalduna naizela eta nire posta elektronikoko helbidea zein den?
Toshack-ek esango lukeen bezala, Spam-a spam-a da. Ez kapitalismoa ez sozialismoa ez anarkismoa, ez ... . Itsusia eta intrusoa beti. Berdin spameatzen dute Animatukoek, Gobernu Sozialistek, Brigada Gorriek edo Markos azpikomandantearen ejerzitoak.
Kapitalismoaren ekintza itsusiak Gontzal Mendibilek gogor salatzen zituen 1975-76 urteetan. Inork ez zuen aipatu Zaurietatik dario Sustatun baina garaiko "hit"-a izan zen. Atzo El Correo - ABC kapitalisten eskutik eta babesarekin Gontzalek Euskalduna jauregian aurkeztu zuen bere diska. Ondo abesten zuen eta ondo abesten du Gontzalek.
Terol-ek esaten duen bezala: ni me va, ni me viene..., pero por comentar...
>Kapitalismoaren ekintza itsusi bat zalatu nahi >izan dut, eta Sustatuko irakurleei galdera bat >luzatu (baita Animatu-koei ere). Kapitalismo >hori euskalduna edo/eta euskaraz izanari ez diot >aditu, spam-aren gaian horrek zerikusirik ez du >eta.
Spam nazazue gozoki:
Aspaldi, hemen bertan Josu Landari irakurri nion hori. Eta gogoetarazi zidan. Emailuen lehen zenbakia bota genuen, pasa dira 2 urte.
Eta gure lagunei igorri genien mezua. Gure bidaltzaileak, gure erruz birritan bota zuen gainera mezua... eta "aditu" batzu kexuka hasi ziren.
Gogo onez egin genuen jaurtiketa, Pernan Goñik egingo zuen gogo eta maitasun berarekin. Gerora, jaso gura ez duenak ez du barriro mezurik jaso. Askoz gehiago ere dira jaso dutenak, jasotzen dutenak. 5 aldiz harpidedun gehiago ditugu bi urte geroago, nahi duenak jasotzen dituelako Emailuak
Pernan Goñiren mezua jaso nuen nik ere, blogean erantzun zuen lehenbizi, e-postaz mezua igorri zidan gero. Eta eskertzen diot, eta ez dakit kapitalismoa den, edo euskara, edo euskalgintza, edo sms joko edo segapoto alu baten propaganda... nik Pernan Goñi laguntzat dut, eta segi dezala niri mezuak igortzen...
borratuko ditut, hala erabakitzen badut.
Gustua nuke ere, Marcosek gutuna igorriko badit, nahiz eta ikatza beltz kopia barik egiten badit ere. Txopi, zuk bete itzazu standar guztiak, segi zorrotz jokatzen, hori ere maite dugu eta.
Bitartean, segi dezagun euskal Internet sendo bat sortzen eta garatzen, amaraun gero eta handiago bat hedatzen, bertan armiarma guztiak gustura ibili gaitezen, gogo onez mugi gaitezen.
Patxi beti bezala Josuk idatzitakoekin liluratua... Bere garaian hark idatzitakoari erantzuteko gogoz geratu nintzen baina, gaia gehiegi ez nahastearren... Kontua da orduan susarena spam-aren definizioan sartzen zela esan nuela, eta hala zen. Ez da horregatik arbuiagarria, azken finean neurri kontua baita. Orduko kexaren arrazoia (makinaren akatsak eragindako) mailukada zaparrada izan zen, besterik gabe, baina batzuek "adituak kexuka" ikusten dute ezer esan orduko.
Spam-aren taktika, besterik gabe, ez da hain txarra izango (eta horretan susakoekin bat nator, neuk ere erabili izan dudalako, betiere molestagarria ez izaten saiatuz), baldintza batzuk betetzen badira: neurrikoa bada (oso gutxitan erabilia) eta gordeta dituzun jende horien helbideak spamerren eta birusen atzaparretatik salbu mantentzeko gai bazara: Bidalketetan, noski ccc eremua erabili behar da eta helbide horiek sekretupean gorde.
Hala ere, Makiaveloren moduan, ez dut esango nik zer egin behar den, "printzeak" egiten duena deskribatu baizik.
