"Kazetaritza sarean" liburua Gabonetarako
Liburu berri baten berri emateko da mezu hau. Jaime Estevez kazetariarena da eta prentsa digitalak eginiko lehenengo urratsen berri ematen da. Liburua di-da batean irakurtzen dela dio artikulu batean Ramon Salaberriak.
Erreportaje-liburu bat dela dio Ramon Salaberriaren artikuluak. Bertan aipatzen da nolako aldaketa izan den sarearen kontzeptua erredakzioetan sartu denean. Kazetaritza egiteko modua sortu eta sortu egiten dela ere esaten da eta baita oraindik ere eraldaketa handiak jasango dituela.
Saiatu da data bat ematen kazetaritza digitalaren sorreraren gainean, nahiz eta oraindik diru etorria larria den eta ez diren etekin adierazle agerkari digitalak.
Beste hedabide batzuetan jasotako artikulu sorta batekin janzten da liburua eta horrek iritzi ezberdinak jasotzeko aukera zabaltzen du. Liburua gomendatzekoa dirudi eta Gabonak aurrean direla, ba beste horrenbesteren artean gomendatzeko posibilitate bat da.
Anaya argitaletxeak atera du liburua eta erreseña hemen daukazu. Liburuaren komentario txiki bat ere aurkituko duzu hemen.
Baina Sustatuzaleren batek gomendatuko du beste libururen bat, ezta?
Erantzunak
Tira, nire apaltasunetik proposamen bat. Egia esan, internetez ez dakit asko, eta multimedia gaietan galdu samar ibilten naiz, baina komunikazioa atsegin dudan gaia denez gero, liburu hau irakurri nuen eta tira, lotura du internetekin eta gustura irakurtzeko modukoa da: Manual de guerrilla de la comunicación, AFRIKA. Gruppe, Luther Blisset y Sonja Brunzels (Virus, 2000). Batez ere Luther Blisseten atala atsegin izan nuen, eta neurri baten haiengatik erosi nuen, izan ere beraien Q eleberria ikaragarria, demasa iruditu zitzaidalako (informazio gehiago: www.wumingfoundation.com), eta banekielako komunikazio proiektuetan jaioak zireala. beraz, ia balio dizuen. Eta bestela, oparitu edo irakurri Q eleberria, puuuuufff. Aspaldian irakurri dudan onena.
Izenburua irakurrita "kazetaritza sarean" gustoko dudan gaiaren gainekoa izango zela pentsatu nuen. Halabaina, eskuetan hartu nuenean konturatu nintzen gai murritzagoa zela eta ez hain interesgarria: Espainiako egunkari batzuek sarean jarritako edizio digitalen aipamena besterik ez da. Atal bakoitzean kasu bat: elpais.es, abc.es, elmundo.es, lavanguardia.es. Kasu bakoitzaren gaineko kontu batzuk eta kitto.
"Kazetaritza sarean" gaia askoz zabalagoa da. Sareko esperientzia propioak badira, paperezko edizioen html moldaketak baino askoz interesgarriagoak, batez ere soilik Espainiako egunkari nagusien kasuak soilik aztertzen badira.
Egiteko moduak eta sareak eskaintzen dituen tresnak, ediziorako ezezik ikerketarako, informazioa ganoraz bilatzeko, edizio sistema automatizatuak, weblogak... Horiek aitatu ere ez dira egiten liburu horretan.