Idatzi-ereduen liburu praktikoa argitaratu dute Debagoieneko udalek

Oso liburu interesagarria iruditzen zait, posible al da Donostiatik korreoz jasotzea, edo beste lekuren batean lortzea??



Mila esker



> **Doaneko liburua, idazten laguntzeko.**

> Liburuak hainbat idatzi eredu jasotzen du, eguneroko jardunean euskaraz idazten duten herritarrei idatziok egiten laguntzeko. Liburua doan eskuratu daiteke Debagoieneko udaletako euskara zerbitzuetan. Liburuaren tirada 10.650 alekoa da.

Mendebalde barruan, Mendebaldetik mendebaldera ale bat eskertuko geunke.

Mendebalde barruan, Mendebaldetik mendebaldera ale bat eskertuko geunke.

Nola ez dute liburu hau interneten kontsultagai jartzen?



Gure udal arduradunek oraindik ez dakite interneti zukua ateratzen...

Neu ere interes handia daukat liburua eskuratu/erosteko (zoritxarrez -oraingo honetan behintzat- ez naiz Deba adekoa). Ba al legoke liburua lortzeko modurik?





Gilen

> Jaurlaritzako Justizia Sailekoek ere eskertuko genizueke ale bat nola eskura daitekeen azaltzea>

> Debagoieneko udalek zorion agurrak, doluminak, eskolako oharrak, erreklamazioak, etxe atariko auzokideen komunitateen idatziak... eta abar jasotzen dituen liburu praktikoa argitaratu berri du.





Gure eguneroko lanerako ezin interesgarriago deritzogu eta eskertuko genuke liburua eskuratzeko modua izango bagenu.

Hernaniko Euskara Zerbitzuan ere oso gustura jasoko genuke liburuaren ale bat.

Zer egin edo nora jo behar dugu eskaera egiteko? nahikoa al da honela eskatzearekin?



Mila esker, aldez aurretik

Arrasateko Udalareken harremanetan jarri naiz epostaz baina erantzunik ez. Ba al dugu kanpotarrok liburua eskuratzeko modurik?

Mila esker.

Idatziak liburua argitaratu berri dute Debagoieneko udalek, eskualdeko herritar eta erakundeei banatzeko. Orain Euskal Herri osora zabaldu eta Internet-en sartzeko gestioak egiten ari dira.

Zorion agurrak, doluminak, eskolako oharrak, erreklamazioak, etxe atariko auzokideen komunitateen idatziak... eta abar jasotzen dituen liburu praktikoa argitaratu berri dute Debagoieneko udalek. Martxoaren 19an prentsa aurrean Idatziak liburua aurkeztu zutenetik hona Euskal Herri osoko eskaera asko jaso dute: bai herritarrenak bai euskaltegi, euskara zerbitzu, berritzegune zein liburutegi eta artxiboetatik.

Euskal Herri osora zabaltzea

Bestalde, liburua Euskal Herri osoan ere banatzea zen Debagoieneko udalen asmoa hasiera-hasieratik. Hartarako, formula egokia aurkitu behar, ordea. Izan ere, Debagoieneko udalen eginkizuna ez da Bilbo edo Irungo herritarren esku liburu hori jartzea. Gauza da datorren astean erabakiko dutela eskaera guzti horiei nola egin aurre. Litekeena da lan hori argitaletxe batek bere gain hartzea.

Laster Internet-en

Liburua argitaratzeaz gain Internet-en sartzeko asmoa ere badugu. Liburua HTML formatura pasatu eta bakoitzak bere Web orrian jarriko dugu, edozeinek ikusi eta erabiltzeko moduan. Oraindik egun batzuk beharko ditugu egokitzapen hori egiteko, baina ziurrena da apirilaren 10erako Idatziak liburua sarean izatea.

Dena den, gestio horiek guztiak egin ahala jakinaraziko dizuegu nola eskuratu Idatziak liburua.

Debagoieneko udalek argitaratutako liburua non egongo da eskuragai ? Gainontzeko udaletara bidaltzeko asmorik ba al dago ?

> Debagoieneko udalek zorion agurrak, doluminak, eskolako oharrak, erreklamazioak, etxe atariko auzokideen komunitateen idatziak... eta abar jasotzen dituen liburu praktikoa argitaratu berri du.

> **Doaneko liburua, idazten laguntzeko.**

> Liburuak hainbat idatzi eredu jasotzen du, eguneroko jardunean euskaraz idazten duten herritarrei idatziok egiten laguntzeko. Liburua doan eskuratu daiteke Debagoieneko udaletako euskara zerbitzuetan. Liburuaren tirada 10.650 alekoa da.

>

>

> **Aspaldiko asmoa.**

> Debagoieneko udalek aspaldian ekin zioten euskararen erabilera sustatzeari. Izan ere, aspaldiko urteotan, hainbat egitasmo abiatu dute arlo horretan: herritarren eta udalen arteko harremanetan euskararen erabilera sustatzeko programak, erakunde eta entitateen jarduera euskalduntzeko hitzarmenak eta merkataritzan euskararen erabilera normalizatzeko egitasmoak, besteak beste. Testuinguru horretan kokatu behar da goian esandako liburuaren edizioa.

>

> **Egitasmoaren helburua: euskarazko jarduera idatziak gehitzea.**

> Hortaz, bada, egitasmoaren helburua da tresna erabilgarria eskaintzea euskara normaltasunez erabiltzeko ahalegina egiten ari diren guztiei. Bada gure bailaran eguneroko jardueran idatzietan euskara erabiltzen duenik. Horientzat da *Idatziak* liburua, euskara erabiltzeko gogoa azaldu dutenentzat eta euskaraz egiteko moduan daudenentzat. Alabaina, batek baino gehiagok idazterakoan zalantzak izaten ditu (idazteko zailtasunak ditugulako, ohitura falta dugulako, idatzi bakoitzerako erregistro egokia zein den ez dakigulako...). Aurrerantzean, herritarrei errazago egingo zaie idatziak euskaraz modua.

>

> **Liburuaren edukia.**

> Izenburuak azaltzen duen moduan, idatzi sorta batez osatuta dago. Idatzion ezaugarri nagusia praktikoa izatea da, hau da, azalpen teorikoak alde batera utzita, idatziok ahalik eta modurik errazenean azaltzen dira. Bestalde, mota askotako idatziak jasotzen ditu liburuak: zorion agurrak, doluminak, eskolako oharrak, erreklamazioak, etxe atariko auzokideen komunitateen idatziak... Azkenik, liburuaren diseinua oso erakargarria da.

Liburua argitaratzeaz gain Internet-en sartzeko asmoa ere bazenutela adierazi zenute. Beraz, ia sartuta duzuen ala ez jakin nahiko nuke eta ikusteko zein helbidetara joko beharko genukeen jakin nahiko nuke. Mila esker zuen laguntzarengatik.