Hauteskunde kalkulagailua online, egoerara egokitua
Hauteskunde-kalkulagailu egokitua prestatu du Sustatu.com-ek. Datuak behin sartu, eta emaitza bikoitzak erakusten ditu, AuB eta zerrenda debekatuen bozak kontuan hartuta, edo hartu gabe. Webgunean jarri dugu tresna, eta online probatu daiteke.
Kalkulagailua hemen duzue: www.sustatu.com/hautes2003
Hauteskundeetan banatzen diren eserlekuak D'Hondt legearen arabera banatzen ditu kalkulagailu honek. D'Hondt legearen arabera, alderdi bakoitzaren boto kopurua zatitu egiten da N bider, N eserleku badaude jokoan. Kozienteak ordenatzen dira gero, eta N eserlekuak banatzen dira, koziente handienetik N-garrenera arte.
Eragiketa hori bi bider egiten du gure kalkulagailuak, AuB-ren datuak konputatuz, eta haiek konputatu gabe. Maiatzaren 25ean, datorren igandean, Hego Euskal Herrian izango diren udal eta foru hauteskundeetan datu informatibo esanguratsuak lor daitezke horrela.
Hauteskunde-araudien beste ezaugarri batzuk ere kontuan hartzen ditu kalkulagailuak. D'Hondt legea aplikatze aldera, gutxieneko portzentaia bat gainditzera behartuta daude hautes-zerrendak konputuetan sartzeko. Hego Euskal Herriko hauteskundeetan, %5ekoa da gutxienekoa udal hauteskundeetan, %3koa besteetan (oraingo honetan, Batzar Nagusietakoak eta Nafarroako Parlamentukoak).
Adibide bat jartzearren... 1999ko udal hauteskundeetan, Pasaian (Gipuzkoa) izandako zinegotzi banaketa horrela gertatu zen: EH, 7; EA-EAJ: 4; PSOE, 3; PP, 2 eta IU-EB, 1. Alkatea EH-koa izan da agintaldi honetan.
Orduko hartan, EH-ri debekua ezarri izan balitzaio, gure kalkulagailuak emaitza hau ematen du: EA-EAJ, 7; PSOE 6; PP, 3; IU-EB, 1. EA-EAJ nagusi, baina PSOE eta PPk elkarrekin bozkatuko balute alkatea aukeratzeko gehiengo absolutua lortuko zuketen.
Kalkulagailuaren emaitza, iruditan ikusteko, ikus beheko adibide irudia. Pasaiako 1999ko datuak Eustat Estatistika Institutuaren webgunetik atera ditugu, hemendik
Kalkulu-sistema honen helburua eragiketa matematiko bat erraztea besterik ez da. Kalkuluak eta lortzen diren emaitzek ez dute inolako balio legalik, eta Sustatuk ez du erantzukizunik bere gain hartzen lortutako emaitzei eman dakiekeen erabileraz.
Erantzunak
Datuak konparatu nahi badituzue, hor dituzue: Nafarroako hauteskunde datuen
biltegia eta Parlamenturakoen laburpena. EAEren kasuan, Eusko Jaurlaritzaren hauteskunde emaitzen biltegia eta azken udal hauteskundeen emaitzak Eustat-en gunean.
Uztarria.com Azpeitiko atarian ere egin dute simulazioa azken udal hauteskundeen estrapolazioarekin. PP-k zinegotzi bat lortuko zuen. Aurtengorako, badirudi aurreikuspenak 17-0, edo 16-1 izan daitezkeela, EA-EAJ koalizioaren alde.
Hauek dira emaitzak azkeneko Eusko Legebiltzarreko hauteskundeen datuekin.
Irunen Irun Herria plataforma legez kanpo utzi ez duten gutxi horietakoa da.
Irunen, zerrenda debekatuko balute PPk eta PSEk bereganatuko lukete zinegotzi bana.
Ondorengo emaitzak, aurreko Legebiltzarrerako emaitzekin.
EAJ-EA: 12 12
PP / UPN: 9 10
PSOE / PSE-EE/ PSN: 8 9
AuB / Zerrenda debekatuak: 2
EB-IU: 2 2
Beste aldetik, Irungo Udaletxeak, kontaketaren zuzenezko jarraipena egingo du bere webgunean. www.irun.org
Bertan, flash aplikazio baten bidez, minutuko datuak emango dira. Beraz kontaketa egiten den bitartean, eta datuak sartzen diren einean, bisitariak ikusi ahal izango da, zein zinegotzi banatu diren, zeintzuk daude bere postua aterako den ala ez zain.
> Irunen ez da kalkulagailurik behar, momentuz
Horixe diozu, baina ez duzu argitzen irun.org horretan egingo den kontaketan AuBren botoen berri emango den eta Sustatukoek prestatu duten aplikazio modukorik (hau da AuBkin eta AuB gabeko emaitzak eskaintzen dituena) ere jarriko duten.