Gero bitxia da batzuek espainiar legeekin gogoratzea "kapitalismoa" salatu bitartean. Enpin. Nik, nire aldetik (nire buruaz fidatzen bainaiz) noizean behin jarraituko nuke eskatu bako bidalketa masiboren bat egiten, komunikatzeko zeozer oso garrantzitsu eta berria dudanean (urtean behin edo). Total, helbide horiek nik ez ditut inon bilatu, nire postontzira heldu dira beste batzuek bidalita.
Kaixo guztioi
Animatu entrepresa da lehen interesatua argitzen posta elektronikoak nola lortu ditugun. Ez dugu lortu ez inongo zerrendatik zurrupatzen, ezta ere inongo forotik.
Nik Animatutik bidali izan diet Mamutxaren Eremua jokoari buruzko informazioa interneten aurkitu ditudan komunikabideetako emaileei, eta euskal komunikabide "handietako" horri nagusietan agertzen den izenetara eta korreotara, ezer "buzeatu" gabe. Esaterako, jo dut www.eitb.com-era eta programaz programa ikusi ditut kontaktatzeko emilio hauek:
bertatikbertara@eitb.com, e-klipsea@eitb.com, estaesmigente@eitb.com, ikusgela@eitb.com, pasalo@eitb.com, teknopolis@eitb.com
Beraie bidali diet infoa, pentsatuz komunikazioaren profesionalak direnez, honen berri izatea interesgarri irudituko zitzaiela.
Bi blogetara ere bidali diet, lehen ere hoiekin harreman apur bat izan nuelako: Gaztelumendi eta Luistxo, aspaldiko lagunak.
Orotara, 70 helbide ingurura bidali ditut, Garako erredakzio-tik Yonkis.com-era, Bizkaie webatik pasatuz. Nahi duena ikertu dezake nire ordenagailua, nire IPa edo nahi duena! Gure bulegoa zabalik dago.
Nire posta elektroniko nagusitik bidali ditut emilioak: pernan@animatu.com. Beranduago, beste kontu bat zabaldu dugu jokoa deskargatzen zuen hainbat jenderen artean konfusioa zegoela eta, erantzuteko. Kontu hori da eremu@animatu.com, eta ni nago horren atzean. Nik nire izena eta abizenarekin sinatzen ditu nire emilioak, beti.
Email guzti horiek nik pertsonalki bilatu eta aurkitu ditut komunikabideetako web publikoetan. Nik ez dut legea eskuan hartuta egin komunikazio hori, baina pentsatzen dut web publikoetan agertzen diren kontuak erabili daitezkela beraien xedetarako, esaterako, informazioa bidali komunikabidetara.
Txopi, hori ailegatu bazaizu da komunikabide bateko email kontu baten atzean zaudela, edo erratu naizela hizki batean!
SPAMa dela eta, guk Animatun ez dugu inoiz egin, ezta ere lagunei bidaltzen den email hori, sikera ezabatzeko aukerakin. Ez gara inoiz aprobetxatu "zabalik" ailegatzen den emailetaz. Gu SPAMaren kontra posizionatzen gara, erabat. Eta noski, Spam kondenatzea, nahiz eta euskeraz izan, ez da rollo ona izorratzea, ez da harriak botatzea gure artean.
Txopi, ez dakit nor zaren, nire errepetu osoa daukazu eta barkamena eskatzen dizut kalte egin badizut. Barkatu.
Mila esker, Patxi!
Lehenik eta behin eskerrik asko Pernan erantzunagatik. Oraindik ere ez dakit nolatan heldu zitzaidan mezu hori (agina Indymedia Euskal Herriaren bitartez?), nik dakidala behintzat ni ez bait naiz inolako komunikabideren kontaktu bezala agertzen. Eta mezua zuzenean heldu zitzaidan, ez posta zerrenda baten bitartez... Baina, horrek azkenean ez du hainbeste garrantzirik. Zuk argitu duzu (primeran gainera) helbideok nondik eskuratu dituzun eta zertarako erabili dituzun. Eskerrik asko berriz erantzunagatik, naiz eta nire kasua oraindik argitzea lortu ez badut ere.
Bestalde, lege kontuak batek baino gehiagok aipatu dituzuenez, kontu hori ere argitu beharko dut. Egin nuen iradokizunean legedia aipatu banuen ere, spam-aren gaiean zentzuna eta nettiqueta deritzonagatik egin beharko ez litzatekeen zerbait dela adierazi nahi nuen. Baina argi dago uste nuen bezain argi utzi ez nuela :(
Nire ustez arazoa batzurentzako eskatu ez duzun publizitatea jasotzea zabor-posta dela deritzogu, eta beste batzuek euskararekin zerikusia badu bakarrik onartzen dute. Beno, eta bere posta kutxa publizitatez betetzea ere guztoko duenik ere agian egongo da. Hori da nire ustez, eztabaida honetan korapiloa sortu duena... Antza denez, spam hitza modu oso desberdinetan ulertzen dugu.
