Tourra euskaraz ere bai

> Euskaraz dakiten txirrindularientzat bereziki eskari bat: komunikabideen galderei erantzuterakoan euskara erabil dezatela, baita ETB2ri erantzuterakoan ere.

Jauregi, Aranburu eta Gabilondok euskaraz erantzun zien kazetariaren erdarazko galderei. Gero subtitulatuta eman zituzten irudiok ETB2an.

Atxagak ere aspaldian esana dauka horrelako jarrera hartzearen aldekoa-edo dela.

Egia esan, nik neuk ere horrelaxe jokatu behar dela uste dut... baina arazotxoren bat ere ikusten dut:

Zer egin norberak gura duenean hedabideetan agertzea?

Kontua da nik gura badut honen edo haren propaganda egitea errazagoa izango dela ETB2an agertzea erdaraz egiten badut, bestela ezin. Pentsa dezagun kantari euskaldun baten kasuan. Komeni zaio promozioa, beraz, erdarara ere joko du. Baina ez bakarrik ETB2an, baita Radio Popularren, edo Espainiako telebistan, edo Radio Euskadin, edo...

Noski, txirrindulariek ez dakit gura duten medioetan agertzea, baina txirrindulari horien jarduna ordaintzen dutenek... Duda daukat: askotxo eskatzea da edo ez?

Nik eta ingururan ditudanak uste dugu ez dagoela horrela ibili beharrik. Gu elebidunak gara eta ez dugu inolako eragozpenik bi minututan itzulpena egin eta ETB1i modu batera eta ETB2ri beste modu batera erantzuteko. Gainera, mezua guk geuk nahi dugun moduan agertuko litzateke pantaila txikian.

Elebiduna izatea aberasgarria dela dudarik ez. Baina zergaitik egin ETB2an gazteleraz? Euskal Herrian barreiatzeko berriak badira zergaitik ez erabili euskara bertako hedabideetan? Madrilerako dela notizia, ba gaztelera dakienak egin beza gazteleraz; Pariserako dela? Ba, frantsesez; Erromarako dela? Ba, italieraz...

Baina zer gertatzen da gaur egun Euskal Herrian? Ba, seguraski ETB1ean euskaraz jarduteko beste jende egongo litzatekeela BBCko programa baten ingelesez jardutzeko. Euskaraz hitz egiten jakitea eskubidea izan behar litzatekeen Euskal Herri hontan inork ez du bermatzen horrelakorik. Euskaraz bizitzeko eskubidea ere badaukagu, baina EAEko ze eskualdetan izan naiteke epaitua euskaraz? eta zenbat udalerritan dago euskaraz sendatzeko aukera? (EAE jartzen dut euskara ofiziala izanik euskubide horiek bermatuak izan beharko liratekeelako, beste lurraldeetan egoera eskasagoa izateak ez bait dio gureari larritasunik kentzen). Euskaldunok gure hizkuntzaren OFIZIALTASUNA behar dugu, baina benetako ofizialtasuna. Eusko jaurlaritzako bozeramaile jauna, kritikak bota eta bota ibiltzea zeure hautua izango da, baina eskerturik geldituko litzateke zuen hizkuntz politikaren autokritika txiki bat egingo bazendute egunen baten.

Batasuna eta EHE-ren jarduna kritikatzen jarraitzen duzuenoi berriz tori gaurko BERRIAn azaltzen den notizi puxka bat

Ez balute deus erran, euskara hor izanen zen Tourrean, baina aldarrikapen gisa baliatu dute eta hortik sortu da polemika guzia», adierazi zuen Haritxelharrek. Alabaina euskaltzainburuak nabarmendu zuen ez zekiela euskara erabiltzeko asmorik ba ote zuten Frantziako Tourreko antolatzaileek eta Baionako Herriko Etxeak Batasunaren eta EHEren akordioa ezagutu aitzin. Dena dela, erran zuen ez zuela uste Tourrak eta Herriko Etxeak bazeukatenik euskararen presentzia bermatzeko xederik."
Eta uste dut hitzak sobera daudela, errespetu bat urteak eta urteak euskararen alde lanean diharduen jendeari eta ea orain hainbatek euskararen alde agertu duen grin hori hemendik aurrerako eguneroko lanean nabaritzen hasten den!!

Goraintziak euskal herri euskaldun baten alde lan egiteagatik espetxean dittugun Alegria, Uria, Lander... eta beste pila bati. Pila diot PILA direlako!!!

Gaur abiada handiz zabaldu da sarean, TOURari euskara erabili dezan, gutariko bakoitzak bidali beharreko mezua eta posta elektroniko helbidea.



Askotan asmorik onenarekin, benetako helburuaren aurka ari gintezke.



Horrelako eskari baten helburua TOUReko agintariek euskararen erabilera aintzat hartzea dela garbi izanik, zer da milaka eskari mezuk lortzen dutena?



Honi mail bombing deritzo eta hartzailearen posta elektroniko zerbitzua itotzen du edo kanpaina arrakastatsua ez bada, hartzailea izorratzea ehundaka mezu berdinez.



Non dago milaka mezu bidaltzearen alde ona?



TOURari, Indarra eta herriaren babesa adieraztea bada helburua, badaude sarean sinadurak jasotzen espezializatutako web guneak. Gero nahikoa litzateke mezu ba,t non, adierazten zaion nola ikus ditzakeen sinadura guztiak.



