Hamabostean behin bakarrik zabalduko dute KZgunea Antzuolan

Mezu pribatu batean jaso dut jarraian doana. Badira KZguneak Antzuolakoaren egoera berean. Udalaren ardura ei da zabalik ez eukitzea. Horra jaso dudana:

---------------------

Irakurri berria dut SUSTATU.COM-en idatzi berria duzun
albistea: "Hamabostean behin bakarrik zabalduko dute KZgunea Antzuolan"
Eta arrazoi osoa duzula esan beharrean aurkitzen naiz.

Antzuolako Kzgunea ez da egoera horretan dagoen bakarra, hau da,
hamabostean behin irekitzen dela. Leintz-Gatzagakoa eta Mallabikoa
egoera berean daude. Eta beste batzuk Elgetakoa, Mendarokoa eta
Aramaixokoa adibidez egunero (astelehenetik ostiralera) zabaltzen
badira ere, batzuetan liburuzaina arduratzen da erabiltzaileen
zalantzak argitzen eta beste kzguneetan hori ere ez Mendarokoa kasu.
Udalaren eskutan dago egunero zabaltzea edo ez. Tutore bat joaten da
hamabostean behin antolakuntza lanak egitera.

Hau da herri txikietako Kzguneetan gertatzen ari dena. Gura baduzu
hemen duzu helbide bat zure iritzia emateko kzcABILDUAkzgunea.net. Zorte on.

Kaixo!

KZguneen funtzionamendua esplikatu nahi dizuet gaizkiulerturik egon ez dadin.

Herri batean KZgunea irekitzen denean, hasieran astelehenetik ostiralera irekitzen da 4 edo 8 orduz. Bitarte horretan KZgune horretan ahalik eta herritar gehienei ematen zaie Interneti buruzko oinarrizko ikastaroa.

KZgune horrek formakuntzako bere helburuak betetzen dituenean errekurtso murrizketa bat egiten da, hemendik aurrera UDALA izango da KZgunea irekitzearen arduraduna berak egoki ikusten duen ordutegian. KZguneko tutoreak 15 egunez behin pasako da KZgune hortatik ordenagailu guztiak eta Interneteko konexioa ongi daudela egiaztatzera. Honetaz gain ere 2 edo 4 orduko mintegiak (Interneti buruzko ikastaro praktikoak) eskaintzen ditu bisita-eguna aprobetxatuz.

"erakutsi nabigatzaile ezberdinak daudela... ui! Azkenengo hau ez dut uste egiten denik, Explorerra dago KZguneetan eta kitto."

KZgune guztietan hiru nabigatzaile ezberdin daude: Internet Explorer, Netscape 6.2 eta Netscape Euskaraz; erabiltzaile bakoitzaren erabakia da zein erabili.

Herri handietako KZguneetan gutxienez ordenagailu bat (batzuetan bi) Linux sistema eragilea dute jendeak proba dezan.

Besterik gabe zuen zalantzak argitu ditudalakoan,

KZguneko tutore bat.

> KZgune guztietan hiru nabigatzaile ezberdin daude: Internet Explorer, Netscape 6.2 eta Netscape Euskaraz; erabiltzaile bakoitzaren erabakia da zein erabili.



Egia da, Netscape ere badadoela. Euskaraz ere erabili dut nik, Bizkaian. Baina Mozilla, firefox... ez daude. Beraz, bi nabigatzaile ezberdin eta horietako baten bi bertsio.



Ibanek aipatzen zuen moduan Jabi Zabalaren hitzak erabilitz: "Software libreak aurrera egiten jarraituko dutela aurten, Firefoxen arrakastak bultzatuta, baina hau ez dakit KZguneen kasua izango den eta Gobernuak bultzatuko duen..."



Uste dut Ibanek esan nahi zuela jendeari ez zaiola erakusten firefox moduko nabigatzaile bat deskargatu eta ordenagailuan instalatzen esaterako, ez dagoela holakoak egiterik. Edo bai?

> Uste dut Ibanek esan nahi zuela jendeari ez zaiola erakusten firefox moduko nabigatzaile bat deskargatu eta ordenagailuan instalatzen esaterako, ez dagoela holakoak egiterik. Edo bai?





Guzti hori ikastaroan parte hartzen duen taldearen araberakoa da. Ordenagailu baten aurrean lehenbiziko aldiz jartzen den pertsona bati guzti hori esplikatzen badiozu, ez dizu ezer ulertuko eta zuk esandakoa egingo du zer egiten ari den jakin gabe.



Talde guztietan beti egoten da bat edo beste besteak baino aurreratuagoa doana, pertsona horrekin (interesa badu noski) bai ikus daitezkeela gauza gehiago (firefox...). Norbait argibide bila etorriz gero, inongo arazorik gabe esplikatzen zaio berak nahi duena (nire kasuan behintzat)

Eta zein pega dago hasierako erabiltzaileei ere firefox moduko nabigatzaile bat jartzeko? Zein arrazoi dago Explorer erakusten hasi eta ez bestea? zergatik irakasle bakoitzaren arabera geratzen da zer erakutsi eta ez politika jakin bat markatu eta soft librea bultzatu?



Hau dena ez litzateke, nire ustez, apuntatzen den jendearen araberakoa izan behar. Izan beharko litzateke markatutako politikaren araberakoa, hau da, hitzaldietan eta esaten den jarreraren araberakoa eta ez praktikan erakusten denaren araberakoa. KZguneek izan beharko lukete sentsibilidade berezia librea denarekiko.

Ni ez naiz KZGuneko monitorea baina Eusko Jaurlaitzaren pean dagoen enpresa batetan pareko ikastaroak ematen ditut landa ingurunean. Extremadurako GNU/Linex proiektua, OpenOffice, Código Linux TV dokumentala erakusten dietenean "flipatu" egiten dute inongo salbuespenik gabe, eta beraien galdera "Zergatik ez digu inorrek informazio hau ematen?" izaten da.

Gizartean orokorrean ezjakintasun handia dago, baina instituzioetatik ezjakintasun hori berean mantentzea komeni delakoan nago. Zoritxarrez.



Eta bai, nik ematen ditudan ikastaroak nik prestatutakoak dira, ez dago ikastaroen inguruko inongo eman beharreko gai politikarik. Linex proiektua esplikatuz ez baida zaila Eusko Jaurlaritzako arduradunen potro haundikeria agerian uztea eta.