Martxelo Otamendi: "Torturatuak ginenean pena ez jakitea manifestazio erraldoiarena"
Goizaldeko 3:30etan heldu diura atxilotuta zeuden hiru lagunak Andoainera. Trankilago, baina barruan daudenak ahaztu gabe. Martxelo Otamendik egin ditu goizeko 8etan adierazpenak Euskadi Irratian. Guk jaso egin ditugu.
Martxelo Otamendiren azken hitzak jaso ditugu,hauexek:
Asko hunkitu nau langileek izan duten gaitasunak, hutsik egin gabe kioskora heltzeko.
Torturak eta tratu txarrak: Nik uste nuen: Ez naute joko, beldurtu etab. bai, baina ez gaituzke torturatuko, ezagunak ere bagara-eta... Inpunitatearen tunel beltzean, sudurraren puntan jarritako guztia eginten dutela konturatu gara, ordea. Kasua ez da berria, baina sinestesina da, gogorra.
Egunkaria sortzeko dirua: Burugabekeria da egindakoa. Egunkaria sortzen taldeak milaka euskaldunek emandako dirua izan dute oinarri, ez besterik.
Hemendik aurrera zer? Goiz da oraindik. Oso zaila da Euskaldunon Egunkaria berriz kaleratzea, baina beste produktu baten eta orain arteko profesionalek egindako produktuan pentsatu behar dugu. Behin behinekoa da oraingoa baina sendo eta estandarrago batera egingo dugu, nahiz eta beste izen batekin izan. Manifestazio erraldoiak babesa eman du.
Jaurlaritzaren babesa: Asteburu honetan mobilizatu duen guztiari eskerrak eman behar dizkiot, gizarte eragile guztiei, norbanakoei, sindikatu erakunde eta guztiei.
Manifestazioa eta torturak: Larunbata gogorra izan zen torturari dagokionez. Pena ez jakitea egin zen manifestazioaren berri, lagunduko liguke. Tortura eta inpunitatearen tunelarekin zehozer pentsatu behar da. Tortura nunca maix moduko bat beharko da. Torrealdai modukoak datozkit burura, Alegria kaltetuak ezagunak izateak balioko al du olatu handi bat gizarteratzeko.
(Azken ordua 17:017):Egunerok 4.700 harpidedun berri ditu. Horietako asko manifestezioan egin ziren harpide eta baita Osasuna-Erreala partidan ere. Partida horretan 2.200ek eman zuten izena. Orain 55.000 ale banatzen dira zenbaki bakoitzetik.
(Azken ordua 10:00): Pello Zubiriari inkomunikazio judiziala ezarri diote eta inkomunikatuta jarraitzen du. Oraingoz ez du epailearen aurrean deklaratu.
(Azken ordua 13:09): Medikuek epaileari deklaratzeko baimena eman diotela ezin dugu konfirmatu, nahiz eta hori zabaldu zabaldu den. Inkomunikazio egoeran jarraitzen du Pello Zubiriak eta bere neska-lagunak behin bakarrik egon ahal izan du medikuarekin. Hotz handia pasa du Pellok eta hori oso kaltegarria da duen osasunerako.
Erantzunak
Euskaldunon Egunkaria itxi dutela eta, agiri hau sinatzen dugun euskara elkarte eta herri aldizkariek honakoa adierazi nahi dugu:
- Euskaldunon Egunkaria itxi izana euskararen, euskal prentsaren eta adierazpen askatasunaren aurkako erasoa da.
- Dei egin nahi diegu euskalgintzari eta euskal gizarte osoari eraso larri hau salatzera.
- Euskararen normalizazioaren eta euskal prentsaren alde lanean jarraitzeko konpromisoari tinko eutsiko diogu.
- Euskal Herriak euskarazko egunkaria behar du, ezinbesteko tresna baita gure hizkuntzaren normalizaziorako. Euskaldunon Egunkariako langileek euskarazko egunkaria kaleratzen jarraitzeko asmoa dute. Beraz, euskal herritar guztien laguntza beharko dute. Ildo horretatik, guk ere laguntza eskaini eta konpromiso irmoa adierazi nahi diegu, euskarak egunero eta Euskal Herri osoan ahotsa izan dezan.