Borondate onez bada ere, kontuz erabilitako medioek benetako helburura garamatzaten edo etsaia berriak dakarkiguten.

balitz herri honetan hizkuntzen arteko parekidetasuna dagoela...tira. baina, erdarek jan egin gaituzte eta! tristea da gu beti prest azaltzea erdara ere erabiltzeko eta erdaldunek inoiz ez jarrera bera azaltzea. Gauzak horrela, zure planteamendua okerra dela iruditzen zait.



Euskal Herrian euskaraz aritu behar dugu euskaldunok, Katalunyan Pujol eta beste askok egiten duten bezala. Horrela prestigiatuko da euskara, ez bestela.

> Tourreko zuzendaritzak euskararen erabileraren alde sinaturiko hitzarmenaren inguruan sortutako afera honen inguruan ez dugu ezer berririk esateko. Eztabaidak eztabaida eta aitzakiak aitzakia, gauza bakoitzari bere tokia eman diezaiogun eta kasu honetan euskarari eta euskal hiztunoi ere bai berea.



Aizu, aizu, nik dakidala, Tourreko zuzendaritzak ez du "Euskararen erabileraren alde" ezer sinatu, baizik eta aurtengo Tourrean, Baionako etapa amaieran Euskara 'ere' zerbait erabiltzea. Leblanc-i bost axola zaio Euskara asko edo gutxi erabiltzen den, eta eginen nuke antolakuntza dela ete arazo gutxiago izan nahiago lukeela, eta ez ibilbideko zoko bateko mintzaira aintzat hartu behar izan. Uste dut zer bakoitzari berea eman behar badiogu horrela aitortu behar dela.



> Euskarak, alderdien eta estatuen interesen gainetik egon behar du, munduko herritar guztien ondarea ere badelako. Ikuspegi honetatik, Tourreko zuzendaritzak Europako kultur ondarea errespetuz tratatzea naturala izan beharko litzateke, Europako Batasuneko hiritarren onarpena izango badu, behinipein.



Baieztapen hauek tipikoak dira eta izan dira denbora luzez, eta izanen dira gero ere, baina hutsal samarrak ere bai. Gaztelaniak ere alderdien interesen gainetik egon behar du, eta munduko herritar guztien ondarea ere bada, eta, gainera, Baiona aldean izanen da ziur asko Euskaraz ez -eta bai- baina Gaztelaniaz baizik jakingo ez duen jende gehiago.



Uste dut aski genukeela Tourreko zuzendaritzak Euskara erabiltzea, eta erabili behar izatea, bertara biltzen den euskaldun kopuruak hala eskatzen duelako, eta ez bakarrik kopuru nahikoa delako, baizik eta eskatu egiten diolako, eta erabiltzen ez badu, bada, bere kaltetan delako.

Gure aldetik, Euskara erabilia izan dadin nahi dugu, ez munduko herritarren ondarea delako, baina bakar-bakarrik geure hizkuntza delako.



Bide beretik, beherago egin dituzun eskeak, txirrindulariei batez ere, ontzat hartu beharrekoak dira, baldin eta txirrindulari horiek Euskara beren hizkuntza delako erabiltzen badute, eta baldin eta entzuleok kirolari horiei beren hitzak Euskaraz aditu nahi badizkiegu.

>

> Euskal Herrian euskaraz aritu behar dugu euskaldunok, Katalunyan Pujol eta beste askok egiten duten bezala. Horrela prestigiatuko da euskara, ez bestela.

>



Dudarik ez dago Euskaraz egin ahal izan eta egiten ezbadugu, ikuspegi ezin beltzagoa ikusiko dugula, baina, hala ere, bi gauza iruditzen zaizkit: bata, euskaldunok Euskal Herrian Euskaraz ari behar dugula, baina bai eta Euskal Herritik kanpo ere, baldin eta Euskara gure hizkuntza bada; eta bestea, Euskara prestigiatzea euskaldunok prestigiatzea dela eta ez besterik, hiztun garen aldetik.

> Gaur abiada handiz zabaldu da sarean, TOURari euskara erabili dezan, gutariko bakoitzak bidali beharreko mezua eta posta elektroniko helbidea.

>

> Askotan asmorik onenarekin, benetako helburuaren aurka ari gintezke.

>

> Horrelako eskari baten helburua TOUReko agintariek euskararen erabilera aintzat hartzea dela garbi izanik, zer da milaka eskari mezuk lortzen dutena?

>

> Honi mail bombing deritzo eta hartzailearen posta elektroniko zerbitzua itotzen du edo kanpaina arrakastatsua ez bada, hartzailea izorratzea ehundaka mezu berdinez.

>

> Non dago milaka mezu bidaltzearen alde ona?

>

> TOURari, Indarra eta herriaren babesa adieraztea bada helburua, badaude sarean sinadurak jasotzen espezializatutako web guneak. Gero nahikoa litzateke mezu ba,t non, adierazten zaion nola ikus ditzakeen sinadura guztiak.

>

> Borondate onez bada ere, kontuz erabilitako medioek benetako helburura garamatzaten edo etsaia berriak dakarkiguten.

>

>

>

>

>

>