Jende oldeak hartu du Gipuzkoan Korrika
Hilaren 5ean arratsaldeko 18:00etan Hendaia eta Irun bitarteko Santiago zubia gurutzatu zuenetik, Gipuzkoan dabil Korrika, arrakastatsu eta alai. Hondarribi, Oiartzun, Orereta eta Lezo pasatu ondoren, Pasai Donibanetik Pasai San Pedrora, aintzinako batel baten erreplikan eraman zuten lekukoa eta gero hiriburura...
Gaueko 22:45ak aldera, Donostiara iritsi zen. Gipuzkoako hiriburuan jendetza izugarria ibili zen korrika eta talde, elkarte, alderdi politiko, sindikatu, euskalgintzako elkarte, herri mugimendu, auzo elkarte... askok hartu zuten parte, guztira 76 lekuko aldaketa izan zirelarik. Juan Mari Arzak sukaldari ospetsuak ere egin zuen kilometro bat.
Hernani
Gaueko 2:00ak aldera Hernani aldera abiatu zen Korrika eta handik Andoaina. Andoaien, besteak beste, Egunkariako langileek hartu zuten lekukoa eta Martin Ugalde Kultur Parkean sartu ziren. Martxelo Otamendik adierazi zuenez, otsailaren 20ean Guardia Zibila sartu zen moduan sartu zen atzo Korrika Kultur Parkean. Hala ere, modua eta arrazoia erabat desberdinak izan direla esan zuen, gaurkoan lagunak sartu baitira. Egunkariari eta Egunkariako langileei haien egoera salatzeko Korrikak eman dien aukera eskertu zuen.
Parrandazale asko ibili da gauean korrika eta hori dela eta, gaueko kilometroak oso alaiak izan dira.
Goizeko lehen orduetan, Gipuzkoako kostaldera iritsi da. Orion eta Zarautzen, besteak beste, bertako arraunlariek egin dute kilometroa. Euskararen aldeko karrera Zarautza iritsi denean, goizeko 8:10 aldera, jende asko zegoen goiz esnatuta Korrikari harrera beroa egin nahian.
Bertsolariak korrika
Bertsolari askok egin du egun hauetan korrika, lekukoa eskuan zutela bertsoak botaz. Zumaian, Jon Maiak hartu du parte. Kostaldeko herri horretan, Abelin Linazisoro idazle eta aktorea ere izan da.
Goizeko 10:25 aldera, Zestoara iritsi da eta kilometro hunkigarria egin dira bertan. Zahar etxekoek ere ez dituzte momentu horiek galdu nahi izan eta txalo artean irten dira kalera, batzuk gurpildun aulkian.
Azpeitiako Loiola paretik pasatu denean, bertako basilikako kanpai hotsek egin diote ongi etorria Korrikari. Azkoitian, berriz, Hiru sindikatuak egin du kilometro bat, hainbat kamioiren bozina hotsez lagunduta.
Eguerdian, Eibar aldean ibili zen Korrika. Arratsaldeko 15:45ak aldera, Bergara, Oñati, Legazpi, Urretxu eta Zumarraga pasatu ondoren, 20:30etan Goierrira iritsiko da. Eskualde horretako herri asko pasatu ditu eta gaueko 1:10ean, Tolosan umore onez hartu zuten lekukoa.
Nafarroa
Orain Nafarroan da lekukoa. 650. kilometroa egin du eta Uhartearren daramate. Gero Lakuntza, Arbizu...
Gaurko ekitaldiak
Gaur ere ekitaldi ugari daude herriz herri eta horiek guztiak korrikaren gunean kontsulta ditzakezu: Marronen itzaldia, Lutxo Egiarena, Korrika txikiak, Jose Mari Karrere, dantzak, kalejirak...
Ziberkorrika:
Gaur eta orain, ziberkorrika duen lekukoa Ana Rodet Iraola da. Bartzelonan dago beraz teknologia berriei eskerrak.
Erantzunak
Ez nago oso ziur baina Gasteiz aldetik Arrasaterantz etorriko da. Lehenik Eskoriatzatik pasako da, gero Aretxabaletatik, Arrasate eta bariantetik Elorriorantz. Bertatik Apatarantz eta gero Durangora...
Arrasatera 18:30tan helduko dela iragarri dute, baina oraintxa ez dakit ordutegia betezen ari diren ala ez.