Manifestuari atxikimendua adierazi dioten elkarte eta komunikabideak:
Irutxulo (Donostia)
Bagera Donostiako Euskaltzaleen Elkartea (Donostia)
Hitzaro (Ordizia)
Manuel Larramendi Kultur Bazkuna eta Aiurri Aldizkaria (Andoain)
..Eta Kitto! Euskara Elkartea eta Astekaria (Eibar)
Lagatzu Euskara Elkartea (Zamudio)
Aikor Aldizkaria (Txorierri)
Anboto Durangaldeko Astekaria (Durangaldea)
Arrikikili Larrabetzuko Euskara Elkartea (Larrabetzu)
Ttipi-Ttapa aldizkari eta telebistako langileak (Bera)
Irun Iruten Euskara Elkartea (Irun)
Lau Haizetara Euskaldunon Elkartea eta Aldizkaria (Errenteria-Orereta)
Berton aldizkaria (Mahatserria)
Berbaizu Euskara Elkartea eta Prest aldizkaria (Deustu)
Pil- Pilean Euskara Elkartea eta Aldizkaria (Soraluze)
Euskal Birusa Euskara Elkartea eta Drogetenitturri Aldizkaria (Ermua)
Txatxilipurdi Euskara Elkartea (Arrasate)
Maxixatzen Euskara Elkartea eta Aldizkaria(Azkoitia)
Elgoibarko Izarra Euskara Elkartea eta Barren Astekaria (Elgoibar)
Karkara Euskara Elkartea (Orio)
Txaparro Kultur Elkartea eta Txaparro aldizkaria (Zarautz)
Goierritarrak Kultur Elkartea (Ordizia)
Asapala Kultur Elkartea (Mahatserria)
Dobera Euskara Elkartea (Hernani)
Jardun Euskara Elkartea (Bergara)
Goiena Komunikazio Zerbitzuak (Debagoiena)
Karrikaluze Euskara Elkartea (Atarrabia)
Orratx! Kultur Elkartea (Lezo)
UK Uribe Kostako Aldizkaria (Getxo)
Bizarra Lepoan Euskara Elkartea (Getxo)
Euskarabila Euskara Elkartea (Basauri)
Loramendi Euskara elkartea (Aretxabaleta)
Danbolin Zulo elkartea (Zestoa)
Arrasate Euskaldun Dezagun-AED elkartea (Arrasate)
Berbaro Euskara Elkartea (Durango)
Uztartzen Euskara Elkartea eta Uztarria Aldizkaria (Azpeitia)
Noaua! Euskara Elkartea eta Aldizkaria (Usurbil)
Topagunea Euskara Elkarteen Federazioa
Kontzentrazio deialdia Algortan: Bai euskarari! Egunkaria aurrera!
Egunkariaren itxiera eta haren hainbat zuzendariren atxiloketa eta ondorego gartzeleratzea direla-eta, UK Uribe Kostako aldizkariak, Bizarra Lepoan Getxoko euskara elkarteak, Berbots Erandion Euskaraz taldeak eta ALBEk (Algortako Bertsolari Eskola) kontzentrazio isila deitzen dute datorren zapatuan, martxoak 1, eguerdiko 13:00etan Algortako metroko plazan. Baimenduta dago.
Elkarretaratzeak ordu laurden iraungo du, eta ondoren agiri bat irakurriko da aipatutako gertaerak salatzeko. Mezu honen bidez, bertara joateko deia egiten dizuegu, eta zuen senide eta lagunei ere deialdiaren berri eman diezaiezuen eskatzen dizuegu, eraso latz honen aurrean ahalik eta jende gehien bil gaitezen.
UK, Uribe kostako aldizkaria
Bihar Bilboko Kalderapekon Bihotz Bakartien Klubak Poeta Hilen Kluba ikuskizuna eskainiko dio Egunkariari
Arratsaldeko zortzietatik aurrera, adierazpen askatasunaren eta atxilotuei elkartasuna adierazteko baliatuko dugu Poeta Hilen Kluba errezitaldia.
Ez gaituzte isilduko!! Egunkaria aurrera! Atxilotuak askatu!!
Euskara elkarte eta herri komunikabideek sinatutako manifestuari gure atxikimendua adierazten diogu:
GEU elkartea eta Aldizkaria (Gasteiz)
Arnasa Euskara Elkartea eta Branka Pasaiako herri aldizkaria (Pasaia)
Bierrik elkartea, Guaixe eta Oixe aldizkariak, eta Beleixe irratia (Sakana)
Gurien Bai Euskara Elkartea (Iurreta)
Erasota gera dadin
Berriki atake bortitz politikoa (ez soilik kulturala) jazo dugu Nafarroan eskutik Espainiako Gobernua eta zarratu deraukue euskarazko Egunkaria egunkaria. Eta anhitz euskaldun eta bertoko erdaldunentzat lirudike ezen deus kexatzekorik ez gendukeela gehiago egin duten injustitiaz hortaz haratago; bertzela ondo. Baina ethorten zaizkigunean sarri impresso administrativo offizialak izkiriaturik bilingueki "geure" gobernutik eta ezin deus ulert daitekeenean euskarazko textuan, lirudike deus txarrik ez dela jazoten euskarazko mundu puritano bedeinkatu hontan.
