Arkitektoen Kolegioa Euskararen etsai
Berriki Euskal Herriko Arkitektoen Kolegio Ofizialeko Iruñeko Delegazioak Euskaraz erredaktatutako proiektu bat errefusatu du.
Eraikina Etxalar-en konstruitzeko asmoa dugu, herri Euskalduna, bistan da. Kolegioak erantzun digu bere erreglamentuaren arabera expediente guztiak bi hizkuntzetan entregatu behar direla derrigor.
Hau noski, gezurra da orain arte entregatu diren proiektu ia guztiak Espainol hutsean egin baitira. Esan digute Espainolez entregatu bitartean ez dutela begiratuko. Justua al da hau? Euskaldunek ez al dugu eskubiderik? Demokrazia non dago? Nik ez dut ikusten, eta zuek?
Erantzunak
Behatokian bada horrelakoak salatzeko aukera. Berriki Iruñeko beste gehiegikeria bat bertan salatu dutela jakin dugu, oso kasu xelebre eta negargarria.
Iragan Sanferminetan Iruñeko udalak EAEko enpresa bati komun-kabina mordoa alokatu zion, badakizu, agian beste lekuetan baino merkeago aterako zaio gertutasunagatik... Baina hori baldin bada datorkigun "bizikidetza", harreman bilaterala... irakurtzazu segidan datorrena.
Aldez aurretik, legez elebitasunera derrigortuta omen dagoen Barcina andereak ezabaketatxo bat esijitu zion enpresa horri (eta enpresak irentsi, dirua... badakizu).
Alde batetik goialdean "komunak" letrero handia ezabatu behar zituzten, eta bestetik, behealdean komunaren erabilera euskaraz jakinarazten zuen testutxoa.
Hortxe aritu ziren enpresa horretako langileak orduak sartzen, langintza lotsagarri horretan.
Ez dakit salagarriagoa zer den, Iruñeko agintariena ala hemengo konpainiaren diru-gose umiliagarria.
Galtzaile, edozein kasutan, euskara.
Salaketa Behatokian omen dago, eta egon gaitezen adi datozen Sanferminetan halakorik eman ez dadin.
Letreroak euskaraz ere bai, edo bestela eros ditzatela komun-kabinak Murtzian, karajo!
barkatu, aurrekoak ihes egin dit (ezin eutsi!)
Hel diezaiogun ostiralean aipatzen genuen gaiari. M.Azkarate anderea baikor azaldu zen euskararen egoeraren berri ematean "Nafarroan bere horretan jarraitzen du, nahiz eta apurka-apurka hobera egin".
Azala behar da hori esateko! Euskararen egoera ona omen, ba nik ez dut hori somatzen kalean, Ezta EAEn ere! Nori bururatzen zaio, euskara hutsez ez bada ere, euskarazko argibideak eta abarrak eskatzea bere bezeroei? Ez dugu euskaldun izena merezi, ez baitarabilkigu. Eduki bai, izango dugu, baina hitz egin (edo idatzi, edo irakurri, edo entzun...)
Nafarrek gorriak pasatzen jarraitu beharko dute. Animo. Nik ere aholkatzen dizut Behatokira jotzea.
Azkarateri dagokionez, albiste honek adierazpen horiek bere tokian jarriko dutela espero dut.
Hizkuntz Eskubideen Behatokiak interes handia dauka aipatu duzun gaia bideratzeko. Mezu elektonikoa bidali edota telefonoz deitu:
948 146 172
behatokia@behatokia.org
R xalba garez-ek idatzitako testuan honela zioen:
Iragan Sanferminetan Iruñeko udalak EAEko enpresa bati komun-kabina mordoa alokatu zion
EAEko enpresa hori Arlan SA da. Hori dela eta zenbait puntu argitu nahiko genituzke:
- Aldez aurretik, legez elebitasunera derrigortuta omen dagoen Barcina andereak ezabaketatxo bat esijitu zion enpresa horri (eta enpresak irentsi, dirua... badakizu).
Arlan SAri inork ez dio ezabaketatxorik exijitu, beraz ez dugu ezer irentsi. - Alde batetik goialdean "komunak" letrero handia ezabatu behar zituzten, eta bestetik, behealdean komunaren erabilera euskaraz jakinarazten zuen testutxoa
Sustatuko editoreari igorritako argazkian ikusi ahal duzuenez (uztailaren 13koa da, Iruñean ateratakoa) komunek euren errotuluak jarrita zituzten (jai giroan jendeak kendutakoak izan ezik). - Hortxe aritu ziren enpresa horretako langileak orduak sartzen, langintza lotsagarri horretan
Arlan SA langilerik ez da jardun langintza horretan.
Kontu hau argitzea gustatuko litzaiguke, Arlan SAren jardunean oso garrantzitsutzat baitugu euskararen normalizazioa, eta horretarako hainbat urteetan egin dugu lan, gure indarrak eta dirua horretara bideratuz. r. xalba garez-ek guk ez ditugun datuak baditu helaraztea eskertuko genioke.
...eta ongi esandakoak onartu.
Enpresari inolako kalterik egiteko asmorik gabe jardun dugu betiere.
Ikusiko zenuenez, goiko aipamenean ez genuen guk enpresaren izenik aipatu, hori zeuok egin duzue.
Bestetik, salaketa Behatokira igorri duenak ez omen zituen Iruñeko kabinak ikusi, baina itxuraz oso-oso iturri fidagarritik jaso omen zuen informazioa.
Edozelan, behar bezala kontrastatu gabe plazaratzea akatsa izan da. Barkamena eskatzeko inolako arazorik ez dugu. Lotsa punttu batekin gainera okerreko lehioari harrika aritu izanagatik.
Arlan-en azalpenak ontzat emanda, Iruñean edo Bilbon euskararen aldeko jarrerari tinko eusteko animatzen zaituztegu, animo horren beharrik izango ez duzuelakoan gainera.
Erantzungailua euskaraz soilik ipinten animau nintzanean ez ziran falta "y porque no lo pones también en castellano, que no entendemos" esan eustienak. Nire erantzuna: "zuek zuen erantzungailuak euskaraz eta erdaraz ipiniko dituzuenean."