Kontseiluaren elkarretaratzeak gaur, 20:00etan

Aspaldian ikusi gabe genuen horrelakorik. Jendetza handia herriko plazan Egunkaria aurrera, bai euskarari zioen leloaren atzean.



Ehun pertsona inguru mila biztanle dituen herri honetan. Hainbat alderdi politikoetakoak, kultura arlokoak, Gaztetxekoak, medio ezberdinetako kazetariak...



Astelehenean izango da herri batzarra: harpidetzak, egoera... dena langileek emango duten hitzaldiaren bidez. Arratsaldeko 19:00etan.

Kontseiluak deitu dituen elkarretaratzeak Ermuan 160 bat lagun eta Durangon 250 bat lagun batu ditu.

Ermuan, dagoeneko, eratu dute Egunkariaren aldeko batzordea eta larunbatean harpidetzak egiteko mahaiak jarriko dituztela iragarri dute.

Bestalde, Durangoko gaurko bilkurarekin bat egiten duten elkarteen artean, Berbaro euskara elkartea, Anboto Durangaldeko Astekaria, Gerediaga elkartea eta AEK izan dira.

Gaur arratsaldeko 8etan Aretxabaletako udaletxe aurrean Euskaldunon Egunkariaren aldeko kontzentrazioa egin da.

Kontzentrazio honetan 200 pertsona baino gehiago elkartu gara ondoko lemaren azpian: Euskal Herririk ez Euskararik gabe, Egunkaria Aurrera!!

Kontzentrazio honen deitzaileak Loramendi EE eta Aretxabaletako EHE izan dira.

Bihar jakinarazi nahi dugu arratsaldeko 7etan Egunkariako langile bat etorriko dela batzar informatzaile bat ematera, eta ahalik eta herritar gehien hurbiltzeko deia egiten dugu.

Besterik gabe, mila esker mobilizazioetan partehartzen ari zaretenoi.



Egunkaria Aurrera, BAI EUSKARARI.

450-500 lagun elkartu gara. Serio-serio, baina asko

Berriozarren hogeita hamar lagun inguru bildu gara, pankartaren atzean eta Udaletxearen aurrean. Hotzak geunden baina bihotza bero-bero... Aurrera!

>Tolosan ere jende mordoska bat bildu da. Halako batean, Martxelo bera agertu da pankartari eustea. Txalo zaparrada bero batekin eman diogu ongi-etorria. Ea noiz ematen diegun txalo zaparrada berdina falta direnei.

Beran deialdia herritar talde batek deitu du. SA eta EAko zinegotziak, kultura eta hezkuntzako jendea, Ttipi-ttapako langileak eta herritarrak agertu dira elkarretaratzera. Denetara 50 lagun pasatxo. Herri batzarra datorren asteazkenean, martxoaren 5a, eginen da, inauteriak pasatu ondotik.

Zestoan 250 lagun inguru elkartu gara. Bihar Udal bilkuran Egunkariaren aldeko mozioa aurkezteko asmoa dago.

Getarian ere 100 pertsona inguru bildu gara "EGUNKARIA AURRERA" pankartaren atzean. Ondoren, herri batzordea sortzeko lehen pausuak ematen hasi gara.

Urrtxu eta Zumarragan ere jende asko elkartu da. Zumarragan izan naiz eta 250 lagun izango ziren eta Urretxun esan didatenez beste horrenbeste. Bi herriotan 500 bat lagun. Ea herri batzordea eratzeko pausuak ematen hasten garen.

Urretxu eta Zumarragan ere jende asko elkartu da. Zumarragan izan naiz eta 250 bat lagun elkartu gaar eta Urretxun esan didatenez beste horrenbeste. Bi herriotan 500 bat lagun. Ea herri batzordea eratzeko pausuak ematen hasten garen.

Ordu erdi bat egon gara, ez dakit zenbat, 500-600? Udaletxeko fatxadaren aurrean eta etengabe mugitu egin behar izan dugu pankarta leku gehiago irekitzeko, jendea etorri heinean. Hotza astintzeko oihuak egin ditugu: "Egunkaria aurrera", "Atxilotuak askatu", "Hemen torturatzen da", "Ez gaituzte isilduko".

> 300 pertsona baino gehiago bildu gara ilunabarreko zortzietan. Barruan Udalbatza bilduta Egunkariako mozioa besteen artean zegoela. EAJ-EA eta EHko zinegotzi batzuk jaitsi dira elkarretaratzera. Mugimendua hasi da. Atzo ekintzak eta sostengua antolatzen hasi zen bilera batean. Hurrengo hitzorduak: larunbatean jai giroan kalejira erreibindikatiboa, eta datorren asteartean bilera berri bat. Animo!

80 pertsona inguru elkartu ginen Aramaion ere. Hori jende asko da guretzat, aspaldi ez dugu hainbeste jende biltzerik lortu. Bestalde Udalak atzo bertan egindako ez ohiko bilkuran egunkariaren aldeko mozioa onartu zuen, beste gauza batzuren artean egunkaria aurrera ateratzeko dirulaguntza onartuz.

Ez nintzen kontatzen ibili baina 200 bat lagun behintzat bai. Amaieran lagun batek kontatzen zidan, berari guardia zibilak 76an egindako ber-berak egin dizkietela oraingo atxilotuei. Eta Pellorekiko kezka...

Arratsaldeko 8etan elkartu ginen Eskoriatzan udaletxe aurrean 60 bat pertsona, adin, talde eta mota guztietakoak.

