Microsoften azpijokoa Linux geldiarazteko
Microsoft enpresa Unix sistema eragilearen jabe egin da, SCO enpresarekin batera. Erosketa honek eragin zuzena izan lezake Linuxen garapenean, jakina baita Linuxen bihotzean Unix dagoela. Horrezaz gain, Gatesen enpresa prest azaldu da bere softwarea oparitzeko, Linux jartzekotan diren gobernu eta enpresa handietan.
Kaltetu asko utzi ditu Microsoftek monopoliorako bidean: Apple, Sun, Netscape, Novell, IBM, etab. Orain badirudi Software Libreko Mugimendua eta Linux sistema eragilea jarri dituela jopuntuan eta, orain artekoak ezer erakusten badu, ez da geratuko biak suntsitu arte.
Unix erosi
Lehenengo urratsa izan da eskubideak erostea Unix sistema eragilearen lizentzia banatzeko. SCO zen horren jabea eta aspaldi ari zen erosle baten bila. Hemen azaldu dutenez, operazio hori egina dago. Hemendik aurrera, beraz, Microsoftek zeresana izango du nori saldu Unix kodea erabiltzeko eskubidea. Horrekin, kontrolatu eta oztopatu egin lezake Linuxen zabalkundea, jakina baita Linuxek badituela zenbait elementu Unix sistema eragilearenak.
Unix orain 30 urte baino gehiago asmatu zen AT&T enpresaren laboratorioetan. Gauza askotan Linuxek bezala egiten du lan eta nahiko erraza omen da Unix softwarea Linuxera aldatzea. AT&Tk saldu zion Unixen jabetza Novell enpresari, eta honek Santa Cruz Operation delakoari. Ondoren Caldera International, Linux saltzaile batek, erosi zizkion SCOri Unixen gaineko eskubideak eta bi produktu: OpenServer eta UnixWare. Iaz Caldera SCO Group bihurtu zen. Microsoftek talde honekin egin du tratua orain.
Tratu honek izan lezake eragina, halaber, Apple enpresan, honen sistema eragile berriena, Mac OS X, Unixen oinarrituta dago eta.
Ez galdu, inolaz ere, Linuxen aurka
Orain jakin denez, bestalde, Microsoftek agindu zorrotzak eman dizkio bere jendeari aurre egin diezaioten Linuxen mehatxuari. The International Herald Tribune eta The New York Times egunkariek joan den astean azaldu zutenez, iragan uztailean Orlando Ayala Microsofteko salmenta buruak e-mail bat bidali zien goi mailako exekutiboei. Bertan esaten zien softwarea merkeago saltzeko edo behar izanez gero doan emateko, ikusiz gero gobernu edo enpresa handi bati egin beharreko salmenta Linuxek irabaz lezakeela. Microsoftek diru funts bi omen ditu horrelako salmenta bereziak finantzatzeko.
E-mailak esaten zuen, hitzez hitz: ez galdu, inolaz ere, Linuxen aurka. Albistea kaleratu ostean Microsofteko agintariek ez dute ezer esan nahi izan honen gainean.
Dena dela, Europan lehiakortasunaren legeak ez du horrelako praktikarik onartzen merkatuan nagusi direnen artean.
Erantzunak
Software librearen emaitzarik handiena GNU/Linux sistema eragilea ez dago Unix-en oinarritua. Unix-en antza du.
Richard Stallman-en umea, GNU siglak, hitz joko bat dira: GNU's Not Unix: GNU ez da Unix. Linux berriz, Linus Torvalds Finlandiako suediarraren izenaren aldagai bat da, jakina, baina beste irakurketa hau ere badu: Linux Is Not UniX.
Richard Stallman-en biografia osorik dago sarean (ingelesez), hemen, eta hantxe kontatzen du Richardek nola programatu zuen GNU Unix-en kodeari begirada bat bota gabe ere, tentaldiak gaindituta, bere joera aszetikoarekin kontsekuente izanez.
> Software librearen emaitzarik handiena GNU/Linux sistema eragilea ez dago Unix-en oinarritua. Unix-en antza du.
Zehazki hau da SCO-k gezurtatzen duena, eta IBM-ren aurkako auziaren muina. Horregatik erosi du orain Microsoft-ek Unix lizentzia, SCO-ri sinesgarritasuna eman nahiean.
GNU taldearen sistema eragilea
HURD izenekoa izango da, eta une honetan
Beta egoeran dago, beraz ezegonkorra dela diote.
Bitarte horretan, GNU darabilkien una
(nukleo edo kernela) Linux da. HURD erabat
egonkorra izandakoan erabiltzaile arrunten ikuspuntutik
ez da aldaketarik izango, zeren eta gainetik erabiliko diren
milaka programa GNU/Linux-ean bezala erabiliko baitira.
