Egunkaria: martxoaren 13an elkartasun eguna
Martxoaren 13an, elkartasuna emateko eguna deitu du kontseiluak eta Egunkariako langileek. bestetik, Aginte judizialaren kontseilu nagusiak gaur aztertuko du Eusko Jaurlaritzak jarritako denuntzia. Atxilotuen berri ere jaso dugu. "Egunero" kioskoetan izan da gaur ere, 20 orrialdeko egunkaria.
Gaur horrelaxe irakurri dugu Eguneron. Martxoaren 13an euskal herritarrek "modu irudimentsu, baketsu eta tinkoan" Euskaldunon Egunkariaren aldeko ekimenak egin ditzatela eskatu zuten atzo Euskararen Gizarte Erakundeen Kontseiluak eta Egunkariako langileek, Martin Ugalde Kultur Parkean eginiko prentsaurrekoan. Bertan, Egunkariako behin-behineko bozeramaile Juan Mari Larrarte, Kontseiluko idazkari nagusi Xabier Mendiguren Bereziartu, Egunkariako zuzendari Martxelo Otamendi eta Kontseiluko zuzendaritzako Mikel Irastorza (EHE), Dani Larrea (Emun), Ane Agirregomezkorta (AEK), Mikel Arrizabalaga (Euskalgintza Elkarlanean) eta Joxerra Olano (IKA) agertu ziren, eta, Larrartek gogorarazi zuenez, otsailaren 20an Egunkaria itxi zutenetik euskal gizarteak bere samina, kexa eta ezinegona adierazteko ekintza ugari egin ditu.
Sindikalgintzatik elkartasuna
Gaur, berriz, sindikalgintzatik iritsiko zaio elkartasuna Egunkariari. Egunean zehar jakingo dugu horren berri.
Atxilotuak
Barruan jarraitzen dute Alegriak, Auzmendik, Torrealdaik, Uriak eta Oleagak. Alegriaren familia kezkatua agertu da bisitan hitzik egin ezin zuela aurkitu baitzuen emazteak larunbatean egin zion bisitan. Emazteak esan zuenez shock egoeran aurkitzen zen Xabier Alegria.
Pello Zubiriaren egoerak ere asko kezkatzen gaitu. Oraindik ere Gregorio Marañon ospitalean da, baina noiz kartzelara eramango zain. Emazteak esan du oso ahul dagoela oraindik. Zubiriak dio egoerarekin minduta nago, ez dut ulertzen zer egiten dudan hemen.
Iñaki Uriak esan die familiakoei ez dagoela denbora galtzeko. Ingelesa estudiatu behar duela han dagoen bitartean eta laster kanpoan izateko esperantza duela.
Tortura kasuen usainak jarraitzen du.
Xabier Oleagak esan zion emazteari inkomunikazio egoeran gertatutakoaz hitz egingo duela epailearen eta abokatuaren aurrean, hala ere, argitaratutakoa baino latzagoa izan dela gaineratu zion. Oleaga Navalcarnerora eraman dute soto del Realetik.
Auzmendik ere komentatu du lokutorioetan oso gaizki pasa duela eta inhumanoa izan dela.
Erantzunak
ELA, LAB, ESK, STEE-EILAS, EHNE, ELB, Hiru eta Egas sindikatuek martxoaren 13an, eguerdian, ordubetez lana uzteko proposatu digute.
Era berean, Euskaldunon Egunkariaren harpidetza kanpaina egingo dute.
www.gara.net-en jasotakoa.
> ELA, LAB, ESK, STEE-EILAS, EHNE, ELB, Hiru eta Egas sindikatuek martxoaren 13an, eguerdian, ordubetez lana uzteko proposatu digute.
Ekintza imajinatiboak eskatu eta sindikatuek lan uzteaz erantzun. Zer ulertu dute imajinatibo hitzaz?
