Aznarren perlak 1979.an
Badakizue Catalunyan "Contrastant" izeneko GKE batek manifak zehatz mehatz neurtzen dituela. Hori ez da egiten duen bakarra. Komunikabideen jarraipena, kontrastea egiten du, eta baita politikoen esanak gogoratu ere.
Lagunok, hemeroteka, memoriaren eragiketa kritikoa egun aldarrikatu beharreko gauza da- Badakigu pertsonak bilakatu, aldatzeko eskubidea duela, duela 20 urte baino gehio esandakoak aurpegiratzeko eskubiderik ez daukagula.
Kasu honetan ordea, badea bilakaerarik?
Jose Maria Aznarrek "Nueva Rioja" egunkarian idatzitakoak dira. 1979.ean... Harrapazak!!
Erantzunak
Nik uste dut hemen Quim Monzo-k hanka sartzen duela. Koldo ez zen euskalduna (euskaraduna) eta hori argi geratu zen "etxean" solidarioa sartu zenean. Esaldia ez baitzen "horrela ez mutiko" izan, baizik eta "horrelakoa ez mutiko".
>Gogoratzen donostiarra den Koldo delako bat Gran Hermanokoa? (*horrela ez mutiko* esaldia famatu egin zuena :-) ) Ba bere amaren ahotsa ez zuen ezagutu saioan, berak eta amak euskaraz egiten dutelako eta noski, amari espainolez berba egitera behartu zutelako.
Nik ere gaur ezagutu dut webgune hori eta berri bat prestatzen nengoen webgunearen gainean. Esaten direnak osagarri direlakoan bidaltzen dut.
Katalanez dago gunearen edukia: Normes positives dictades per l'estat espanyol que obliguen la utilització de la llengua castellana agertzen dira, esaterako.
Ez dago artikulu gutxi gainera gunean: ultrakonjelatuek derrigor behar dutela espainolezko etiketa izan, esne pasteurizatu gaingabetuak ere espainolez egon behar dutela... eta horren zehatza izan gabe ere beste hainbat lege. Espainiar konstituzioak (1978/12/27) derrigortu egiten duela espainola erabiltzera jakinekoa zen, baina maila horretaraino legeztatua zegoela nork esan?
Gune honetan kontu kurioso gehiago ere badago, esaterako, Aznarrek 1979an idatzitako artikuluen bilduma. Iñaki Olanok aurreko mezuan esaten duen moduan. Titulu zenbait: El deber de votar, La abstención. La lección de la historia, Vientos que destruyen, Unidad y grandeza, Los otros holocaustos, El Parlamento, hazmerreír de nuestra democracia, Hablar claro. Testu hauek gustuko dituenak badaki non irakur ditzakeen...
Iñaki Olanok aipatzen ez duen arren, beste testu batek ere atentzioa deitu dit: Quim Monzó-rena: Monolingües todos deitzen dena. Bertan, espainiar telebistek darabilten politika linguistikoaz dago hausnarketa bat. Gran hermano, Operacion Triunfo etab. dira aipatuak. Jakingo duzuen moduan, katalanez berba egitea galarazten dute gaur egun telebistan. Euskararekin izandako gorabeherak ere jasotzen dira artikuluan. Gogoratzen donostiarra den Koldo delako bat Gran Hermanokoa? (horrela ez mutiko esaldia famatu egin zuena :-) ) Ba bere amaren ahotsa ez zuen ezagutu saioan, berak eta amak euskaraz egiten dutelako eta noski, amari espainolez berba egitera behartu zutelako.
Artikulugileak irtenbidea ere ematen du: "monolingueak aukeratu casting-etan". Ja!