Mikel Zarateren literatur lanak Interneten

Baina Mikel Zarate idazlea gogoratzean, bere obra gorde izan gura dugu. Bere literatur ibilbide labur eta oparoa gorde izan dugu. Horretarako sortu da mikelzarate.com gunea, bere literatur obra guztia batuko duen gordailu digitala.
Belaunaldi berriek ere, XXI mendean, informazioaren aroan, Lezamako Mikel Zarateren lanak, poemak, alegiak, nobelak ezagutu eta irakur ditzaten.

11 liburu osorik on-line
Literatur obra oparoa utzi zigun Mikel Zaratek idazten hasi zenetik oso denbora gutxian. Obra batzuk argitaratu barik utzi zituen -Hizunigu nobela eta Etorriaren zorabioz poesia liburua- .
Gaur egun batzuk paperean topatzea ia ezinezkoa da, baina teknologia berriek eskaintzen diguten aukera baliatuta, aurrerantzean bere 11 liburu osorik daude Interneten, kontsultatzeko, irakurtzeko eta gozatzeko. 3 poesia liburu, bere nobelarik ezagunena -Haurgintza minetan-, 4 narrazio liburu eta literaturaren inguruko 3 saiakera.

Armiarma.com Literaturaren sarean
Lan hau Susa literatura argitaletxeak burutu du, eta omenaldiak iraun duen artean, astero liburu bat osorik plazaratu dugu Interneten. Orain, Mikel Zarateren literatur obra guztia sarean dago, kontsultagai; izan ere, Internet literaturaren sare ere bada. Mundu osoko idazleekin batera, Interneten Mikel Zarate ere topatuko dugu.
Literaturaren Zubitegia aurkeztu genuen duela gutxi, eta literaturaren entziklopedian eduki berriak gehitu ditu Mikel Zarateren literatur lanak.
Liburu guztiak bildu, digitalizatu, portadak eta irudiak eskaneatu eta Interneten jarri ditugu. Gerora Zorrizketanek kaleratuko duen CD-DVD bilduma batean ere eskuragarri jarriko ditugu Mikel Zarateren literatur lanak.


Literatur obra oparoa

Poesia
Higidura berdez 1977, GAK
Bizipenen bultzadaz 1978, Zugaza
Etorriaren zorabioz 2004, Zorrizketan

Nobela
Haurgintza minetan 1973, Gero
Hizunigu argitaratu gabe

Saiakera
Bizkaiko euskal-idazleak (1580-1968) 1970, Derioko Ikastetxea
Euskal literatura: azterbideak, aztergaiak, azterketak 1977, Zugaza
Euskal literatura II: azterbideak, aztergaiak, azterketak 1978, Zugaza

Narrazioa
Ipui antzeko 1975, Gero
Ipuin antzeko alegi mingotsak 1975, Zugaza
Utopiaren fantasian 1979, Haranburu
Bilbo irribarrez 1980, Bizkargi