Horretaz gain, sistema eragile batek Unix dela esateko
lehendabizi hitz hori erabiltzeagatik baimen edo lizentzia ordaindu
behar izaten du. Hori dela eta GNU/Linux ez da inoiz
Unix bat izango (espero ;)
Bestalde, SCO-k IBM auzitegira eramateaz gain
GNU/Linux-eko erabiltzaileei gutun hau igorri zien,
ikus http://www.sco.com/scosource/letter_to_linux_customers.html gunea. Ekintza hauek direla eta GNU/Linux-eko
auzolagunen artean SCO enpresa gaizki ikusten hasi da.
Gogoratzen dut gure gazte denboran beste auzi bat egon
zela. Orduan, oker ez banago bederen, Apple-ek MIcrosoft
salatu zuen leiho kudeatzailea erabiltzen hasi zelako. Auzi haren
emaitzarekin ez naiz oroitu arren, leiho kudeatzaileen
historioa hau izan zen: Xerox-ek asmatu zuen leiho kudeatzailea,
saguarekin erabiltzeko ingurune grafikoa, ondoren
Apple-ek kopiatu egin zien, eta urte batzuetara
Microsoft-ek Apple-i kopiatu zion. Gaur egun ordea,
ia sistema eragile guztiek ingurune grafikoekin lan egiteko
gai dira. Beraz, esan daiteke auzi hura alferrikakoa izan zela
Dooteo
Patenterik gabeko mundu baten alde
> Microsoftek EZ du Unix erosi .
> Horregatik erosi du orain Microsoft-ek Unix lizentzia,
Esaldi biak zureak dira. Zertan geratzen gara: erosi du ala ez? Goiko albisteak baietz dio. Eta beste hedabide hauek ere, bergauza:
Gaurko El País egunkariak ere zutabe bat eskaini dio albiste honi eta esaten du Microsoftek erosi duela Unix.
> > Microsoftek EZ du Unix erosi .
>
> > Horregatik erosi du orain Microsoft-ek Unix lizentzia,
>
> Esaldi biak zureak dira.
Bai eta biak dira zuzenak. 21ean Sustatuk argitaratuko berrian aipatzen dena hau da: " Microsoft enpresa Unix sistema eragilearen jabe egin da, SCO enpresarekin batera."
Bi gauza ulertu daitezke:
1- Microsoftek SCO erosi duela eta beraz Unix ere orain berea eta soilik berea dela.
2- Microsoftek Unix erosi duela, baina SCOk ere jabetza mantentzen duela. Beraz bi jabe dituela Unix-ek.
Ez bata ez bestea, Dick Turpin 20an Librezale.tk forotik pasatu izan balitz argi izango luke Microsoftek Unix kodea erabiltzeko LIZENTZIA erosi duela. Titularrak soilik irakurriz ez da berria ondo ulertzen, baina zuk aipatutako medio batean hau dio berriaren erdialdera:
"Microsoft joins thousands of IT companies, educational institutions and customers that have licensed the UNIX source code for the benefit of their organizations."
Hau da, milaka entrepresa daudela Microsoften egoera berean, non dago beraz berriaren garrantzia? Zuk aipatutako medio batek oso ondo azaltzen du, baina nahiago baduzu Euskaraz irakurri dezakezu nire lehen mezuan aipatzen dudan helbidea jarraituz:
Osoitz
Dooteok dio: "Gogoratzen dut gure gazte denboran beste auzi bat egon zela. Orduan, oker ez banago bederen, Apple-ek Microsoft salatu zuen leiho kudeatzailea erabiltzen hasi zelako. Auzi haren emaitzarekin ez naiz oroitu (...)"
Apple-k bazuen MacOS-a nahiko garatuta PARC ezagutu aurretik (1979an), Apple-k Xerox-i hainbat akzio eman zien PARC-eko langile batzuk kontratatu aurretik, bi entrepresen akordio bat izan zen. Gero PARC eta Mac OS bide paraleloak jarraitu zituzten, antzekotasunak bazeuden, baina ezberdintasun nabariak ere. Xerox eta Apple-en arteko arazorik ez.
Microsoft-ek MacOS-a kopiatzeko kodea lapurtu omen zuen 1985an, (Microsoftek MacOSarentzat aplikazioak garatzen zituen eta kodea ikusteko aukera zuen). Horregatik auziperatu zuen Apple-k Microsoft
Auzia urte askotan zehar luzatu zen, 1997an Apple egoera ekonomiko larrian zegoela Microsoft-ek diruz lagundu zuen, tratuaren baldintzetako bat auzia bertan behera uztea izan zen.
Ondorioa beraz ez da hain argia (ez zuela ezertarako balio izan alegia), Apple-en egoera ekonomikoa hobeagoa izan balitz, zer? Aurrera jarraitu eta irabazi izan balu? SCO vs IBM auzian SCO-k irabaziko balu? Txikiagoen aurka jotzea ere erabakiko balu?
Larritzeko arrazoirik badagoela ematen dit.
Microsoftek EZ du Unix erosi .
Gai hau ondo azalduta (Euskaraz):
http://www.zuhar.net/foroa/viewtopic.php?t=231
Argi ibili, egunean zehar informazio gehiago emango dugu eta.
Osoitz