> > Irunen ez da kalkulagailurik behar, momentuz
>
> Horixe diozu, baina ez duzu argitzen irun.org horretan egingo den kontaketan AuBren botoen berri emango den eta Sustatukoek prestatu duten aplikazio modukorik (hau da AuBkin eta AuB gabeko emaitzak eskaintzen dituena) ere jarriko duten.
Ez dakit foru aldundietarako emaitzak emango diren aplikazio horretan. Kasu horretan, eta ikusita ze koloreak dituen Irungo Udaletxeak (PP - PSOE) ba zihuraski ez dituzte AuBren botoak kontutan hartuko.
P.S: Agian berria idatzi dudan moduagatik, udaletxeko apologia egin nahi nuela irakurri duzue. Espero dut horrela irakurria ez izana, berria eman nahi nuen besterik ez.
AuB-ren botoak diluitu egiten dira besteen emaitzetan. Hori da tresna honek erakusten duena. Eta diluitzen dira batez ere PP eta PNVren mesedetan. Baina modu eraginkorrean ere ez da gertatzen hori, pixkat honen alde, beste pixkat haren alde.
Eta protestaren botoak, astelehenean eta asteartean kontatuko ditugu, eta gero ez. Irailean ustez Ibarretxek zeozer egin behar duenean, oihartzun hori isilik egongo da.
Beste aukerarik bazeukan ezker abertzaleak. Eta eragin iraunkorra izan zezakeena, asteartetik harantzago, Ibarretxeren ustezko enbidoa gertatu beharko denean sentitzeko modukoa izango zena.
Aukera hori zen, argi eta garbi, PP-ren aldeko botoa eskatzea Bizkaia eta Gipuzkoan.
Botereguneak kentzea EAJ-ri. Antzarrak perratzera bidaltzea Gonzalez de Txabarri, Sudupe eta Odon... Ezinezko udalbatzak sortzea hainbat herritan, Albaceteko PPko militanteak zinegotzi bihurtuta... Egoera iraultzea litzateke. Ezker abertzalea botere bat dela instituzioetan erakustea, hurrengo hauteskundeetarako, edo Ibarretxeren ustezko kontsulta garairako balio zezakeena.
Gipuzkoan eta Bizkaian PP-ren aldeko boto hori politiko eraginkorra izango zen. Araban eta Nafarroan ez neurri berean. Eraginkorra litzateke egoera iraultzeko gai den neurrian, eta horretarako ez zuen balioko kontsigna berak Araban eta Nafarroan. Eraginkortasunerako aukerak, nere ustez, Nafarroan Aralarren aldeko botoa planteatzetik etor zitekeen. Eta Araban? PNVren alde akaso? Pa'joder, horrela ia denak boto pozoitsuekin kutsatuta leudeke, eta elkarren kontrako akusazioek grazia gehiago lukete.
Noski, hau guztia anatema da.
Hori da!
Alferrik ez du Acebesek esan ETAk esandakotik ezertxo ere ez dela sinetsi behar! disimulatzen ari da zalantzari gabe.
Horri gaineratzen badiogu Acebesek, Mitxa-bilak, Raxoik eta Aznarrek ez dutela sekula gezurrik esaten, errematatu azken ideia honekin:
ETA eta PP gauza bera dira.
Alajaña, behin esan zuen bai norbaitek, ETAren komunikatuek (sasoi hartan...) Iturgaitzen idatziak ziruditela.
Ergo non dago egia?
Pernando Amezketarrak familia goseak amorratzen zeukanean hilkanpaiak jotzeari ekin zion.
Herriko guztiak eliza aurrean bilduta galdezka:
-Baina Pernando, nor hil duk?
-Karidadea, herri hontan karidadea hil da.
Halaxe lortu zuen bere seme-alaben sabela betetzea.
Bada, zuek diozuenak adituta gero, herri honetan, mundu honetan egia dago aspaldi hilda eta ustelduta.
Egia interes faltagatik hil da.
Nori sinetsi?
Eibarko aurreko udal hauteskundeetako datuak probatu ditut eta aurreko emaitzak errepikatuz gero zer gertatuko zen erakusten du.
Hiru zutabetan: a) 99ko boto kopuruak b) 99ko zinegotzien banaketa nola geratu zen. c) Boto kopuru horiek errepikatuz gero eta AUB legez kanpo utzi dutenez zinegotzi banaketa nola geratuko litzatekeen:
________Botoak____zineg_____zinego*
PSOE:_____7.111_____9________12
EAJ-EA:___4.603_____6_________7
EH/AUB:___3.174_____4_________-
PP:_______1.769_____2_________2
EB-IU:______464_____0_________0