raxoi eta datorkiguna
Blair eta Bush, munduko gaizkilerik arriskutsuenak gaur egun, Aznarrekin batera Azoresetan nazioarteko terrorismoa hauspotu zutenak, ez lirateke beren ondorengoa aukeratzeko orduan mesias kutre bati dagokion Aznarren jokabidea erakusten ausartuko, beren herrietako ohiturek eragozten baitute
Francok jarri zuen Juan Carlos, Fragak Aznar
Raxoi galiziarrari, bere biografoek diotenez, nazka antzeko bat eman izan dio beti galegoz mintzatzeak
Bestalde, Rato baztertzeko orduan, erabakigarria izan omen da Aznarren ustez ez lukeela behar adinako irmotasunik Ibarretxeren planaren aurka, benetan interesatzen zaizkion gorabehera ekonomikoekin despistatuko litzatekeela
Bi datu kezkagarri, Raxoirengandik itxaron daitekeenaren aurrean
Hala ere, bere jarrera, bere mintzamoldea, bere umorea... Raxoiren aldean, perretxiko erretxindu bat dirudi Aznarrek
Honek, bestalde, 2004ko hauteskundeak Euskal Herriaren inguruan kokatu nahi ditu, Espainia batuaren defentsa sutsuan eta abar
Europan mugak gero eta aldagarriago eta garrantzi eskasagokoak direlarik, Espainiari buruzko ideia paranoide bat du, Irungo eta Hondarribiko betikoen gisakoa Alardeari buruz
ETAren jarduera oparo batek kanpaina ederki sustatuko lioke
Aldiz, baliteke interes abertzaleentzat egokiagoa izatea Espainian Zapaterok irabaz dezan eta Katalunian Maragallek, eta ez Masek
CIU beti dabil PPrekin itunak egiten; eta, bere hizkuntzaren alde PNV-k baino askoz ere zintzoago jokatzen duen arren, bere jarrera batzuk duinezak eta higuingarriak izan dira: Pujol: "Lo de Lasa y Zabala tenía que haberse ocultado mejor, lo de juzgar ministros ez desestabilizador."
Doala pikutara!
Egia da Lasa eta Zabalarena Maragallen alderdiak egin zuela
Hala ere, gaur egun, Maragallen bultzadaz hain zuzen, PSOEko eta bereziki PSE-EEko alderik unionistenek indarra galdu dute
Eta, agintea lortzen badu, EAEk errazkiago bereganatuko ditu hainbat eskubide edo ahalmen
Egoera politiko lasaietan, hiritar gehienek izaten dute beren pasio politikoak adierazteko eta ordezkatuak ikusteko aukera
Gaur egun, horrek esan nahi du EAEk autodeterminazioa behar duela, eta Euskal Herriak Udalbiltza sendo eta eraginkor bat
Bide horri ETAk mesede ederra egingo lioke, baldin ekintzak zokoratuz sozialistei irabazteko aukerak emango balizkie
Erantzunak
> (...) Aldiz, baliteke interes abertzaleentzat egokiagoa izatea Espainian Zapaterok irabaz dezan eta Katalunian Maragallek, eta ez Masek (...) Egia da Lasa eta Zabalarena Maragallen alderdiak egin zuela. Hala ere, gaur egun, Maragallen bultzadaz hain zuzen, PSOEko eta bereziki PSE-EEko alderik unionistenek indarra galdu dute. Eta, agintea lortzen badu, EAEk errazkiago bereganatuko ditu hainbat eskubide edo ahalmen.
ikaragarria iruditu zait idatzi duzuna. Lotsagarria ere bai. Batetik "hala ere" batez PSOEk 12 urteko gobernu garaian egindako zerrikeriak estali dituzulako. To tamariz! Biba amnesia kolektiboa! Gainera, ze PSOEz ari zara? Danborenearena?Rojorena? Barrionuevorena? Lizarberena?
Bestetik, gure buruen gain konfidantzarik ez eta EAEn etorkizuna (ez baitituzu aipatu ere egin Nafarroa edota Ipar Euskal Herria) kanpotarren esku utzi duzulako. Eskubideak ez dira ematen, eskuratu egiten dira.
Okerrena da "demokrazian" gaudenetik soldata ikaragarriak kobratzen ari diren politikari "abertzale" askok berdin pentsatzen dutela. Eta horrela darraigu...
Aiztierdik dio:
>Batetik, "hala ere" batez PSOEk 12 urteko >gobernu garaian egindako zerrikeriak estali >dituzulako"
ez zen nire asmoa zerrikeria horiek estaltzea; are gehiago, ez ditut estali, oroitarazi baizik, Pujoli buruzko aipamenak frogatzen duenez; dena den, bai mundu ezberdina, eta magikoa, lokailu batek hilketak, tortura eta historia osoa ezabatzen dituena!
>"ze PSOEz ari zara? Danborenearena? Rojorena? >Barrionuevorena? Lizarberena?"
nire idatziaren helburua ez zen PSOE barruko aldeen arteko desberdintasunak zehaztea
>"ez baitituzu aipatu ere egin Nafarroa edota Ipar Euskal Herria"
orduan Ipar Euskal Herria eta Nafarroa, zure ustez, ez dira "Euskal Herria"? "Euskal Herria" aipatu baitut, Udalbiltzarekin lotuta
>"gure buruaren gain konfidantzarik ez eta EAEn >etorkizuna kanpotarren esku utzi duzulako"
zure iritziz, hortaz, autodeterminazioa eta Udalbiltza sendo bat eskatzea "EAE ren etorkizuna kanpotarren esku uztea" da; ez nago konforme
hurrengo iritziarekin, berriz, bat nator erabat: "eskubideak ez dira ematen, eskuratu egiten dira"
ados nago orobat zuk idatzitakoan nabarmentzen den beste ideia batekin: funtsezkoa gu mugitzea da, geu abiatzea, geuk asmatu eta sortzea; ordea, munduaren urratsak ere munta handia du Euskal Herriaren gorabeheretan; ez dut uste adibideekin frogatu beharra dagoenik
ezta Espainian gertatzen denak ere izaten dituela hemen ondorioak; eta, gaur egun, ez gaude PSOE baten mugimenduak aintzat ez hartzeko moduan, tximeletaren kontuarekin bezala guztia dagoelako guztiarekin loturik
imajina ezazu Zapaterori espia abertzale bat jartzen diogula amorante, eta hauteskundeak irabazten dituela Espainian... Napoleon Bonaparte ez zebilen oker, eraginkorragoa dela ongi kokaturiko espia bat zioelarik, hogei mila soldadu baino frontean
beharbada Mikel Aramendiren beldurrez baztertu du Aznarrek Mayor
Aramendik Egunkariako bere zutabeetan Lasak eta Zabalak desagertuta zeramatzaten egunak etengabe aipatzeak izango zuen nolabaiteko eragina gorpuen aurkikuntzan
orain, temati dabil Amezolako gertaerekin; bistan denez, gerra zikina izan zen hura; eta Mayor zen orduan Gobernuaren ordezkari EAEn
Sáenz de Santamaría hilik da, baina halako batean orduko kolabo haietako bati berbetan hastea burura dakioke
Mayor Orejak hartu duen haserrea ikusita (politika uzteko asmotan omen dabil, Madrileko kabernarioen arabera), eta honen sustatzaile diren Larazon eta Abc-ko zutabegileen jarrerak ezagututa, poza besterik ezin da sentitu. Halere, agian Arzalluzek arrazoi du: Aznar-Oreja tandema abertzaletasuna bultzatzeko pizgarririk hoberena izan da.