Euskaraz normal dakien edozeinek artikuluaren titulua ulertzen du ezein diffikultate txikerrenik gabe. Baina ez dakit nik nihaurk zer eginen nukeen holako impresso baten aurrean, ze ez nuke bethi perenneki matrakan ibili nahi batetik eta bertzetik ogi behar dugun egunerokoa ere bizi naizeno nahi bait nuke falta ez dakidan, baldin presenta baliezadakete euskaraz impresso inkorrektu bat firmatzera noiz funtzionario ere nintzatekeen. Horrela noiz impresso offizialak dakarren "hala erasota gera dadin ...", ba ulertu bai egiten dugu dakarrena, zeren euskara bai bait dakigu, baina ezin zentzurik aurkhituz pasatzen gara (hobe, pasatu behar gara derrigorrez) impresso administrativo autonomo horren eskuin partera eta irakurtzen dugu erdaraz "para que así conste ...".
Ez nuke konkluitu nahi erranik ezen euskaldunok ari garela praktika linguistiko euskarazko testimonial hutsean, mezurik gabekoan. Euskara ere, nola ere edozein hizkuntza, behar dugu izan dadin praktiko eta efikaza eta ez zail, opako eta labyrinthikoa. Holatsuko euskara darabiltenak txarrago eta anhitzez nefastoago dirake tzat gure kolektivitate psykhologiko inkonsziente euskarazkoa ezi Guardia Zivil guziak eta aznarismo osoa batera, zeren hauek faltsuki edo egiazki argumentatzen bait dute bederen bere ekintza, nola ez euskal administrationeak eta euskaltzaleek bere sasieuskara kaltegarri hori. Baina bai, holan eta halan dirudi eta da euskara hori. Euskaldunoi errazago anhitzez zaiku zenbait erdara (espainol, frantzes, ingles,...) ezi geure euskara; "euskaltzaleon" erruz, kausaz, impositione eta itsukeriaz produzitua. Guzi hau izan dadila bederen konsta dadin euskararen egia laborrigarri egungo aktuala nolakoa den.
Lekeitio, 2003 otsaila 24
Erramun Gerrikagoitia
Bai, egia da, horixe idatzi du:
El idioma de los vascos, ahora como en el franquismo, sigue siendo en primer lugar el español, y sólo de forma secundaria el euskera.
Bueno, artikulua oso mamitsua, El euskera fanatizado ABC egunkarian.
Edurne Uriarte, esaten dute Kultura ministrorako kinieletan dagoela. ABC-n askotan idazten du. ABC-ko zuzendaria, badakizue, José Antonio Zarzalejos, Torrealdaik bere Artaziak liburuan aipatzen duen zentsoreetako bat.
Hauxe jaso dut:
Gaur asteazkena arratsaldeko 8:00etan Kontseiluak deituta EGUNKARIAren itxiera salatzeko kontzentrazioak egingo dira Euskal Herriko Udaletxe guztietan.
Horregatik deialdi hau zuen erakundeetan ahalik eta gehien zabaltzeko eta kontzentraziora joan zaitezten eskatzen dizuegu. Kartelik egiteko astirik ez dagoenez, deialdia ahoz aho egitea komeni da.
denok gara egunkaria !
Jakin ezazue Basaurin ere gaur deitu dugula konzentrazioa, arratsaldeko 8etan Udaletxe aurrean. Basauritarren batek irakurtzen badu mezu hau, bertan elkartuko garela esan.
GORA EGUNKARIA !
ATXILOTUAK ASKATU !
ADIERAZPEN ASKATASUNA !
Kaixo lagunok, Egunkariaren itxieraren aitzinean Malerrekako Mankomunitateak idazki hau prestatu du. Zuen komunikabideetan honen berri emanen duzuelakoan jaso ezazue agur bero bat.
Malerrekako Mankomunitateak, bere baitan udalerri hauek hartzen dituena: Beintza-Labaien, Bertizarana (Legasa, Narbarte eta Oieregi), Donamaria, Doneztebe, Elgorriaga, Eratsun, Ezkurra, Ituren, Oitz, Saldias, Sunbilla, Urrotz eta Zubieta, Egunkariaren ixtea salatu nahi du.
Mankomunitate honen xedeetako bat euskararen normalizazioa izanik, hasiera batetik bat egin du Egunkariaren proiektuarekin, eta horrela proiektu honen akziodun bihurtu ginen euskararen normalizaziorako beharrezkoa den tresna pentsatzen dugulako
Egunkaria da euskarazko egunkari bakarra, bidegabeko erabaki honekin euskaldunok ahotsik gabe utzi eta euskararen normalizaziorako ezinbertzekoa dugun tresna isilarazi nahi izan dute. Erabaki honen aitzinean gure desadostasuna azaltzeaz gain, atxilotu dituzten pertsonei gure elkartasuna adierazi nahi diegu eta bidenabar aske utzi ditzaten eskatu.
/cache/Gure-arbasoak_4_1_small_content.jpg)
Hunkigarria eta zirarragarria izan da benetan Martxelo Otamendiren aurpegia eta harek errandakoak aditzea. Jasandakoaren sufrikario horren ondotik jaso ezazue guztiak besarkada bero bat Nafarroako hiriburutik eta inoiz baino gehiago AURRERA EGUNKARIA!!