Batxilerreko testu eta irakurgaiak

Hona hemen semeak ulertu ezin zuen testuaren zati bat, beste guztiaren erakusgarri egokia delakoan:

"Ilustrazio honetarako, baina, askatasuna besterik ez da behar; gainera, askatasuna leritzokeen guztiaren artean kaltegabeena: hots, nork bere adimenaz oso-osorik erabilera publikoa egitekoa".

Testua Kant-ena da eta duela 13 urte egindako itzulpen batetik fotokopiatua dago. Alde batetik, badakit espezialista izan beharko nukeela (filosofoa, alegia) gaiaren kohesio eta osotasun kontzeptualaz behar bezala jabetzeko; baina susmoa daukat honako honetan beste arazoren bat dugula begi-bistan, hizkuntzazkoa. Eta ez da harritzekoa hori ere: duela 13 urte den-denok genekien gaur baino gutxiago, eta poliki-poliki denok ikasi dugu testuek irakurgarriak behar dutela izan, ezertarako balioko badute.

Bada, ikasle hauentzat denborak ez du aurrera egin eta horrela egin beharko diote aurre selektibitateari.