Nik ez dut inolako publizitaterik gogoko, zerbait erosi nahi dudanean edo merkatuko gai bati buruz informatu nahi naizenean, iniziatiba nik neuk edukitzea nahiago dut eta. Hori, zoritxarrez, gizarte honetan ia ezinezkoa da, euskara hutsean bizitzea den bezala... Baina, ez dut haria galdu nahi, beraz esteka hauek jarriko ditut. Ikusiko duzuenez, e-posta bidezko komunikazioan (bizitzako beste edozein komunikazioan bezala) gutxienezko arau batzuk onartzen dira, eta jokabide egoki horien artean publizitatearen kontua beti aipatzen da. Hona hemen bilatu ditudan adibide batzuk:
Eskatu ez den publizitatea ez bidaltzeko esaten da 19. puntuan: http://www.netiqueta.org/netiqueta_correo.shtml
Gauza bera 3. orrialdean: http://sindominio.net/IMG/pdf/netiquette.pdf
Gauza bera 8. puntuan: http://www.canalred.net/alarma/netiqueta.htm
Gauza bera 6. puntuan: http://www.rompecadenas.com.ar/netiquette.htm
Gauza bera 2.1.1 puntuan: http://www.faqs.org/rfcs/rfc1855.html
spam-a saihesteko bcc eremua erabiltzeko dioena: http://www.helios3000.com/foro/netiqueta.shtml#chain
Beraz Patxi, nahi baduzu "estandar guztiak betetzea" deitu diezaiokezu, nik bitartean "komunikabide bat erabiltzen dakien edonork jarraitu beharko lituzkeen gutxieneko arauak" deituko badiot ere. Aldea ikusten ez baduzu, iradokizun hauekin jarraitu dezakegu; baina jarri ditudan helbideei ikustalditxo bat bota mesedez, eta baita Sustatun berton ere spam-a gaitzesten duten albiste/iradokizun hauek ere:
GMail, abuztuan spam-a kontrolatzeko tresna
Hotmailek e-posta kontuen edukiera handitu du
Sakelako telefonoetara ere iritsi da spama
Beraz, Javi Zabala, zuk ere edukizazu kontutan mesedez diodan hau, inoiz "spam-eatu" dituzun helbideak (zure postontzira beste batzuek bidalita heldu bazaizkizu ere) eskertuko dizute eta. Ez duzu uste?
> Toshack-ek esango lukeen bezala, **Spam-a
> spam-a da**. Ez kapitalismoa ez sozialismoa ez
> anarkismoa, ez ... . Itsusia eta intrusoa beti.
> Berdin spameatzen dute Animatukoek, Gobernu
> Sozialistek, Brigada Gorriek edo Markos
> azpikomandantearen ejerzitoak.
Bai, arrazoia eman behar dizut horretan. Spam-a spam-a da beti, eta ez da kapitalismoak sortutako zerbait. Beraz, konbentzitu nauzu :)
Hala ere, spam-a kapitalismoak sortu ez badu ere (argi dago ezetz), munduko zabor-posta gehiena enpresek sortzen dutela; beraien produktuak ezagutarazteko, beste bide batzukin konparatuz oso-oso merkea delako, publiko kopurua potentzialki oso-oso handia delako, xede-publikora heltzeko era interesgarriak daudelako, legediak atzeratuta daudelako, teknikoki geldiarazten saila delako, etab. Eta berezitasun guzti hauek, onura ekonomikoa ateratzea xede bezala duten konpainientzako oso egokiak dira. Horregatik gizarte kapitalistenak dira (oroar) spam gehien sortu eta jasaten dutenak. Ez duzue uste?
Nik, orain arte behitzat, ez dut Gobernu Sozialistek bidalitako spam-ik jaso. Eta gauza bera Brigada Gorriekin eta Marcos azpikomandantearekin. Niri, spam-a bidaltzen didatenak erakunde kapitalistak dira, ni kontsumitzaile ergel bihurtu nahi nautenak, eta nahi ala ez begietatik sartzen dizkidaten ehundaka produktuak erostea nahi dutenak. Horrekin behintzat gu biok ados egotea espero dut :)
Bai, arrazoia duzu.