Balio al dizu honek?
Baietz espero dut.
Agur!
Ez dakit datuok balioko ote zaizkizun, baina hau da gaurko ordutegia. Egun-egunekoak ikusi nahi izanez gero, Eguneron jakina (paperezko edizioan bakarrik, uste dut):
- Larrea->15:30
- Landa-> 16:50
- Eskoriatza-> 17:29
- Aretxabaleta-> 18:08
- Arrasate-> 18:31
- Kanpazar-> 19:39
- Elorrio-> 20:31
- Durango-> 21:49
- Maitena-> 22:08
- Berriz-> 22:38
- Zaldibia-> 22:57
- Mallabia->23:20
- Ermua->23:46
Mauletik atara zenetik, zuzenean jarraitzen ari gara Korrika 13. Xiberuatik bezala, herriz herri ikusitakoa kontatzen saiatzen gara. Irudiak jarri ditugu, testuak gehitu eta jendearen iritzia batu gurean gabiltza.
Indymediaren bitartez, herri bat korrika adierazi gura diogu mundu osoari, eta dagoneko hiru hizkuntza ezberdinetan (gaztelania, frantsesa eta euskara) eman nahi dugu informazioa.
Indymedia Euskal Herria gunean egunez eguneko informazioa topatuko duzu. Eta horrez gain, zuk zeuk ere zurea argitaratu ahalko duzu. Izan ere argitaratze librea duen ataria da Indymedia, eta asko interesatzen zaigu, zure herritik pasatzean ikusi duzuna kontatzea.
Herri bat Korrika!
> Ez nago oso ziur baina Gasteiz aldetik Arrasaterantz etorriko da. Lehenik Eskoriatzatik pasako da, gero Aretxabaletatik, Arrasate eta bariantetik Elorriorantz. Bertatik Apatarantz eta gero Durangora...
> Arrasatera 18:30tan helduko dela iragarri dute, baina oraintxa ez dakit ordutegia betezen ari diren ala ez.
> Balio al dizu honek?
> Baietz espero dut.
> Agur!
Landa eta Gasteiz artean, Leintz-Gatzaga dago, herri txikia, ezereza, baina oraindik behintzat mapetan agertzen dena, behin eta berriz zokoratua izan dena. Ohituta geunden ikusten Euskaltelek, Aldundiak, Jaurlaritzak eta abarrek askotan uzten gintuztela bazterrean. Baina, herritar xumez osatuta dagoen erakunde batetik ez genuen horrelakorik espero! Badakit ez dagoela asmo txarrez egina, hala ere, nire haserraldia azaldu nahiko nuke. Besterik gabe, agurtzen zaituztet.
> Ez nago oso ziur baina Gasteiz aldetik Arrasaterantz etorriko da. Lehenik Eskoriatzatik pasako da, gero Aretxabaletatik, Arrasate eta bariantetik Elorriorantz. Bertatik Apatarantz eta gero Durangora...
> Arrasatera 18:30tan helduko dela iragarri dute, baina oraintxa ez dakit ordutegia betezen ari diren ala ez.
> Balio al dizu honek?
> Baietz espero dut.
> Agur!
Landa eta Eskoriatza artean, Leintz-Gatzaga dago, herri txikia, ezereza, baina oraindik behintzat mapetan agertzen dena, behin eta berriz zokoratua izan dena. Ohituta geunden ikusten Euskaltelek, Aldundiak, Jaurlaritzak eta abarrek askotan uzten gintuztela bazterrean. Baina, herritar xumez osatuta dagoen erakunde batetik ez genuen horrelakorik espero! Badakit ez dagoela asmo txarrez egina, hala ere, nire haserraldia azaldu nahiko nuke. Besterik gabe, agurtzen zaituztet.
/cache/Udako-Ola-2024_1_small_content.jpeg)
>
> Gaur ere ekitaldi ugari daude herriz herri eta horiek guztiak "korrikaren gunean":http://www.korrika.org/index.php kontsulta ditzakezu: Marronen itzaldia, Lutxo Egiarena, Korrika txikiak, Jose Mari Karrere, dantzak, kalejirak...
Ekitaldiak kontsulta daitezke, baina Korrika nondik eta noiz igaroko den gaur ez da ageri. Saiatu naiz aurkitzen gunean zehar, baina ez dut aurkitu. Ibilbide orokorra bakarrik aurkitu dut.