Kaleratua euskal etxean dantza egiteagatik

Nafar Zentruko lehendakari Sandalio Monrealek horren berri izan zuen, eta ez zitzaion batere gustatu. Egun batzuk geroago Lucas Maglioccetti Nafar Zentrura joan zen dantza entseguetan parte hartzeko. Lehendakaria kartaka ari zen, eta gazteari begiratu gabe, ondokoa galdetu zion: Zu zara euskaldunentzako dantza egin zuena? Lucasek baietz erantzun zion, parte hartu behar zuen dantzari batek zaingiratua izan zuelako.

Betiere gazteari begiratu gabe, Zentruko lehendakariak ondokoa bota zion: Ez al dakizu bi etxeen artean harremanik ez dagoela? Dantzari gazteak horren berri ez zuela erantzun zion, asko baikara bi etxeetan parte hartzen dugunok argudiatuz.

Lucas Maglioccettik aferaren inguruan hitz egiten jarraitu nahi zuen, baina lehendakariak elkarrizketa amaitutzat jo aurretik Zuzendaritza Batzordeak neurriak hartuko zituela jakinarazi zion. Orduan, dantza taldearen zuzendari Carmita Batle Lucasengana hurbildu eta taldetik eta zentrutik kanpo zegoela adierazi zion.

Azaroaren 5ean Zuzendaritza Batzordea batu zen, eta iritzi ezberdinak zeudenez, Lucasi 15 eguneko epea eman zioten bere jarreraren inguruan hausnar zezan. Lucasek berak jakin ahal izan zuenez, bilera hartan zenbait kide bera eta bere familiaren kontra gaizki esaka aritu ziren. Hilaren 19an gaztea Batzordera jo eta bere burua kaleratutzat zuela adierazi zuen. Bere jarreraren nondik-norakoak azaltzeko gaztea Rosarioko Nafar Zentruko kide guztiei gutun bana bidali zien. Bertan ondokoak irakur zitezkeen:

• Ni eta nire familia oso minduta gaude jasandako tratuagatik.
• Ni ez naiz izan beste kide bat kolpatu, nafar ikur bat apurtu eta Zentruan bertan prostituzioa sustatu duena.
• Kaleratua izan naiz nire pentsaerarekin koherente izateagatik.
• Nire senideek ere Nafar Zentruan parte hartu eta berarentzako lan egin dute.

Argentinan ere euskal gatazkak puri-purian omen dago, Gara egunkariak argitaratutako berri honek adierazi bezala. Guk Dantzan.com-en irakurri dugu eta zuek ere bertan irakur dezakezue.