> Horregatik gizarte kapitalistenak dira (oroar) spam gehien sortu eta jasaten dutenak. Ez duzue uste?
>
Nik bai. E-postontzian, tbtan, irratian, egunkarietan, ....
> Nik, orain arte behitzat, ez dut Gobernu Sozialistek bidalitako spam-ik jaso.
Nik bai, e-postontzian, aspaldi baina.
>eta Marcos azpikomandantearekin.
Gehienak bai. Ados!
>Niri, spam-a bidaltzen didatenak erakunde kapitalistak dira, ni kontsumitzaile ergel bihurtu nahi nautenak, eta nahi ala ez begietatik sartzen dizkidaten ehundaka produktuak erostea nahi dutenak. Horrekin behintzat gu biok ados egotea espero dut :)
> Hona hemen bilatu ditudan adibide batzuk:
Euskarazko komunikabide batean ari garenez, euskarazko erreferentzia batzuk ere emango ditut, gai honen inguruan:
Spam fenomenoaren deskribapenarekin hasita, pertsonalki oso kezkatuta nauka, erabiltzaile askok babes neurririk ez dutelako hartzen. Netiketaren ezagutza bultzatu behar dugu, gurean ere, askotan jendeak ezjakintasunagatik egiten baititu beste internautak kaltetzen dituzten segurtasun akats larriak. Azkenean, spam-a hain handia bilakatu da, sareko trafikoaren zati handia hartuz, ezen posta elektronikoa hondatzen ari da (1 eta 2). Ganoraz jokatu beharko dugu gure webgunearen berri ematean ere. Ekintzaile telematikoek ere eraz eta neurriz erabili beharreko baliabidea da e-posta, kateak abiarazi edo sortu gabe eta jasotzaileen helbideak agerian utzi gabe.
Erreferenzia gehiago eta zaharragoak ere (1, 2, 3, aurkitu ditut sarean-en, 1997an dagoeneko arazo handia zen spam-aren asuntuari. Hala ere, definizioak beti haren izaera komertziala nabaritzen du, izan ere, eskatu gabeko zabor-publizitate mezuak dira spam-a, definizio horietako gehienen arabera. Spam-a mortadela edo kalitate eskaseko okela xehatua da, betegarria. Sarerako analogia eginez, kalitate eskaseko zabor publizitate eskuorria, begiratu gabe paperontzira botatzen diren horietakoa.
Berriz diot, neurri (kopuru) eta izaera (komunikatiboa ala publizitatea) kontua da eta, nik uste, bidalketa kolektibo bat egiten dugunean gauza ona ala txarra egiten ari garen geuk somatuko dugu beste inork baino lehenago.
Beraz, nik inoiz mezu bat berau eskatu ez didaten ehunka laguni bidaltzen badiet, hori ez da spam-a izango (edo, nahi baduzu, ez da spam gaiztoa izango), ez dudalako inoiz produktu komertzial baten publizitatea egiteko erabili. Aldiz, onartzen dut inoiz, gizartearentzako ekarpena delakoan, zerbaiten berri eman nahi izan dudanean (egunkari baten itxiera, edo irabazi asmorik gabeko irrati digital euskaldun baten ekarpen interesgarria kasu) bidalketa kolektiboa egin dudala. Biak dira neurri berean arbuiagarriak? Ez dut uste, ez kopuruagatik (ehunka Vs. milioika helbide), ezta helburuagatik ere (altruista Vs. komertziala).
Mezu kateena, berriz, segurtasun jarduera txarrei lotutako beste gai kezkagarri bat da eta, spam-aren sortzaile edo eragileak diren arren, bestelako fenomenoa dira. Saretik kanpo sortu ziren eta Bilakaera interesgarria izan dute. Oraindik orain jendeak hoax-ak bidaltzen jarraitzen du, spam-a eragiten duten mezu kate inozo horiek. Rompecadenas webgunea da, dudarik gabe, honen gaineko informaziogunerik osatuena.
Jokoak itxura ona du, bai... baina nola edo nondik eskura daiteke?
Izan ere, Animatu-ren webgunean ez dut euskararen arrasto txikiena ere aurkitu... Zergatik? Erraza da erantzuna: Eusko Jaurlaritzak ez die, dirudienez, euskarazko itzulpena ordaindu... Eta, zertarako egin zerbait euskaraz, dirulaguntza goxo-goxoak jasotzeko ez bada?