Arrasateko Udalean banatu ziren egukariaren alde lan ordu bat egiteko orriak. Bete nuen orduan eta 13rako ez dut geldiadirik egingo. Beste orri bat beteko dut.
Nahiago dut egunkariaren alde lan egin eta lan orduz kanpo salaketa eta elkartasun ekintzetan parte hartu, sindikatuen mobilizazio maila erakusteko gogoa asetzea baino.
Egunkaria aurrera!
Egin zaitezte harpidedun!
Kontseiluak eta Egunkariko langileek martxoaren 13an Egunkariaren aldeko ekintzak egiteko deia egin diete gizarte eragileei eta herritarrei, Egunkariaren itxiera salatu eta berriz ere kalean izan dadin eskatzeko.
Hala agertu dute Kontseiluaren zuzendaritzako kideek, Xabier Mendiguren idazkari nagusiarekin, eta Joanmari Larrarte Egunkariko langilearekin batera egindako prentsaurrekoan.
Agerraldi honetan adierazi dutenez "Egunkaria itxi ondoren, Kontseiluak eta Egunkariko langileek gizarte eragileekin, sindikatuekin, alderdiekin eta euskalgintzako erakundeekin bilerak egin dituzte, egoera gogor honetan zer egin aztertzeko. Erakunde horien artean itxieraren kontrako jarrera oso orokorra da eta guztiek ikusten dute horrelako erasoen aurrean modu egoki batean erantzuteko beharra."
Horregatik, "arlo ezberdinetako eragileei modu irudimentsu, baketsu eta tinkoan Egunkariaren alde ekimenak egin ditzaten proposatu nahi diete Kontseiluak eta Egunkariko langileek". Datozen egunetan, hainbat eragilek, martxoaren 13an "Egunkaria aurrera, Bai Euskarari" lemapean nolako ekintzak egingo dituzten jakinaraztea espero dutela azaldu du Xabier Mendigurenek.
Agerraldi horretan bertan zenbait komunikabidetan euskalgintzako erakunde batzuei buruzko informazio faltsuak agertzen ari direla ere salatu dute Kontseiluko arduradunek. Onartezintzat jo dute horrelako susmo faltsuak zabaltzea, beste kasu batzuetan ikusi den bezala, ondorio larriak dituelako.
> Arrasateko Udalean banatu ziren egukariaren alde lan ordu bat egiteko orriak.
Aupa Ander.
Interesgarria litzateke zuek Arrasateko Udalean nola egin duzuen azaldu eta gero bakoitzak bere lantokian antzerako ekimena aurrera ateratzea.
Denon ahalegintxoarekin aterako dugu Egunkaria aurrera!
Eibarren martxuan 13an Egunkarixan alde zeozer egin
nahi badozu, hona hemen zure hitzordua:
EGUNKARIAREN ITXIERA DELA ETA HERRI BATZARRA
Kontseiluak eta EGUNKARIAko langileek, martxoaren
13rako deitutako EGUNKARIAren aldeko elkartasun
eguna antolatzeko, Eibarko euskalgintzak(euskararen
normalizazioaren alde diharduten hainbat taldek)
martxoaren
10ean , astelehena, arratsaldeko 19:30etan ARRATE
KULTURALEAn egingo den herri batzarrera gonbidatzen
zaituzte.
Zabal ezazue ohar hau zuen inguruan.
> Arrasateko Udalean banatu ziren egukariaren alde lan ordu bat egiteko orriak. Bete nuen orduan eta 13rako ez dut geldiadirik egingo. Beste orri bat beteko dut.
Seguru al zaudete, lan ordu bat gehiago egin duzuenok, ordu horren diru-ordaina Egunkaria-koei iritsiko zaiela?
Egunkaria itxi dutela-eta, hainbat esparrutan ari diren donostiarrei galdera egin die Irutxulo aldizkariak. Azken alean argitaratu dituzte erantzunak, eta sarean ere badaude, Bagera.net gunean, hemen.