Aurretik, arratsaldeko 7etan, Euskal Txokoan Egunkariaren aldeko herri plataforma sortzeko 10 pertsonako taldea elkartu ginen. Plataforma horretan Egunkariarekin bat egin nahi duen edozein eskoriatzarrek du kabida. Astelehenero elkartuko gara Kultur Etxean, arratsaldeko 6etan herrian Egunkariari buruzko informazioa zabaldu, harpide kanpainak egin eta Egunkariaren aldeko mobilizazioak prestatzeko. Bileraren ostean, arratsaldeko 7etan, udaletxe aurrean Egunkaria aurrera, Bai euskarari lelopean elkarretaratzea egingo dugu.

Bueno, ez dakit Elgoibarren danok garen Egunkaria baina asko garela bai. Izan ere, dagoeneko eta nik dakidala, 4 kontzentrazio egin dira, denak ere udaletxe parean. Jendetsuena astelehenean izan zen, Elgoibarko Izarra elkarteak antolatuta. Bertan Egunkariako hiru langile izan genituen egoera zein den bertatik bertara azaltzeko. Gainera, bertsoak eta kantu zaharrak ere izan genituen. Kantu batek dioen moduan, "abestutzen duen herria ez da inoiz hilko". Guk ere abestu egin genuen eta batek baino gehiagok alde egin zuen etxera begiak bustita.

Gasteizen jende asko bildu ginen plaza berrian. Egunkariaren eta expetxeratuen aldeko oihuak eta torturaren aurkakoak nagusitu ziren. Bukaeran Ertzantza azaldu zen, zertara? Bakean bukatu genuen eta alde egin genuen. Baina zergatik jasan behar dugu "euskal" poliziaren erasoa bakean gaudenean?

















> Elkarretaratzeak deitu ditu kontseiluak hemendik ordu erdi ingururako. Herriz herri egingo dira eta zuen herrian nola joan diren gauzak esatea ez legoke gaizki. Ia herrietan mugimendurik egon den. Zuen herrian nola joan da bilkura?

>

> (**Azken ordua: 08:20**) Pello Zubiriari atzo 11:00etan hartu zioten deklarazioa. Deklarazioa jaso eta gero ezingo da etxera itzuli. Inkomunikatua jarraitzen du. Ofizioko abokatuarekin egin ditu adierazpenak.

>

> (**Azken ordua 20:46**): Fermin Lazkano aske fidantza ordaindu eta gero. Torturarik ez duela jasan esan du, baina berritsiko dituela bere lagunek jasandako torturak. Ez du adierazpenik egin gura izan.


> Pello Zubiriaren berririk ez.

> Egunkaria aurrera, bai euskarari izango da kale agerraldietako leloa. Hau herriz herriko kanpaina baten hasiera besterik ez dela ere esan digute.

>

> Herrietan batzar informatiboak ere egingo dira aurrerantzean eta saiatuko dira lankideak harpidetzak egiten. 4.700 harpidetza egin dira jadanik, baina ia askoz gehiago diren. Manifestazioan 2.500 harpide egin ziren eta Erreala-Osasuna partiduan beste 2.200Horrexek bultzatuko du benetan euskarazko egunkaria.

Lazkaon ere egin genuen elkarretaratzea atzo iluntzean, udaletxe aurrean. Bertako eragileek deituta egin zen eta 200 lagun inguru elkartu ginen. Zerbait azpimarratzekotan, aniztasuna azpimarratuko genuke. Denetariko jendea inguratu baitzen. Aurrera begira eragileok nondik nora jo behar dugun aztertzen ari gara, Egunkariaren alde metatu den indar guztia komeni den bidera eraman dezagun. Baliteke datorren astean batzar zabala deitzea Egunkariako ordezkariren bat bertan dela jarraitu beharreko ildoak azal ditzan eta herrian Egunkariaren aldeko batzorde finko bat sortu dadin. Horretan ari gara, ba. Asmoa eta borondate ona sumatzen dugu herrian eta ohiua bat eta bera:

EGUNKARIA AURRERA!!! BAI EUSKARARI!!!



Lazkaoko beneditarrak

Lazkaoko Udala

Goierriko Euskal Eskola Kultur Elkartea

Maizpide euskaltegia

Goiztiri-AEK

San Benito Ikastola

Pasaian ere elkartaratzea izan zen atzo arratsaldeko 20:00etan Donibaneko Santiago Plazan. Lau
barrutietako 100 bat lagun elkartu ginen bertan.

Elkartaratzea amaituta zabaldu nahi izan genuen mezua, aurrerantzean zer? hemendik aurrera
egin beharreko lanari buruzkoa izan zen. Han egin genuen modu berean, orain hemen zabalduko
dugu lanerako gurekin harremanetan jartzeko deia.

ABARASKA EE 943391000
abaraska@topagunea.com

ARNASA EE 943341045
arnasa@topagunea.com

ORIOko plazan bildu gera, arratsaldeko 8tan.

100 pertsona.

Leioakora joan nintzen, eta giroa oso tristea iruditu zitzaidan (pozez saltoka hasteko moduan ez gaude, baina etsia esan gura dut). 50 bat lagun bildu ginen, eta isil-isilik, erdi ilunpetan eta hotzez akabatuta. Bestelako adorea behar dugula uste dut, bestela penak jango gaitu. Aurrera Egunkaria!