Euskara sustatzeko Jaurlaritzaren laguntzak: banaketa zehatza

Banatutako laguntzen dokumentua behean gehituta daukazue. Laguntza horien artean, webgintzarekin zerikusia duten batzuk aipatzearren, horra zerrendatxo bat (kopuruak eurotan):

• Bizkaie bizkaierazko aldizkari elektronikoa (Bizikai Alkarte Kulturala), 13.955,45.
• Hernaniko Kronikaren www.hkronika.com (Dobera Euskara Elkartea), 2.404
• Zernola.net gazteentzako zientzia ataria, 15.925,42; eta hasierako promozio eta harpidetza kanpaina, 7.495 (Elhuyar), guztira 23.420,42.
• Zientzia.net, zientzia eta teknikaren ataria (Elhuyar), 15.795,46
• Euskonews & Media (Eusko Ikaskuntza), 18.030,36
• Hiznet, Hizkuntza Plangintza Ikastaroa Internet bidez (Eusko Ikaskuntza), 7.662,91.
• HARI@ berria Sareko Argiaren ardatz eta atari bihurturik (Komunikazio Biziagoa, S.A.L.), 14.200,19
• Ikastola web gunea (Euskal Herriko Ikastolen Elkartea), 15.559,02
• Euskal Idazleen Elkartearen Web Orria berriztea (EIE), 13.562,34
• Txikiak interneten sartu (Menudos Multimedia), 14.348,56
• IAWEB ( Adur softare productions ), 18.000.
• Irakurketa, aisia eta euskerea sustatzeko web-a egiteko proiektua ( Ibaizabal-Edelvives argitaletxea), 14.545,11.
• Eurobizkaia web orria (Eurobizkaia elkartea), 13.653,77
• Europa Press-en Euskarazko albisteen hedatzea interneten (Europa Press Delegaciones, S.A), 13.562,34
• Euskalanuncio.com (Sumelco Technologies), 14.327,15
• Suspergintza Elkartea, Nontzeberri, 18.000; Nontzeberri promoziorako proposamenak, 10.750,90; eta Zeuk Sortu (Nontzeberri-ren barnean dagoen aldizkaria), 13.169,22; guztira, 41.920,12.
• Topagunea, Euskara Elkarteen Federazioaren web guneak, 10.007,31
• Txatxilipurdi elkartearen web orrialdea, 7.702,57
• www.euskaraz.info (Plazagunea), 18.000
• Sustatu (Goiena eta Code & Syntax), 9.512,50.

Webgintzaz kanpoko itxura daukaten beste proiektu asko daude deialdian. Horien artean, Sustatu-ren sortzaileen beste bi proiektu ere lagundu dituzte. Goiena Komunikazio Zerbitzuek 3.945 euro lortu dituzte Euskal Herriko gertakari historiko-sozialak lekukoen ahotik proiekturako, eta Code & Syntax-ek 6.725 euro Lanorduak/Proiektuak egitasmorako (ofimatikako aplikazio euskalduna enpresarako)

Dirulaguntzarik lortu ez duten proiektuen artean, Xedera.com, Irakurnet, Trikitixa elkartearen Trikitixa.org, Euskadi Estrella egunkari digital itxi berria, Bizikai Alkartearen Bizkaiera.net proiektua, edo Uztarria.com Azpeitiko Ataria.