Zumaiaren gaineko informazioa, euskarri digitalean
Eusko Ikaskuntzak Zumaiako Udalarekin lankidetzarako hitzarmen bat sinatu du: disko informatikoaren forma duen aurkezpen txartel bat egin dute. Diskoak Zumaiaren iraganari eta orainari buruzko hainbat informazio biltzen du. Ordizia izango da ikusentzunezko aurkezpen mota hau izango duen hurrengo herria.
Eusko Ikaskuntzak berarekin hitzarmena egin duten udal guztiei eskainitako produktu berri hau agur batekin abiatzen da eta, horren ondoren, dokumentu historiko sorrarazle baten transkripzioa eta erreprodukzioa agertzen dira. Dokumentu hori hiri-gutuna izan daiteke, Zumaiaren kasuan bezala.
Herriaren datu nagusiak
Aurkezpen disko hau herriaren fitxa historiko batez horniturik dago, eta herriari buruzko datu nagusiak biltzen ditu: hedadura, demografia, natura eta ondarea, historia, jarduerak edota pertsonaia nagusiak. Herriko iragan eta orainari buruzko irudi sail batek osatzen du diskoa. Ikusi eta irakurtzeaz gain, dokumentua entzun ere egin daiteke, audio aplikazio baten bidez.
Ondoren, Ordizia
Zumaiaren ondoren, Ordizia izango da ikusentzunezko aurkezpen mota moderno hau izango duen hurrengo herria. Tokiko erakundeen balio kulturak eta historikoak nabarmentzea da molde berri honen helburu nagusia.
Erantzunak
Argi dago, bai, ez zarela Euskaltzaindikoa, enlar. Gipuzkoako eta Bizkaiko euskaran horrela esaten da, zerbaiten gainean jardun, zerbaiten gaineko informazioa. Gaztelaniaz ere "sobre" esaten dela? Ba, bai, datuak ez du beste ezer adierazten.
Zerbaiti buruz aritu, hori ikastolara joan ginen arte ez genuen ikasi batzuek.
Kike,
Nik ez dut esan euskaltzindikoa izateari buruzko ezer :)
Leku askotan horrela esateak ez du esan nahi zuzen edo oker dagoenik, edo bai? Erderakadak edonon entzuten direla ez didazu ukatuko.
Izenburua irakurtzerakoan nire buruko alarma guztiek egin dute salto eta horregatik komentarioa. Zuzena bada, ba orduan oker nago eta zerbait ikasi dut gaur, baina horrela erabiltzen den horrek ez dit balio :) Ni giputza naiz eta ez dut holakorik aurretik entzun :)
Geroarte
> Zuzena bada, ba orduan oker nago eta zerbait ikasi dut gaur, baina horrela erabiltzen den horrek ez dit balio :) Ni giputza naiz eta ez dut holakorik aurretik entzun :)
Eta zer? Oker egon behar du zeuk, giputza izanik, inoiz entzun ez duzulako? Mesedez, plis,...
Zuzena da, oker zaude, eta zerbait ikasi duzu, bai.
Ze ondo, ezta? :)
Bizkaitar bat ;)
Ni ez naiz Euskaltzaindiazalea, baina ez al da "Zumaiari buruzko informazioa" izango?